-گونئی آذربایجانین، بيرليک و سیمگه بايرامي

جمال محمد خان

پنجشنبه ٨ مهر ۱٣٨۹ - ٣۰ سپتامبر ۲۰۱۰

دون اينتئرنئت گروپلاريندا، چوخ اؤنئملي بير مکتوب ياييلمايا باشلاندي. گونئي آذربایجانلی، بير چوخ سياسي گروبون و شخصیتين، ايمضاسيني داشييان بو مکتوپ، خالقيميزا بير موژده وئريردي. گونئي آذربایجان ضياليلاري نين، تشکيلاتلاري نين، ايمضالاريني داشييان مکتوپ، گونئي آذربایجان اؤزگورلوک (آزادليق) موجادیله سينه، خالقيميزين داها اؤنجه قبول ائتديگي، قيرميزي رنگي، قيرميزي رنگلي بايراغي، سمبول اولاراق قبول ائديردي. بو خبر، بؤيوک هيزلا دونيا آذربایجانلیلاري ايچينده ياييلدي. گونون آخشاميندا ايسه، گونئي آذربایجان’دا بير بايرام سئوينجي ياشانمايا باشلاندي. سئوينجين ايکي سببي واردي. بيرينجيسي، قيرميزي رنگين، اؤزگورلوک حرکتینه سمبول قبول ائديلمه سي، ايکينجيسي ايسه، 20’دن چوخ اؤرگوتون بير آرايا گلره ک، بو قراري آلماسي ايدي. گئجه، گونئي آذربایجان تلويزيونونو، قونو ايلا ايلگيلي ياپتيغي پروگرامي ايزله ديم. زامان زامان چوشاراق، زامان زامان دويغولاناراق ايزله ديگيم پروگرامدا گؤردوم کي، صاباح اينترنت گروپلاريندا اوخودوغوم، خبر، گونئي آذربایجان’دا، بير بايرام جوشقوسو ياراتميش و خالقيميز، بو مکتوبو، بو گونو، بير بايرام گونو اولاراق قبول ائتميشدي. يايينا تلفونلا، ایميل لر ايله قاتيلان سويداشلاريميز، سیمگه و بيرليک بايراميني تبريک ائديردي. بو تبريکلر، بو چوشقو، خالقيميزين، بيرليک و اؤزگورلویو نه قده ر ايستکلي اولدوغونو گؤستريردي.

قيرميزي سیمگه، گونئي آذربایجان’ين رسمي بايراغي اولاراق، قبول ائديلمه ميشدي. ساده جه، اؤزگورلوک موجادیله سي نين سمبولو، کیمي قبول ائديلميشدي. مکتوبدا، گونئي آذربایجان’ين بايراغي نين تثبيت ائديلمه سي، گونئي آذربایجان پارلامئنتوسونا بيراخيلميشدي. مکتوبون سطير آرالاريندا، خالقيميزا داها بؤيوک موژده لر وئريليردي. آرتيق گونئي آذربایجان پارلامئنتوسوندان بحث ائديلير. ايندي گونئي آذربایجان، اؤزگورلوک ساواشچيلاري نين، ضياليلاري نين اؤنونده، سورگونده ده اولسا، گونئي آذربایجان پارلامئنتوسونون ياراديلماسي گؤره وي گليپ چاتميشدير. کئچن ايل، آمستئردام’دا ياپيلان، ديالوگ توپلانتيسييلا باشلايان، بيرليک سوره جي، زامان زامان کیچیک ضربه لر آلسادا، چيغ کیمي بويویه ره ک دوام ائدير. دونکو مکتوبو، بو سوره جين، بير پيلله (باساماق) داها يوخاري چيخماسي اولاراق گؤروره م. ايندي، اؤنده، بو بيرليک سوره جي نين، ياراديلاجاق پارلامئنتو ايله، زيروه يه چيخماسي زاماني گلميشدير. گونئي آذربایجان پارلامئنتوسو، سورگونده ده اولسا، مطلق ياراديلماليدير. آذربایجان اؤزگورلوک ساواشچيلاري نين اؤنونده، بير چوخ گؤره و وار. آما من، ايکي اؤنملي گؤره وين اؤنه چيخديغيني و مطلق يئرينه گئتيريلمه سيني فيکيرلشيره م. بيرينجيسي، سیمگه و بيرليک مکتوبوندا يئر آلمايان، تشکيلاتلارين وه اؤزگورلوک ساواشچيلارينيندا، بو بيرليگه قاتيلماسيني ساغلاماق، ايکينجيسي ايسه، ان قيسا زاماندا، بيرينجيسي سمبوليک بيله اولسا، سورگوندو، گونئي آذربایجان پارلئمانتوسونون ياراديلماسيدير. 21 آذر تاريخي، پارلامئنتونون اعلانينا آنلام قازانديراجاق، ان گؤزه ل تاريخدي.

http://www.canaz.tv/yazar/6426-cemal-mehmethan-azerbaycan39in-birlik-ve-bayrak-bayrami.html