Qadın Kongresinin Bildirisi-Uluslararası İctimai Forum 2009

 Belém do Para, Brazil

Pan-Amazon xelqleri uluslararası ictimai foruma qatıldıqları ilde, biz qadınlar dünyanın ferqli yerlerinden Belemde bir araya gelmişik, yerli qadınların ve siyasi vetendaşlar olaraq orman menteqelerinden gelen xelqlerin qadınlarının, toplumlarımızın kültürel ferqliliklerinin çerçevesinde, feminismin zengnileşmesinde ve uluslararası atabeylik kapitalist sisteminin eleyhine olan feministi mücadilelerin güclenmesindeki paylarına ve yardımlarına teekid etmekdeyik.

.

Dünya ferqli bühranlar geçirmekde ve buda bunu gösterir ki bu sistem devam etmeyecekdir. Mali, yemek, iqlim ve enerji bühranları bir birinden ayrı olaylar değiller, belki herşeyden önce bunlar modelin öz içindeki bührani gösterirler ki işin ve yaşayış çevresinin izafe istismar olmasına ve iqtisaddakı mali süftebazlıqlara dayanır.

Bizler bu bühranlara cevab vermek için bazar mentiqine dayanan teskin verici cevablarla ilgilenmirik, Bu yalnız o sistemin devam etmesine sebeb olacaqdır. Bu sisteme bir alternative gelişdirmeliyik. Bizler bitki-yanacaqını  ve karboni maddelerin etebarı bazarlarını, yaşayış çevresi ve enerji bühranına bir çare bilen, düşüncenin eleyhineyik. Biz feminist qadınlar, tolid ve mesref modelinin deyişmesini istirik.

Biz teekid edirik ki jenlerin deyişmesiyle oluşan yemek maddeleri, yemek bühranına bir çare değildir. Bizim alternativimiz yemek qaynaqlarına milli hakimiyyetin uygulanması ve ekolojik- zirai tolidin gelişmesidir.

İqtisad ve mali bühranla ilişkide, biz bankları ve ticareti qurtarma amaciyla milyonlarca doları insanların cibinden çıxartmanın eleyhineyik. Biz feminist qadınlar istixdamın desteklenmesini ve uygun bir qazancdan faydalanma heqqini istirik.

Bu sistemi qoruma  teşebbüslerinin bizim zererimize olmalarını qebul etmemiz mümkün değil. Geniş sayıda işden çıxarmalar, içtimai sahelerdeki hezinelerin azatılması ve bele bir tolid modelinin  tekidle uygulanması, tolidin tekrarlanması için daha çox iş gerekdirir ve bele bir yaşayışın devam edilmesine sebeb olur ve bu mosteqimen biz qadınların yaşayışını etkilir.

Bu sistem uluslararası sahede özünü qebul etdirmek için militarize etmeye ve silahlara mütevessil olmuşdur.Soyqırımına sebeb olan nizami mücadileler emal olunur ve qadınları savaşın qenimeti olaraq görüb, cinsi şiddeti bir savaş silahi olaraq qullanır. Bütün cemiyet zorla bir bölgeden başqa bölgeye gönderilir ve orada siyasi qaçaqlar kimin yaşamaya mecbur olur. Bu nizami mücadilelerde qadınların eleyhine uygulanan şiddet, onları öldürmek ve insanlığın eleyhine olan başqa cinayetler her gün artır ve bu cinayetleri işleyenler tam emniyyetde yaşırlar.

Biz feminist qadınlar, insanların birbirleriyle, insanların çevreleriyle olan ilişkilerinin esasi şekilde deyişmelerini, lezbiyenlerin eleyhine olan şiddet( lesbophobıa) ve günümüze qeder hakimiyyetini sürdüren atabeylığa dayanan ırkçılığın bitmesini istirik.

 Biz bedenimizin ve cinsellığımızın başqaları terefinden control edilmesinin sona ermesini istirik. Biz öz yaşayışımız ve yaşadığımız bölge heqqinde özgür seçime sahib olma heqqini istirik. Qadınların istismarına dayanan toplumun tekrar tolid olmasının eleyhineyik.

Biz savaş ve nizami bölgelerinde yaşayan qadınlarla birlikdeliğimizi elam edirik, biz Hayitideki bacılarımızın seslerine ses verib ve oradakı nizami işqalçıların sebeb olduğu şiddeti qınayırıq. Biz Kolombiada, Kongoda ve sayısız qadınları ki her gün bu ölkelerde nizami şiddetin qabağında dayanırlar desteklirik. Biz Amerikanın nizami işqalına meruz qalan Iraqlı qadınlarla birlikdeliğimizi elam edirik.

Indi Qeze şeritinde İsrailin nizami saldırılarına meruz qalan Filistinli qadınlarla birlikdeliğimizi elam edib ve Ortadoğu savaşının bitmesi için mücadileye qatılırıq.

Barışda ve savaşda atabeylik ve ırqçılığın şiddetinin qurbanları olan qara derili ve genc qadınları desteklirik.

Eyni şekilde bacılarımızın hidroelektrik sedlerin, ağaç ve meden kompanilerin, Amazonda ve bütün dünyadakı böyük projelerin eleyhine olan savaşlarını ve bu istismarların eleyhine olduqları için teqib altında olan her kesi destekleyib ve onlarla birlikdeliğimizi elam edirik, su heqqi için savaşanlarla birlikdeliğimizi elam edirik.

Kürtaj vey a bu heqqi savunduqları için cinayi teqib altında olan qadınları desteklirik, her zamandan daha güclü radikal ve mühafizekar saldırılarla savaşmaq için birlikde olub, kürtaja ihtiyacı olan qadınların qanuni heqleri ve emniyetlerinin qaranti altına alınmasını desteklirik.

 Biz melul qadınların bütün imkanlardan istifade edebilmeleri için mücadilelerini, göçmen qadınların özgür gediş geliş heqlerini desteklirik.  

Bütün bu qadınlar ve özümüz için feministi hereketleri hakim siyasetin qabağında dayanan bir güç olaraq desteklirik ve eyni şekilde qadınların öz yaşayışlarını ve bizim toplumlarımızı deyişdirmek için özlerini orqanize etme teşebbüslerini, diyaloglarını ve ictimai hereketlerini desteklirik.

8 Marsda ve 2010 ilinin ‘Uluslararası Aksion heftesinde‘ bütün dünyadakı qadınlar olaraq bize şiddet uygulayan ve bizi istismar altında tutan kapitalist ve atabeylik sistemin eleyhine birleşirik. Xiyabanlarda ve evlerimizde ormanlarda ve kendlerde mücadilelerimizde ve günlük yaşayışımızın sahelerinde üsyan ve hereketimizi göstereceyik.

Bir Fevriye 2009

Belem Do Para, Berzil

http://www.ilga.org/news_results.asp?LanguageID=1&FileID=1229&ZoneID=7&FileCategory=1