امانی
کیم ایدیر !
بابک
بخت آور:
24.10.2010
2 آبان 1389
آذربایجان
تاریخی، وطن و
میللت
اوغروندا موباریزه
ائدیب، جانلارینی
باغیشلایان بیر
چوخ
اونودولماز
قهرمانلارین
شاهیدی
اؤلموشدور. بؤیله بیر
زنگین و شرف
دؤلو کئچمیشه
سؤیکنن میللتیمیز
، چاغداش میللی-دئموکراتیک
حاقلارینی
ائلده ائتمک
اوغوروندا
باشلاتیدیغی
حرکاتیندا آینی
قهرمانلاری
باشقا اینسانلارین
سیماسیندا
عکس ائتدیرمیشدیر.
اونلو
موهندیس
قولام-رضا
امانی بو
اونودولماز
شخصیتلردندیر.
موهندیس امانی
1370جی گونش ایللرین
دن (1980جی ایللردن)
سیاسی –ایجتیماعی
یونده و آذربایجان
میللی حرکاتیی
اوغروندا فعاللیت
گؤسترمیشدیر.
او 1371-جی (1992) ایلده
اردبیل شهرینین
محقق اردبیلی
آدلی بیلیم یوردوندان
زراعت رشته سینده
قبول اولوب؛ بیر
ایل اوخودوقدان
سونرا تبریز بیلیم
یوردونا اینتیقال
آلیب و (1996) 1375-جی ایل
ده ایسه تبریز
بیلیم یوردوندا
کشاورزی فاکولتهسیندن
زراعت اوزره لیسانس
آلمیش دیر .
1374-75 جی
(1995-96) پارلامئنت
سئچگیلری
پروسئسینده
آکتیو ایشتیراک
ائدیب و
دؤکتور
چئهرقانلی-نین
کاندیاتورلیقینی
مدافعه و تبلیغ
ائتمیشدیر.
گونو گوندن فعالیت
داییرهسینی
گئنیشلریندن
امانی 1378جی (1999) ایلده
ایران محکمهسی
طرفیندن 5 ایللیک
حبسه محکوم اولور
و چوخلو اذیت
لر چکدیک دن
سونرا 1382جی (2003) ده
شرطی اولاراق
آزادلیقیا
بوراخیلیر.
آزادلیقدان
سونرا هر
زامان میللی
اولایلاردا
داها گوجلو و
فعال شکیلده ایشتیراک
ائتمیش دیر.
او 1383(2004) جی
ایلده
تئهراندا
ارمنیلرین قاراباغ-دا
آزرباجانلیلارا
قارشی تؤرتدیکلری
جینایتلره
قارشی آکسیالاردا،
میللی سردار
ستتارخان و
باغیرخان-ین
آغریلاما
تؤرنلرینده
و بوتون میللی
زمینده
کولتورل یا سیاسی
تؤپلانتیلاردا
آکتیو ایشتیراک
ائتمیش و
اؤنده گئدنلردن
اولموشدور.
بو فعالیتلرین
نتیجهسینده
قیسسا و یا
اوزون مدت حبسلرهده
معروض قالمیشدیر.
امانی-نین فعالیتلریندن
قورخو حیسسی
دویان حاکمیت
1384جی( 2005) ایلده حتی
اونون ائولیلیک
(توی) مراسیمینین
تبریزده
نورمال بیر
سالوندا کئچیریلمهسینه
ایمکان وئریلمهدیر.
امانی همین عزیز
گونون گئجهسینی
ایططیلاعات حبسخاناسیندا
کئچیردیر و
مراسیم تبریزین
خاریجینده بیر
فابریکادا ایططیلاعات
قوهلرینین
نظارتی آلتیندا
کئچیریلدیر.
آذربایجان میللتینین
2006 جی ایلده اولو
22 مای (1
خورداد 1385 ) تاریخی
قیامیندا
امانی بیر چوخ
تانیمیش میللی
فعاللارلا بیرگه
توتقلاندیر.
او باشقا 5 نفر
تانینمیش فعاللارلا
بیرگه 6 نفرلیک
قوروپ حالینده
تئهرانین ائوین
حبسخاناسینا
گؤندریلدیر
و 5 آی مدتینده
آغیر روحی و فیزیکی
ایشکنجهلره
معروز قالدی.
