فارس نئوفاشیستلری نین راسیستلیک گؤروشلری اوزره باخیش

ایشیق سؤنمز 05.08.2007

بیلیندیگی کیمی راسیستلیک مقوله سی 18 اینجی عصیرین سونلاریندا اورتایا قویولموش. آوروپادا ائتنولوژی بیلیمی نین گلیمشه سی، آیری خالق و کولتورلرین تانینماسی ایله بیرلیکده بیر چوخ اؤزلرینی بیلیم آدامی کیمی تقدیم ائدن ذاتلار دا اینسانلار آراسیندا اولان فیزیولوژی فرقلیکلری نظره آلاراق بو فرقلیکلری ایضاح ائتمگه چالیشدیلار. بئله لیکله اینسانلیغین گلیشمه سی و دیرچلمه سی اوزره ایکی گؤروش اورتایا قویولدو:

1- بیر ژنئلیلیک یانچیلاری (Monogenetiker): اونلاردان اصلیتی آلمان اولان ماینئرس (Meiners) و کانت (Kant) اینجیل کیتابی نین اسکی واریانتینی اؤز تئزلرینی ایضاح ائتمک اوچون تمل گؤتوردولر. اینجیله گؤره بوتون اینسانلار بیر آتادان تؤرنمیشلر. بوتون اینسانلارین ان بؤیوک آتاسی آدم (حضرت آدم) ساییلار.

2- چوخ ژئنلیلیک یانچیلاری (Polygenetiker): اونلاردان اصلیتی آلمان اولان گؤته (Goethe) و وولتئیره (Voltaire) اینسانلارین موختلیف نژاددان اولدوغونو ایددعا ائتمیشلر. بو ئتورینی اؤنه سورنلرین بؤیوک یانلیشلیقلاریندان بیری ده اینسانلاری جیسمی و روحی باخیمدان موختلیف عیرقلارا بؤلمه لری اولموش. بو راسیستلیک تئوریسینی اؤنه سورنلر باشقا کولتورلری یاغمالانی اؤزلرینه مقصد گؤتوره رک حئیوانجیل داورانیشلارا قانونچولوق (قانونیت) دونو گئیدیرمگه چالیشمیشلار. سیاست آلانیندا دا حاکیم سیستیملر "بیز" ایفاده سی نین دالیندا گیزلنمگه چالیشاراق اینسانلاری ظاهیری گؤرونوشلری اساسیندا صینیفلاندیرماقلا اؤز چیخارلاری اوچون راسیستلیک تئوریسیندن فایدالانماغا چالیشمیشلار.

بوتون راسیستلیک تئوریسیئنلری " آغ عیرقین عاغیللی، گؤزل و یاخشیراق" اولدوغونو قبول ائتمیشلر. بئله لیکله "آوروپالیلار دونیا کولتورو و مدنیتی نین قوروجوسو" کیمی قلمه آلینمیشلار. فلسفی گؤروشلره صاحیب اولان ایمانوئل کانت Immanuel Kant راسیست تئوریسنلرین ان اؤنملیسی اولموش. اینسنالیغین موختلیف عیرقلاردان اولوشدوغونا داییر ایمانوئل کانتین گؤروشلری بو ذاتین تانینمیش شخصیتینی ده کؤلگه آلتینا آلمیش مقامدا یئر آلیر. ایمانوئل کانت فلسفه، ریاضی و طبیعی بیلیملری اوخودوغونا باخمایاراق دوغولدوغو (1724)کؤنیقسبئرق Königsberg شهریندن دیشاری چیخمادیغینی نظره آلاراق عیرق تئوریسی اوزره خیالی گؤروشلرینی ایجتماعیته یایمادان چکینمه میش. ایمانوئل کانت اینسانلارین موختلیف عیرقلاردان اولدوغونو ایددعا ائتمیش (1). کانتین گؤروشونه گؤره بو موختلیفلیک طبیعتدن اورتایا قویولموش فرقلیکلر اولاراق اینسان توپلوملارینی ان قدیم عیرقلارین بیرینه باغلامالیدیر. آغ و قارا دریلی ایمانوئل کانتین باخیشینا گؤره موختلیف اینسانلار دئییل، موختلیق عیرقلار اولمالیدیرلار. ایمانوئل کانت اینسانلیغی دؤرت عیرقا بؤلمگه چالیشمیش. اونون گؤروشونه گؤره باشقا عیرقلار بو عیرقلارین قاریشیغیندان اورتایا قویولموش گؤرونوملردیر:

1- آغ دریلی (die Rasse der Weißen)

2- قارا دریلی (die Negerrasse)

3- هون عیرقی (die hunnische Rasse)

4- هیند عیرقی (die hindistanische Rasse)

ایمانوئل کانتا گؤره عربلر، تورکلر، و فارسلار آغ دریلی، اورال داغلاریندا اولان آتلی اویماقلار (قبیله لر) ایسه هون عیرقیندان ساییلمالیدیرلار. کانت عیرقلاری آشاغیداکی اویماق (قبیله) صینیفلارینا بؤلورموش:

- آغ و قومرال ساچلی

- قومرال آوروپالی

- قیزیل دریلی آمریکالیلار

- قارا دریلیلر

- زیتون بویاقلی هیندلیلر.

ایمانوئل کانتین عیرقلار اوزره بو گؤروشلری اؤنه سوردوگونه باخمایاراق بیر چوخلاری ایمانوئل کانت قارشیسیندا بو مسئله لر اوزره سکوت ایله یاناشمیشلار. دئمک، ایمانوئل کانتین شخصیتینی نظره آلاراق بیر چوخلاری اونون راسیستلیک تئوریلرینی نقده چکمکدن قاچینمیشلار دئیه دوشونمه لی ییک. بونلارا باخمایاراق ایمانوئل کانت و اونون زامانینداکی شخصلرین گؤروشلری سونراکی عیرقچیلیگ و نژادپرستلیگین تملینی اولوشدورموش. آلمانیادا 1933-1945 ایللری آلمان نازیستلری ایش اوستونه گلدیکلریندن سونرا اونلار سوسیال بیلیملرینه اساسلانمیش عیرق تئوریسینی ده اؤز خیدمتلرینه آلماغا چالیشاراق بو سایاق ایله باشقا ائتنوسلار علیه لرینه یئریتمگه چالیشدیقلاری جینانتلرین اوزرینه اؤرتوک چکمگه چالیشمیشلار.

اوسته کی تاریخی مسئله لری بیر یانا دورسون، بو آرادا اؤزلرینی آلمان نازیستلرینه یاخین بیلن فارس نئوفاشیستلر / پان ایرانیستلر "فرمان آریا" آدلی سیته لرینده فارس راسیستلیگینی تبلیغ ائتمگه چالیشاراق آلمان نازیستلرینه بنزر کاراکتئر و سیمگه لره صاحیب اولدوقلارینی تبلیغ ائتدیکلرینه تانیغ اولوروق، پان ایرانیستلرین "فرمان آریا" آدلی سیته لریندن بو موضوعلارا آچیقلیق گتیرمگه چالیشاق، اوخویوروق:

"گردونه مهر در شرق ،صليب شكسته در غرب

داستان نقش بستن نشان مهر بر روي پرچم حزب نازي آلمان در سالهاي پيش از جنگ جهاني دوم داستاني جالب و پيچيده يي است كه كاوش آن مستلزم در نظر داشتن تفاوتهاي تاريخي و فرهنگي مشرق و مغرب زمين ميباشد.آنچه كه امروزه در جهان به عنوان نشان و سمبل نژادپرستي (صليب شكسته ) شناخته ميشود، ودر سالهاي نيرومندي حزب نازي آلمان نشان نازيسم ميبود، در سالها و بلكه سده ها و هزاره های پيش از جنگ جهانگير دوم چه در اروپا و چه در ايران و هند در معاني و قالبهاي كاملا متفاوت از معناي شايع امروزي رايج بوده است"(2).

اوسته گؤروندوگو کیمی فارس نئوفاشیستلری آلمان نازیستلری نین فاشیستلیک سیمگه سی ساییلان قامالی خاچ (صلیب شکسته) سیمگه سینه تمیزلیک سویو تؤکمکلری ایله اؤز فاشیستلیک سیمگه لرینی ده تمیزلیگه چیخارماغا چالیشارلار. اونلار بو مسئله نی کئچمیش زامانداکی هیند- فارس اسطوره سی ساییلان میترا مقوله سی ایله علاقه لندیرمگه چالیشارلار. بیلیندیگی کیمی میترائیسم ایلک اولاراق آنادولودا، سونرالار روم ایمپراتورلوغوندا یاییلمیش بیر اینانج اولموش. بو اینانجا اساساً گونش شخص بیچیمینده اورتایا قویولاراق اونا سایقی ایله یاناشیلمیش.

