ح.راشدی:

http://rashedi-hasan.blogfa.com/

مهر آيي گلدي مكتبلر آچيلدي !

       لاكين اوشاقلاريميزين آناديلده درس اوخوما آرزوسو هله ده اوركلرده

دوگونله نيب قاليبدير !    ۷۰ ميليون نفوسو اولان ايران  اؤلكه سينده  ۳۰ ميليوندان

چوخ جمعيتي اولان تورك ميلّتي نين مكتبلرده  آنا ديلينده  درس اوخوما حاقّي

اولماماسينا  دونيادا اينانان  اولارمي ؟ !   ايرانين قونشوسو اولان عراق و حتي افغانستان كيمي دونيانين ان دالي قالميش اؤلكه سينده ، اؤلكه نين باشاباشيندا ايكي سرتاسري رسمي ديلين ، و ولايتلرده محلي ديللرين مكتبلرده تدريسي قبول اولوب و اجرا اولور ،

لاكين دونيانين ان دموكرات اؤلكه سي ادعاسيني داشيان  اؤلكه ده ۳۰ ميليون تورك ديللي انسان بو ابتدايي مدني حاقدان محرومدور !!

        مهر آيي نين باشلانماسي و اوشاقلاريميزين هله ده آنا ديلده يوخ ، اجباري اولاراق باشقا بير ديلده تحصيل آلماسي ايله باغلي بويوك بيلگين ، تحقيقاتچي ، مورخ و آذربايجان ملّتي نين فخري ساييلان پرفئسور دوكتور محمد تقي زهتابي نين ان گنج ياشيندا  و ۱۳۲۴  - جي ايلده سؤيله ديگي  بو شعري ، ايچميزدن قالخيب ديله گتيره بيله جه گيميز اوره ك سيزينتيلايميزين يالنيز بير پارچاسي دير !   

سن اوسان منده بويام !

" سو " دئییبدیر منه اولده،آنام آب کی،یوخ

"یوخو" اؤیرتدی اوشاقلیقدامنه،خواب کی،یوخ

ایلک دفعه کی،"چؤرک"وئردی منه نان دئمه دی

                               ازلیندن منه "دوزدانه"، نمکدان  دئمه دی

آنام ،اختر دئمه یبدیرمنه،"اولدوز "دئییب او

                               سو دوناندا،دئمه ییب یخدی بالا،"بوز"دئییب او

"قار" دئییب ،برف دئمه ییب،دست دئمه ییب"ال"دئییب او

                               منه هئچواخت بیا سویله مه ییب،"گل"دئییب او

یاخشی خاطیرلاییرام،یاز گونو اخشام چاغی لار

                                 باغچانین گون باتانیندا کی،ایلیق گون یاییلار

گل:-دئیه ردی،-داراییم باشیوی ای نازلی بالام!

                                 گلمه سن گر،باجیوین آستاجا زولفون دارارام

او دئمه زدی کی ،-بیا شانه زنم بر سر تو

                                 گر نیایی بزنم شانه سر خواهر تو

بلی،داش یاغسادا گویدن،سن او سان من ده بویام

                                 وار سنین باشقا آنان،واردی منیم باشقا آنام

اؤزومه مخصوص اولان باشقا ائلیم واردی منیم

                               ائلیمه مخصوص اولان باشقا دیلیم واردی منیم

ایسته سن قارداش اولاق،بیر یاشایاق،بیرلیک ائدک

                                وئریبن قول-قولا،بوندان سورا بیر یولدا گئدک

اولا،اؤزگه کولک لرله گرک آخمایاسان

                                ثانیا،وارلیغیما،خالقیما خور باخمایاسان

یوخسا گر زور دئیه سن ميلّتیمی خوار ائده سن

                           گون گلر،صفحه چؤنر،مجبور اولارسان گئده سن!

 پروفسوردوکتور محمد تقی زهتابی (کیریشچی) ،  1324 -جو هجري گونش ايلي