نهایت 3
آبان 1387 (24 اوکتوبئر
2008) آذربایجان
سماسیندا پارلایان
اولدوزو آخدی.
آجیدا اولسا
موهندیس امانی
2 قارداشلاریله
بیرگه شوبههلی
ترافیک قضاسیندا
دونیالارنی دییشدیرلر!
بو اولایلا ایلگیلی
یایینلانان
شوبهه
دؤغوران معلوماتلار
و ایران حاکمیتینین
اؤز سیاسی
موخالیفلرینی
صونعی یوللارلا
آرادان قالدیرماقدا
گؤستردیگی
چابالار،
موهندیس امانی-نین
ایران دؤولتینین
امنیت قوهلری
طرفیندن
مقصد یؤنلو
شکیلده سیاسی
موخالف اولاراق
آرادان قالدیرماسی
و شهید ائلیدمهسی
فیکرینی
آذربایجان میللی
حرکاتی فعاللاری
آراسیندا یاراتمیشدیر.
بونا بیر نئچه
ثوبوت ائدیجی
فاکتلاردا
مؤوجود دور.
بونلاردان بیر
نئچهسی بئلهدیر
:
1- تیرافیک قضاسیندان
نئچه گون
اؤنجه موهندیس
امانینین
ماشینی، شخصی
داکیومئنتلری،
چوخلو میقداردا
پولو و .... شوبههلی
شکیلده
اوغورلانمیشدیر
!
2- تیرافیک قضاسیندا
موهندیس
اولدوقو ماشینا
آرخادان
چارپان کامیون
(خاور) ایران-نین
ایسلام حربی
قووهسینه (سیپاه)
عاید دیر.
3- موهندیس
امانینین یاریم
جان بدنی 4.5 – 5
ساعت گئجیشمه
ایله تبریزین
“ ایمام رضا“
خسته خاناسینا
چاتدیریلیر !
خستهخانادا
عملیات اوداسینا
گئدن ایططلاعات
و امنیت قوهلری
نه آماجلا و
ندن اورایا
گئتمیشلر !؟
4- ایران
تئلئویزیاسی
بو حادثه ایله
باغلی “ یاقوتی
“ آدلی مامورون
سؤزلرینه ایستینادن
یایینلادیقی
خبرده
باش وئرن
ترافیک قضاسینی
آدی بیر حادثه
! آدلاندیراراق
امانی آییلهسیندن
جانلارینی
الدن وئرنلرین
اینسانلارین
آدلارینی
سانسور ائتمیشدیر!؟
5- مرحوم
امانی،
اوغورلانمیش
اشیالار و
سندلری ایله ایلگیلی
ایران اینقیلاب
محکمهسینه
مراجعت ائتدیگه،
کئچمیشده
اونو 5 ایل حبسه
محکوم ائدن
حاکیم (قاضی)
امانی-نی میللی
فعالیتلرینی
دوام ائدیردیگی
تقددیرده،
اونون آجی
سونوجلارینی
قبول ائتمهلیدیر دیه حده له
میش دیر!؟
6- ایران ایططیلاعات
و امنیت قوهلری
امانی-نین
تؤپراغا تاپشیرما
تؤرهنینده ایشتیراک
ائدن تانینمیش
میللی فعاللاری
حدهلهیهرک
“ بویله شوبهیلی
تیرافیک قضالاری
اونلار اوچون
ده باش وئره بیلر!
“ دیه سؤیلمیشلر
!؟
و ................
بؤیله
شوبهه
دؤغوران
معلوماتلار
چوخدور اما
بو گونه کیمی
هانسیسا آیدین
و net بیر آچیقلاما
بو اولایلارین
باش وئرمهسی
حاقدا ایران یئتگیلیلری
طرفیندن وئریلمه
میش و اصلینده
ایرانا حاکم
اولان فاشیست
توتالیتئر
حاکمیت بؤیله
اولایلارین
آچیقلانماسینا
ایمکان وئرمه مکدهدیر.
