سئویملی سویداشلار

دونن(15.12.2007) ساعات 12.00 ده آلمانیانین کولن شهرینده چوخ سایدا گونئی آذربایجانلی و خور اسان توک لرینین قاتیلیمی ایله  ،تهران شوونیست -ایرقچی حاکمییتی نین میللی فعاللاریمیزا قارشی اویقولامالاری، قانون سوز یاخالامالاری و ایشکنجه لری، شدت ایله قیناندی. سونرا آلمانجا و آذربایجانجا قطعنامه اوخوندو ، بوقطعنامه هم آلمان میللتینه داغیتیلدی و هم آلمان ایچ  و دیش ایشلری ناظیرلیغینا وعین زاماندا قزه ت و ژورنال و... گونده ریلدی.چوخ یاخیندا بو آکسیانین فیلم و شکیللری سایت لارا و گون آذ تی وی واسیطه سی ایله سیز لره سونولاجاق.

همن گون ساعات 16.00/20.00 آراسی 21 آذر سمیناری چوخ سایدا فیکیر صاحیبی و سویداشلاریمیزین ایشتیراکی ایله کئچیریلدیمراسیمین فیلمی و چخیشلار چوخ یاخیندا میللی مدیا واسیطه سی ایله سیز عزیز لره چاتدیریلاجاق

قطعنامه

1385جی ایلین خورداد آیینین محتشم قیامینین  دالینجا آذربایجان  سیاسی - مدنی فعال لارینین اوزرینه تضيیقات، فشار و هده قورخو اولدوقجا آرتیبدير. بو سون واختلاردا ایران  اسلام   جمهوری سی آذربایجان تورک میلتینین  ضییالیلارینا آمانسیزجاسینا هوجوما کئچیب.

بیز، بوگؤستریده ایشتراک ائدنلر ايسلام جومهوريسی رژیمی نین بو عمللرینی محکوم ائدیریک و 1325- جی ایل پهلوی رژیمینین آذزبایجانا قشون يئريتمه سينی، يوردوموزون ايشغال ائديلمه سینی و اون مینلرله آذربایجانلی نين اؤلدورولوب آتا آنا  دياریندان دیدرگین سالينماسينی  جيدی شکیلده قیناییريق.

 ايستکلريميز:

1)1325- جی ایلین 21 آذرگونو آذربایجانین ايشغال وائله جه ده قتل عام گونو کيمی رسميتله تانینمالی دیر!

2) آنا ديليميز- آذربايجان تورکجه سی رسمی دؤولت ديلی کيمی تانينماليدير! 

3)جنوبی آذربایجانین سیاسی  محبوسلار ی آزاد اولونماليدير!

4)جنوبی آذربایجانین ملی و موستقیل نشریاتی نین  باغلانيلماسینی محکوم ائدیریک!

5) آذربايجان تورکلرينین ساکين اولدوغو بؤلگهلرده اعمال اولونان ميلی ظولم و آيری سئچيجيليک سياستی نتيجهسينده سرمايالار کؤچور و ماهير امک گوجو گئنيش حالدا موهاجيرت ائدیر..  آذربایجانین ايجتيماعی- ايقتيصادی وضعیتی گوندن گونه  پوزغونلاشير. بیز رژیمین بوسیاستلرین شیدتله محکوم ائدیریک!

6) باتی آذربایجاندا (ایراندا) ایللر بویو قارداشجاسینا  یان یانا یاشایان خالقلار بعضی خارجی گوچلرین و ایران ترورچو حاکمیتی نین ایستکری دوغرولتوسوندا ایرکچی تروریست گروپلار واسطه سی ایله بیر بیرینه دوشمان ائدیلمکده دیرلر. فارس شوئنیزمینین ظولمینه معروض قالان میللتلرین ایرکچی سیاستلرین اویونونا گلمه دن دوستلوق و امکداشلیقلارینی سونسوزا قدر دوام ائتمه لری بیزیم ایستگیمیز و آرزوموزدور.