20 اینجی عصرین باشلانقیجیندا غرب عالیملری روملارین گونش اللهی کیمی قبول اولونان میترانی هیند - فارس اسطوره سینه باغلی بیلدیکلرینه باخمایاراق بو فیغورون هیند- فارس اسطوره سی ایله باغلی اولدوغو هله له ده آیدینلیغا قاویشمامیشدیر. بو دئدیکلریمیزی اسکی آنادولوداکی ایجتماعیت و روم ایمپراتورلوغونداکی اینسانلارین تاپیندیقلاری دینی اینانجلاری، هیند – فارس اسطوره سینه نیسبت وئریلمیش اینانجلار ایله هئچ بیر ایلگی و علاقه سی اولمادیغی ثبوت ائتمکده دیر. بونلارا باخمایاراق فارس باستانگرایلاری بو مقوله نی زردوشتچولوگه دویونلمگه چالیشارلار. زردوشت دینی نین اؤزونون ده بوگون قوشقو (شک) آلتیندا اولدوغونو نظره آلارساق، فارس باستانگرایلاری و نئوفاشیستلری نین سامان چؤپوندن داغ دوزتمه حئکایه لری اورتایا چیخمیش اولار(3). فارس نئوفاشیستلری/پان ایرانیستلر "فرمان آریا" آدلی سیته لرینده گئنه ده یازیرلار:

"... همانگونه كه ديرينه شناسان نيز اذعان دارند آيين مهر يا ميترا (Mitraisme) يكي از آيين هاي بزرگ آريائيان بوده كه در دوره هاي پيش ازگسترش دين مزديسنا در ميان آرياها روا بوده. هنايش و گسترش اين دين به اندازه يي بوده كه در دوره خاندان اشكاني بوسيله لژيونهاي رومي كه در مرزهاي اروپا مستقر شده بودند با شتاب شگفت انگيزي گسترش يافت و تا جايي پيش رفت كه تبديل به بزرگترين دين امپراتوري روم گشته و آيين رسمي آن امپراتوري شد. در يافته هاي باستان شناسي براي ما روشن شده است كه نشان رسمي آيين مهر همان چليپا يا صليب ميبوده و به همين علت است كه مي بينيم اين نشان حتي پس از كاهش توان ميترايسم درايران معماري ها و نقوش ايراني سرشار از علامتهاي و نشانهاي صليبي شكل است."(2).

اوسته گؤروندوگو کیمی عیسی مسیحین دارا چکیلمه سینه داییر صلیب سیمگه سینی ده فارس باستانگرایلاری اؤزلرینه عایید ائتمگه چالیشارلار. اوسته ایشاره اولدوغو کیمی میترائیسم ایلک اولاراق آنادولودا اورتایا چیخمیش و زامانلا روم ایمپراتورلوغوندا اؤزونه یئر آچماغا باشلامیش. اوسته لیک اوسته گؤردوک و آشاغیدا گؤره جه گیمیز دک هیندلردن آلینمیش فارس اسطوره سی ایله گونش آللهی ساییلان آنادولو و روم ایمپراتورلوغونداکی اللهی نین دا هئچ بیر ایلگی و ایلیشگیلری اولمامیشدیر. فارس نئوفاشیستلری/ پان ایرانیستلر "فرمان آریا" آدلی سیته لرینده یازیر:

