گونئي آذربايجان آزادليق جبهه سي؟

South Azerbaijan freedom front?

 

سون زامانلار منطقه ده باش وئرن و گؤزلنيلن حادثه لر واحد بير جبهه نين يارانماسيني بير تاريخي ضرورته چئويرميشدي.

 

گلين:

ناله ائتميرك نيه ساييميز بو قدر آزدير!
ناله ائتميرك نيه بؤيوك دؤولتلرين فاسجا راديولاري بيزيم فعاللاري بير دفعه ده اولور اولسون دينديرمير؛ بير حالدا كي كوردلرين حاققيني مدافعه ائدن كبودوند گونده دويچ وئله ايله مصاحبه ائدير.

ناله ائتميرك نيه فلان قونشو دؤولت و يا سوپر دؤولت بيزدن معنوي حمايت ائتمير و يا بيزه بير سنت، بير مانات و يا بير ليره كومكليك ائتمير. مگر ضعيف آتين اوستونده سرمايا قويوب،قمار اوينارلار­؟  او زامانا كيمين گونئيلي اؤزوندن گوج گؤرستمه سه باشقا گوج مركزلريندن يارديم گؤزله مك عبث آرزودور. حتتا دوشمنين دوشمنيده بيزي حسابا قويماياجاقدير. سيز باخينيز مقدونيه آلبانلارين سون ايللرده الده ائتديكري ناعليتلرينه، تحقير اولموش بير ملت بير ايل مبارزه دن سونرا سياسي قدرتين 25% الده ائتديلر.

 

گونئي آذربايجان ملي حركتي بوگون اوتوزانلار جبهه سينده يوخ بللكه فاتح جبهه ده اؤزونه حساب آچماليدير. بو حساب آچمانين ضمامتي بيرليكيميزدن و عمللريميزدن آسيليدير. "آلچاقليقدا ياشاييب آسيميله اولان ملتين سايي ميليونلاردا اولسا او گئري قالاجاقدير."

 

 

واحد جبهه يه آد تكليفيي:

گونئي آذربايجان آزادليق جبهه سي
South Azerbaijan Freedom Front

 

نييه؟

آزادليق كلمه سي نئوترال بير كلمه دير. بو كلمه هميشه غربي اؤلكه لرده مثبت قيمتلنديريليبدير. آنجاق ناسيونال كلمه سيني ائشيدن كيمسه هر دن بير چيمچه شير. نييه كي ناسيونال-سوسياليست نازي هيتلر، كئچميش يوگسلاويادا باش وئرن فاجعه لر، آوروپادا باش وئرن 19-جي يوز ايلليك ملي دؤلتلر ساواشلاريني ياددا سالير.

آزاليق كلمه سيني سئچره ك بيزه معنوي يارديم و سمپاتليق آرتا بيلر!

 

آزادليق جبهه اوچون نه دئمك؟

بيرلشميش ميلتلر تشكيلاتينين اؤز مقدراتيني تعين ائتمه پرنسيي چرچوسينده گونئلينين اؤز الي اؤز باشي. يعني ملت نه ايسته سه اودا اولماليدير. ملتين سسينه هم فدرالچي باش ايمه ليدير، هم ايستقلاچي.

 

 

 

جبهه نين عمرو:

جبهه نين عمرو گونئي ده دموكراتيك سيستمين يارانماسي ايله و بيرينجي آزاد سئچگي لر ايله باشا چاتير.

 

 

 

جبهه نين اساس وظيفه لري:

1. گونئي ده لائيك و دموكراتيك آزاد سيستمين ياراتما يولوندا كوتله ني سفربر ائديب، حركتي هماهنگ و رهبرليك ائتمه. بين الخالق قوروملاردا، علاقه لرده گونئي حركتيني تانيتديرماق و اونا دستك قازانماق.

 

 

 

جبهه نين قورولوش فورمو:

جبه نين تشكيلات فورمو عموم ملي، دموكراتيك، شفاف و شورا مدللي بير سيستم اولماليدير. يالنيز غير مخفي، دموكراتيك تشكيلاتلار و شخصلر جبهه ده عضو اولا بيلرلر. جبهه نين اجرا كميته سي دموكراتيك فورمدا عضو تشكيلاتلار طرفيندن سئچيلمه ليدير.

جبهه نين سؤزچوسو  هر 6 آيدان 6 آيا اوتوماتيك عوض اولونماليدير. يئني دن سؤزچو اولماق ايستين ان آزي ايكي ايل دؤزمه ليدير. بو پرينسيب اؤلوم-قاليم پرينسيبيدير. بو پرينسيب تشكيلاتلار طرفيندن قبول اولونسا جبهه ياراتماق چتينليينين 50 فاييزي حل اولونوبدور. بونا عكس اولاراق بين الخالق قوروملاردا و يا دؤلتلر ايله علاقه ده اولان مسئوللار بو شرط ايله كي ايليك قورولتاي اونلارا يوخ دئمسين، دايمي اولا بيلرلر. بو واقعيتي قبول ائلملييك كي خارجده كي آذربايجانليلار بير معنالي هئچ كيمي رهبر و يا ليدر سايميرلار! سايسايديلار نئچه مختلف تشكيلاتلار قورمازديلار.

