زنگان ایله ماراغا شهرلری یالقیز ده ییللر؛

قویون محکوم اولاق میللتچی لیگه!

آلدیغیمیز خبرلره گوره آذربایجانین زنگان و ماراغا شهرلرینده ،تورک چالیشقانلارا قارشی تضییقات آرتیبدیر.

زنگاندا خانیم غنی پور ایله فضلی جنابلاری چاغیریلیب «قیزیل اؤزن» و«زنگان سوزلری»آدلاریندا یاییلان اؤیره نجیسل درگیلرده یازیلمیش تدقیقی مطلبلر اوچون موختلیف باسقی لارا معروض قالیبدیرلار.

هابئله ماراغادا یاشار حکاک پور(زنگان بیلیم یورودونون اویرنجی سی) و داوود عظیمزاده(ماراغادا اورتا مکتبلرین حورمتلی اویره تمنی)بهمن آیی نین ایلک گونلریندن یاخالانیب و ایندی ایسه حورمتلی عائیله لرینه بللی اولمایان یئرلرده آغیر دورومدا ساخلانیرلار!

ماراغالی محبوسلارین بیلدیریلمیش ایلک ایتتیهاملاری ،شوونیستی باخیشلاریندان قایناقلاناراق، بوتون آذربایجان میللتین دریندن کدرلندیریب و شاشیردیبدیر!

بیز بو مکتوبا قول چکنلر، زنگاندا اویرنجی لرین سیخینتی لارینا بوتونلکوله سون قویولماسین و ماراغادا گوناهسیزیاخالانلارین تئزلیکجه بوراخیلماسین ایسته یرک ، اعلان ائدیریک ؛ کسینلیکله دونیانین اینسان حاقلارینا اینان هئچ بیراؤلکه سینده، هئچ بیر آیدین اینسانی وطن،حوریت وحقیقت یولوندا چالیشدیغی اوچون باسقی لارا و حبسلره معروض قویمازلار!

شوبهه سیز دوغرو یولون یولچولاری هئچ بیر زامان، آذربایجان میللی حاقلاری نین مودافیعه ائتمه سیندن واز کئچمه ییب ،بوتون قوندارما ایتتیهاملاری رد ائده جکدیرلر.ماراغانین اونودولماز موباریز شاعیری بو قونودا چوخ گوزل سویله ییبدیر:

قویون محکوم اولوم میللتچی لیگه

دونیادا میللتین سئومه ین کیمدیر؟!

دیلین،ائلین،یوردون تالان ائتسه لر،

آجیغیب باشینا دویمه ین کیمدیر؟!

گرك گؤزلريندن گؤز اؤرته هر كس

قارقا يوواسينا ياناشسا اگر

نييه وطنيمي سئومهييم، نييه؟!

من بير قارقادان دا اسکيگم مگر؟!

صالح میرکاظمی،قربان عطائی،اکبر آزاد، فرامرز فتاحی،فرهاد عیوضی،علی انواری،اکبر اسلامی،صیاد محمدیان،مهندس عبدالله عباسی جوان،ابراهیم قاسمی،عباس نعیمی،مهندس علیرضا فرشی،یاشار فائقی،سید محمد میانجی،علی محمد قاضی زاده،بویوک آیت اللهی،آتیلا کیشی زاده،رحیم واحدی،علی رضائی،مرتضی ابراهیم نژاد،مهدی نعیمی،رسول علم شاهی،یوسف هوشیار،اکرم نجاری،سلمان داغلی،ناصر رضاپور،احد شریف زاده،امیر حسین اکبری،داود حسین زاده،صادق دادگر،دکتراکبر یوسفی،سعید نجاری،ایلغار مرندلی،خسرو عبدی،عارف قره داغلی،شمسی کرمی،حیدر شادی،آیدین انگوتی،ابوالفضل بجانی،ژیلا اسدی،فرهاد رضائی،سالک مولائی،خلیل رضائی،آشیق سلجوق شهبازی،عسکر عباس زاده،حسین خلخالی،صالح عدل،فرشید دیلمقانی،علیرضا محمدی،مهدی علوی،مهندس حسن کریمی،امین فضلی،محمود فضلی،ژیلا محمد خانی،مهندس حسن رحیمی بیات،مهندس سعید نعیمی، فاطمه رمضانی،فریده تشکری،سولماز خیابانی تبریزی،سیاوش فرهادی،یوسف داداشی،سئودیمعلی موسوی