اوستاد فرزانه نین اؤلومونون بیرینجی ایل دؤنومونه:

اولوسوموزون باشی ساغ اولسون!

«هر اؤلوم ارکن دیر

بونو بیلیرم آنجاق تانریم» جمال ثریا

اوستاد فرزانه نین؛ آرامیزدان آیریلدیغیندان بیر ایل گئچدی. بیر ایلدیر «فرزانه»سیز یاشاییر اولوسوموز. بو بیر ایلده ایسه؛ چوقلو اونوتولماز تاریخسل اولایلار اولدو، باشی بلالی یوردوموزدا: «هارای؛ هارای من تورکم» دییه، گؤک یوزونه باغیران بیر اولوسون، اولو سسی، فرزانه نین ایللر بویونجا: «منیم دیلیم؛ منیم کیملیگیم» دئدیگی ابدی سسینه قاریشدی: آه! دئییریز، او گونلری گؤرسه ایدی فرزانه، اؤلومو ائرته لردی بلکی...

فرزانه ، یالنیزجا دیلیمیزین، کولتوروموزون «بیلگین»ی دئگیل ایدی. او آذربایجان تورکونون، تاریخین درین-گؤرونمز قاتلاریندان قایناقلانان،« کولئکتیوشعور آلتی» سنی گؤزلریمیزین اؤنونه سرگیله ین، هر بیر توتوم وداورانیشییلا، بیزلره اؤرنک و یول گؤستریجی اولان، گرچک بیر چاغداش «بیلگه» ایدی.

اوزگون روحوموزون گوزگوسونو بولانیق گئچمیشدن، آجیلار دولوسو ایندیلیگه و ایندیلیکدن، آیدین و موتلو بیر گله جگه گؤتورمگه چالیشان، «بیلگه فرزانه» نین یولونون یورولماز یولجولارینا عشق اولسون!

اؤلولری دیریلتن او ار هاردادیر

او دا (می) دوشدو اؤلوم توزاغینا (ان سوندا)؟

قوتادغوبیلیک

اوستاد فرزانه نین یوتوبوری- ده کی الیازمالاری قوروما گوروپو:

صدیقه عدالتی

علسگر اصغرنیا

سلیمان اوغلو