 

 

جبهه كيمي نماينده ليك ائدير؟

جبهه بوگون يالنيز گونئي آذربايجاني نماينده ليك ائدير.

 

بايراق دولانديرماق مسئله سي:

جبهه بين الخالق حقوق باخيميندان آذربايجانين موجود بايراغيندان ايستفاده ائده بيلمز. جبهه لازيم گؤرسه گونئي اوچون باشقا بايراق تكليف ائده بيلر.  بايراق مسئله سي احساسي مسئله يوخ بلكه بين الخالق حقوق قايدالارينا دايانماليدير. آذربايجان جمهوريسينين بايراقينين پاتئنتي آذربايجان دؤولتينه عايددير. جبهه بو پاتئنتي سينديرماق ايسته سه اوندا او بايراغي يا باشقا فورما سالمالي و يا اوندا بير شئيلر آرتيريب-آزاتماليدير.

 

 

داخل-خارج بحثي:

بو بحث هم اخلاقي، همده حقوقي مسئله دير. نورمال وضيعتده بئله بير جبهه ايچريده يارانمالي و خارج اونون بير قولو اولماليدير. بوگون جنوبلي ملي فعال بئله بير تشكيلاتين داخيلده يارانماسينين نه قدر چتين اولماسيني ياخجيجا درك ائدير.  بئله بير حالدا مدينه فاضله يه گؤزوب واحد جبهه ني ياراتماماق خيانتدير. داخلده فعاليت ائدن ملتچيلر دفعه لر خاريجده فعاليت ائدن تشكيلاتلاري بيرلشمه يه دعوت اديبلر. بئله بير حالدا بو فعاللار موجود تشكيلاتلارا بو اذني وئريرلر كي آذربايجان منافعه نامينه حداقل اونلاري بين الخالق توپلوملاردا مدافعه ائتسين.

 

ايچريده كي آكتيويست بونو ياخجي بيلير كي واحد بير جبهه داها ياخجي اونون سسيني دونيايا چاتديرا بيليب اونا مادي-معنوي يارديم ييغا بيلر. دِاخل خارج بحثينه گلنده بير چتينليكده بو اولاجاق كي جبهه بحثينده هر كيمسه و يا تشكيلات يالان-دوغرو ادعا ائده جك كي اونلارين داخيلده نئچه ميليون سمپاتي واردير و جبهه ده خان اولماغا چاليشاجاقلار.  شبهه سيز جبهه ايچري ايله سيستماتيك علاقه ده اولوب داخل-خارخ حركتلري هماهنگ  ائتمه ليدير. داخلده فعالييت ائدن جبهه چيلر ايچري شرايطي نظره آلاراق اويغون بيلديكلري قوروملاري ياراديب فعاليت ائتمه ليديرلر. داخل ده كي فعاللار "آذربايجان دانيشير" مانيفستي يايماق ايله گؤرسدديلر كي يوكسك مدرن اينساني فيكيرلره صاحبديلر. اگر جبهه ده اولماق گونئي ده ياشايان اوچون چتينليك ياراديب، زندان چكيب، ايشكنجه اولاجاقدير، ياخجي بو اولار كي آدي جبهه يه باعلي اولماسين!

 

 

گونئي-قوزي مسئله سي:

گونئي باغيمسيز دؤولت قورا بيلمه سه گونئي-قوزي بيرلشمه سي يالنيز بير آرزودور.

 

موسسان مجليسي:

 70 نفرليك فدرال-ايستقلاچي تشكيلات نماينده لري و هابئله سياسي ساوادلي گونئيلي آيدينلار. داخيلده ايشتراك ايمكاني اولان تاثير قويوجو شخصلر. تشكيلاتلار يوموشاق، ايستابيل اعصابلي، هاي-كوي سالميان، سياسي ساوادلي عضولريني موسسان قورولتاينا گؤندرمه ليدير. غير گونئيلي سويداشلار يالنيز ناظير تكين قورولتايدا ايشتراك ائده بيلرلر.

يئري: آلمانيا آلترناتيو ايسوچ

زامان: 7 نفرليك حاضيرليق كميته سي قورولتاي واختيني تعين ائتمه ليدير. حاضيرليق كميته سينده هر تشكيلاتدان ماكس بير نفر عضو اولماليدير.

اقتصادي دورومو نظره آلاراق تشكيلاتلار ائليه بيلرلر اؤز ايليك قورولتايلاريني موسسان قورولتاي ايله ايكي گون قاباق و يا ايكي گون سونرا همانگ ائديب و بئله ليكله واخت قازانيب و خرجلري آز اولسون.

 

 

هر سؤز قورولتايا قالماسين تشكيلاتلار آراسي مشورتلر آپاريلماسي ايله برابر جبهه حاققيندا فيكيرلر بير يازيلي-سسلي درگيده ياييلماليدير. بئله بير درگينين توپلاييب يايما زحمتيني من بوينوما آليرام.

 

 


Hurry up!  Skyndda på!
هادي چابك اول، يا الله،  خانيم هي!

 

داود ائلدنيز

15 فئورال 2006