"... بارزتزين نمود اين علامت در حجاري هاي آرمگاه پادشاهان بزرگ هخامنشي در نقش رستم ( كوه رجب ) نمود پيدا كرده. گذشته از اين ،نقشهاي شكسته ي چليپا نيز چه در ايران پيش از اسلام و چه در دوران اسلامي رواج داشته است. ظاهرا اين علامت نشان خورشيد ( مهر ) ميبوده است و عنوان نشان مهر (گردونه مهر) بكار ميرفته است ،بويژه آنكه در در بيشتر موارد شاخه هاي گردونه مهر در جهت حركت عقربه هاي ساعت كشيده مي شد . در يك مورد استثنايي اين نشان بر روي كپل يك شير نشسته كه شايد بتوان آن را كهن ترين نمونه هاي نشان شيروخورشيد به شمار آورد. موارد زيادي از كاربرد گردونه مهر را ميتوان در سراسردوره هاي ايران باستان يافت. از جمله نقاشي هاي روهاي كاسه هاي سفالي .همچنين در ويرانه هاي مداين و پارسه و آتشكده شيز (آذرگشنسب)نيز نمونه هايي از گردونه مهر يافت شده است.در مورد كاربرد معناي اين نشانه در فرهنگ ايران بايد گفت كه ظاهرا كاربردي در مفهوم نشان از زمان (شايد زمان بيكران) ويا خورشد داشته باشد.هنگاميكه شاخكهاي گردونه مهر به هم مي پيوستند نشان از ابديت و بيكرانگي داشتند. در دوران پس از اسلام نيز در سنگ تراشي هاي و نقاشي هاي مساجد(مگنت ها) و بقعه ها گاه و بي گاه شاهد حضور همين چليپا ها و گردونه هستيم. همين نشان در فرهنگ و تاريخ هندوستان نيز رواج بسيار فراواني دارد و در تمامي شهرهاي مذهبي هندو نشين مي توان به وفور اين نشان به چشم مي خورد."(2).

اوسته گؤروندوگو کیمی فارس باستانگرایلاری و راسیستلری تاریخی تحریف ائتمگه چالیشارلار. میترا آدی سانسکریت دیلینده قدیم هیند "ویدا वेद, veda " (بیلن) اللهی نین آدی اولموش. زامان گئدیشی و محل دگیشیکلینده دگیشیمه (تغییر) اوغرایاراق "میترا" بیچیمینه دوشموشدور. هیندو مذهبینده بوگون ده "ویدا" مقدس متینلره وئریلمیش آد ساییلار. ویدا یازیلاری نین اوزه گینی (هسته سینی) شروتی متینلری اولوشدورار. اینانج صاحیبلری نین دوشونجه لرینه اساساً ویدا متینلری نازیل اولموش متین کیمی قبول اولونارلار. بوگون ده بعضی برهمانلار ویدا متینلرینی ازبر بیلرلر. اوسته کی و بو ایشاره ائتدیگیمیزدن گؤروندوگو کیمی بو ایکی اینانج (روم و هیند اسطوره لری) آراسیندا یئر ایله گؤگ قدر فرق وار. روملولارین اینانجیندا اسطوره گونش اولاراق نظرده توتولارکن هیندلرین اینانجیندا الله و یا یانلیز دینی متینلر نظرده توتولار. اوسته لیک بو مسئله فارس اسطوره سی و میتراچیلغی دئییل، هیند کولتورونه عایید اولموش زامان گئدیشی ایله تحریفه اوغرامیش بیر اسطوره آدی اولموش. سونرالار بو کلمه نین ایران ممالیکی محروسه سینه گلمه سی ده آریا عیرقینا منسوب اولدوغونا اساس دئییل، هیند کولتورونون یاییلماسی ایله علاقه لندیریلمه لیدیر. دئمک، اؤزلرینی کئچمیشلرده آختاریب تاپماغا چالیشان فارس نئوفاشیستلری، راسیستلری و اونلارین باستانگرای قویروقلاری بو مسئله لره بیلیم آچیسیندان یاناشارسالار، اؤز کئچمیش مقدس سایدیقلارینی خیالی "آریا و آرین" کلمه سینده دئییل، هیند کولتور و مدنیتینده آختارمالیدیرلار. پان ایرانیستلرین "فرمان آریا" آدلی سیته لریندن اوخویوروق:

"... ايران و آلمان: از آنجا كه دو ملت ايران و آلمان از ديد زباني داراي ريشه هاي زباني و تاريخي نزديكي بودند و از آنجا كه مورخان و تاريخ شناسان اروپايي پس از مطالعه متون كهن شرقي متوجه شده بودند كه هندو ايراني ها و برخي گروههاي نژادي ساكن اروپا در گذشته در يك مكان زندگي ميكردند و داراي زبان و دين و نژاد يگانه بودند كه درتاريخ هندیان و ايرانيان آريا يا آرين ناميده مي شود ، باين صرافت افتادند كه آنان نيز آريايي اند و وارث تمدني معظم و واجد خوني پاك و والا."(2).