بؤیله
قهرمانجاسینا
جانلارینی
وطن و میللت
اوغوروندا
باغیشلایان میللی
شخصیتلریمیزین
خاطرهسینی
آغیرلاما و
اونلارین
شوبههلی
اؤلوملرینین
پرده آرخاسی
بئینالخالق یئتگیلی
اینسان حاقلاری
قوروملارینا
چاتدیرماق هر
بیریمیزین میللی
بؤرجوموزدور. عاینی
زاماندا
ایران
حاکیمیتینه
بیر
اویاریدیر؛ کی
بیلسین؛
میللی
فعاللریمیزی
و موباریزلریمیزی
فیزیکی
اولاراق حذف
ائتمه ک له
اونلاری
میللتیمیزین
تاریخی
حافیظه سین دن
سیله بیلمز و
میللی
موباریزه
میزده بیر ان
اولسون دییه
انگل توره ده
بیلمز! اگر
امانی و امانی
لر یوخ دورلارسا؛
لیسانلی ؛
دمیرچی ؛
صرافی ؛ سعید؛
یوروش؛ پینار
لار و ..... واردیر
و بو بویله
دوام ائده جک.
بورادا
تانینمیش میللی
فعال عباس لئیسانلی-نین
میللی موباریزهمیز
اوغروندا جانلارینی
فدا ائدن اینسالاریمیز
حاقدا سؤیلدیگی
سؤزونو
وورغولاماق ایستردیم.
او دئییر کی :
“ بو
جانلارینی
باغیشلایان اینسانلاریمیز
(شهیدلریمیز)
حاقدا دانیشماق
چتیندیر، بیز
هر بیریمیز آغیر
مسئولیت حیس
ائدیریک، اما
فقط بورانی
(مزارین تؤپراقینی)
ترک ائدیب قاییدان
دان سونرا، موطمئینا
اونلارین فیکیرلرین
اونوتمایاق،
او فیکیرلری کی
او اورکلرده یاتیب؛
او عشقی کی بیزیمله
پایلاشیلیب
اونوتمایاجاییق.
“
بلی؛ ائله
دیر؛ بیز
اونلاری
اونوتمایاجاییق.
تا آذربایجان
و
آذربایجانلی
واردیر اونلار
یاشایاجاق
دیر.
35 ایل یاشایان
شهید امانی عؤمرونون
ان گؤزل چاغلارین
ایرانین ایسلامی-آریایی
دوساتقلاریندا
آذربایجان
تورک میللتینین
میللی حاقلاری
اوغروندا
آپاردیغی موجادیله
دؤغرولتوسوندا
کئچیردیر و
جانینی بو یولدا
قویاراق آدینی
آذربایجان
تاریخینده ابدی
له شدیردیر. او
دوشمانا
قارشی نه قدر
قدار و محکم
اولسادا ؛
دوستلارینا و
فیکری موخالف
لرینه
اولدوقجا
مهربان؛
دوزمولو و
تمکینلی
ایدیر. سوزو و
عملی آینی
ایدیر و بیر
آن توتدوقو
یولدا شوبهه
ائتمه دیر.
آذربایجان
گنجلیگینه
شرف؛ مباریزه
و اوزونه
اینام (گوون)
سیمگه سی
ایدیر. بویله
خصوصیت لر
امانی-یه
میللی
فعاللار
آراسین دا
اوزه ل یئر
آییراراق
نفوذ و سوز
صاحیبی
ائتمیش و
عاینی زامان
دا شووینیست
ایران
رژیمینین گوز
داغینا
چئویرمیش دیر.
امانی بیر
یازی یا مقاله-یه
سیغماز و اونون
حاقیندا
کیتابلار
یازیلمالیدیر.
او فیزیکی
اولاراق
آرامیزدان
کوچسه ده ؛
روحو و داشیدیقی
دوشونجه و
فیکیرلر هر
زامان بیزمله
دیر. اونون
دنیزی دالغالاناجاقدیر
؛ آرازی داشیب
جوشوب
آیریلیق یارادان
کورپولری
پوزاجاقدیر و
سونمز گونشی
آذربایجان
بویونجا نور
ساچیب
پارلایاجاق دیر.
او
آل قانی ایله
یازدیر :
گله جک
بیزیم دیر
بیزم دیر
گله جک
بابک بخت
آور
24.10.2010
2 آبان 1389