اوسته ایشاره اولدوغو کیمی ایمانوئل کانت راسیستلیک تئوریسی نی آلمان ایمپراتورلوغوندا تئوریزه ائتمه سینه باخمایاراق بو ذات دوغما شهری ساییلان Königsberg شهریندن بیله دیشاری (خاریجه) چیخمادیغینا باخمایاراق اونون اورتایا آتدیغی راسیستلیک تئوریسی ایستر آلمان فاشیستلری، ایسترسه ده فارس راسیستلری نین کؤنلونو اوخشامیش گؤرونور. دیل بیلیمی آچیسیندان فارس دیل و مدنیتی نین کئچمیشی نین هیندوستانا عایید اولماسینا و سانسکریت دیلی ایله علاقه لی اولماسیندا کیمسه نین قوشقوسو یوخدور. بیلیندیگی کیمی سئریلانکا، بنگلادیش، نئپال دیللری ده فارس دیلی نین یاخین اقربالاریندان ساییلارلار. دئمک، اؤز منشألرینی هیندوستاندا گؤرستمگی عیب بیلنلر "آریا" کلمه سینه بورونه رک هندیلری ده فارسلار ایله بیرلیکده"هندیان و ایرانیان آریایی" ایفاده سی ایله تقدیم ائتمگه چالیشارلار. بو دا اونلارین عقده و حیقارتلرینی گئدرمک اوچون مرحم ساییلار دئیه دوشونمه لی ییک. فارس نئوفاشیستلری/ پان ایرانیستلر "فرمان آریا" آدلی سیته لرینده گئنه ده یازیرلار:

"... از سوي ديگر همزمان با به اقتدار رسيدن آدولف هيتلر در آلمان ،سردارسپه(رضا شاه آينده )با گرايش هاي ناسيوناليستي همراه با گروهي از نخبگان ناسيوناليست زمام امور ايران را به دست گرفت. ... ،بويژه آنكه آلمان ها يهودي نژادها را آماج حملات سياسي خود قرار داده بود و در اين سو ايراني ها و در راس ها آنان گروههاي ناسيوناليست تنفر بي اندازه يي از اعراب (خويشاوند نژادي و قومي جهودها) داشتند كه همگي شوند پيوند و نزديكي هرچه بيشتر اين دو مي شد .در آلمان نيز بسياري از ايرانيان ساكن آنجا به حزب نازي پيوسند و برخي افسران عالي رتبه ايراني درجبهه هاي اروپا به سود آلمانها مشغول نبرد بودند . يافته شدن نشان گردونه مهر - كه همانند صليب شكسته نازي ها بود – دراماكن تاريخي چند هزار ساله ايران در شعله ورتر كردن آتش اين احساسات هنائيده بود وحتي شوند آن شد تا آلماني ها ادعا كنند نشان صليب شكسته نشان مشترك وازلي همه آريايي هاي جهان است.(البته همین نشان باستانی علاوه بر ایرانی ها و هندی ها در میان یونانی ها و رومی ها و سپس در میان اروپایی ها نیز کاربرد داشته.البته نه در چم نژادپرستانه)"(2).

اوسته کی ایفاده لری آلمان نازیستلری نین سیمگه سی (علامتی) ایله سرگیله مکله فارس نئوفاشیستلری/ پان ایرانیستلر سام دیل و مدنیتلرینه عایید اولان ائتنوسلارا دوشمنلیک ائتدیکلرینه داییر هئچ بیر قوشقو (شک) یئری بوراخمازلار. اونلارین سلفلری، داوود منشی زاده لر اؤزلری ده ایفاده ائتدیکلری کیمی آلمان نازیست پارتیسینه قوشولاراق دونیا ایجتماعیتی نین اوز قاراسی ساییلان جینایتلرده اینسانلاری کوره لرده دیری دیری یاندیرماقدا آلمان نازیستلرینه اللریندن گلدیگی قدر کؤمک ائتمگه چالیشمیشلار(4). بوگون بو مسئله لر آلمان ایجتماعیتینده بیر تابو (دیله گتیریلمز ایفاده) ساییلدیغینا باخمایاراق فارس نئوفاشیستلری/ پان ایرانیستلر بشر قافیله سینه اویوم ساخلاماق ایسته مدیکلری اوچون بو اینسانلیغا یاراشماز ایفاده لری بیر داها گونجللشدیرمگه چالیشارلار. فارس نئوفاشیستلری نین گئییملری اوزره اوخویوروق:

"ب) پوشش حزبی. لباس حزبي پان ايرانيست ها شلوار و پيراهن خاكستري رنگ به همراه پوتين و بازوبند پان ايرانيستي مي باشد.  لباس اندامان گارد حزبي به رنگ مشكي با بازوبند سرخ رنگ مي باشد. وظيفه ي گروه ضربت يا گارد حزب محافظت از نشست ها و ميتينگهاي حزبي مي باشد.نيز برقراري نظم و سامان نشست ها با اعضاي گارد مي باشد . پوشش حزبي براي بانوان، پيراهن و دامن خاكستري با بازوبند حزبي مي باشد."(5)

آلمان نازیستلری نین تاریخی ایله تانیش اولانلار ایستر گئییم، ایسترسه ده داورانیش باخیمیندان فارس نئوفاشیستلری نین آلمان نازیستلرینی اؤزلرینه اولگو و اؤرنک ائتدیکلرینه داییر تانیغلیق ائده بیلرلر. دئمک، بوتون ایدئولوژیلرده اولدوغو کیمی راسیست اولماق اوچون ده بیر اولگو و اؤرنک گرکلی ساییلارمیش دئیه دوشونمه لی ییک. فارس نئوفاشیستلری نین سلام وئرمه لرینه داییر اوخویوروق:

"چ) سلام پان ایرانیستی. حزب پان ايرانيست مانند هر تشكل سياسي و نظامي ديگري ، براي خود سامان و ديسيپلين ويژه يي دارد. سلام حزبي نيز يكي از آنها ست . پان ايرانيست ها به هنگام اداي احترام ، دورد و بدرود ، پاهاي خود را جفت كرده و به حالت خبردار دست راست خود را تا روبري قلب خود بالا مي آورند_ به شكلي كه انگشت شست و كل مچ بصورت افقي مقابل سينه قرار گيرد_ و پاينده ايران مي گويند."(5).

اوسته کی مسئله ده گئنه ده فارس نئوفاشیستلری آلمان نازیستلری نی یانسیلامیش گؤرونورلر. آلمان نازیستلری ده "یاشاسین هیتلر" دئمک ایسترکن اللرینی دؤشلری نین قارشسیندا قارشی طرفه اوزاداراق Heil Hitler دئیه اؤز راسیست باشچیلارینا ادب و نزاکتلرینی یئرینه گتیرمگه چالیشمیش و چالیشارلار. دئمک، فارس نئوفاشیستلری نین نژادپرستلیک مقوله لری "خاک و خون" تئوریسینه اساسلاندیغی، ایران ممالیکی محروسه سینده فارسلار میللی آزلیق تشکیل ائتدیکلری و بو ممالیکی محروسه اوزره مالیکلیک ایددعاسیندا اولدوقلاری اوچون فارس دیل و مدنیتینی اساس گؤتوره رک "پاینده ایران" شعاری ایله باشقا ائتنوسلارا باغلی اولان عوام اینسانلاری آلداتماق وسیله سی ایله بو ممالیکی محروسه نی قوروماق باشاریغیندا دئییل، اؤز سادیستلیک روحلارینی اوخشاماغا چالیشارلار.

قایناقلار:

1 Kant′s gesammelte Schriften", Hrsg. Königlich Preußische Akademie der Wissenschaften
Druck und Verlag von Georg Reimer; Berlin 1912, Bd. II S. 429 - 443

2 پان ایرانیست "فرمان آریا"، گردونه مهر در شرق ،صليب شكسته در غرب:

http://www.farmane-ariya.blogfa.com/post-191.aspx

3 ایشیق سؤنمز، پان ایرانیستلرین دیل و مدنیت تحریف ائتمه مسئله لری!:

http://www.azadtribun.net/x140.htm

4 ایشیق سؤنمز، فارس نئوفاشیستلری و داریوش همایون:

http://www.azadtabriz.com/news/?p=1218

5 پان ایرانیست، فرمان آریا، سلوک پان ایرانیستی: http://www.farmane-ariya.blogfa.com/post-175.aspx