اطللاعيه (٢)

اولوآذربايجان ميللتينه!

اوستاد فرزانه نين انگين- زنگين و دگربيچيلمز ال يازمالاريني قورويوب - گووه ن آلتينا آلماق و اولدوغو كيمي سيزه اولاشديرماق آماجييلا قورولان ”اوستاد فرزانه نين يؤتوبوري ده كي ائوينده بولونان ال يازمالاري قوروما گوروپو“نون بير هفته بويونجا چا ليشما لاري بو گون ژانويه آيي نين ايگيرمي سككيزينده (٢٨) سينده ساعات ايگيرمي ايكي (٢٢) ده سونا ائردي.

بيرينجي بيلديريشده بيلديرديگيميزكيمي بو گوروپ اوستاد فرزانه نين حايات يولداشي اختر خانيم بدوستاني نين ايسته گي اوزه ره قورولموش و آيريجا خاريجده و گونئيده ياشايان بير نئچه تانينميش- آدليم شخصيت لريميزين، اوزه لليكله قوجامان بيلگين دوقتور جواد هئيت، پروفئسور رضا براهني، دوقتور ضيا صدرالاشرافي، يوسوف بگ قوسي، مهندس عليرضا صرافي، و ”وا رليق“ ايله ”ديلماج“ درگيلري نين سوروملولارييلا مصلحت له شرك، اونلارين گؤ ستريشلري و خير– دوعالارييلا ايشه باشلاميشدير.

بير هفته بويونجا سوره ن چا ليشمالارسونوجوندا، اوستاد فرزانه نين يؤتوبوريده كي ائوينده بولونان ال يازمالار، اوستاديميزا لاييق بير ديقت و تيتيزليكله چئشيتلي، آيري– آيري مؤوضوعلارا بؤلونه رك ، آشاغيداكي بيچيمده دوزنله نميش و سهمانا سالينميشدير.

١- فرزانه سؤزلوگو (عرب و لاتين اليفباسييلا) (ال يازما)

٢- دئييملر سؤزلوگو (ال يازما)

٣- بديعي ادبيات ترمينلري نين سؤزلوگو (ال يازما)

٤- سؤز اينجيلريندن، بيرينجي جيلد (تايپ اولونموش و ال يازماسيلا بيرليكده)

٥ - مقاله لر توپلوسي (٨٣ ياييملانماميش مقاله، چئشيتلي يئرلردن بولوندو)

٦- آذربايجان غزللريندن نمونه لر (ال يازما)

٧ - آذربايجان يازار– شاعرلريندن (سيريليك اليفباسيندان كؤچورمه لر)

٨ - فولكولور اوزه رينده (ال يازمالار)

٩ -آذربايجانين سازلي – سؤزلو عا شيق ياراديجيليغي (ال يازما، سون اثر اولماليدير)

١٠- يئني آذربايجان ديلي نين ديل بيلگيسي (گرامري) ايكي ال يازما لاتين و عرب اليفبا سييلا)

١١ - تاپماجالار

١٢ - آتالار سؤزو، مثل لر و ...

١٣ - نا ظيم حكيمين شعرلري (چئويري)

١٤- رسول رضا شعرلريندن چئوريلر (فارسجايا)

١٥ - يؤتوبوريده كي ”سهند راديوسو“ قونوشمالاري (ال يازما)

١٦- آذربايجان شاعيرلريندن اؤرنكلر(ايكي بؤلوم)

١٧- ملا نصرالدين (توركجه/فارسجا)

١٨- ملانصرالدين لطيفه لري

١٩- چاغداش آذربايجان حيكايه لري ( فارسجايا چئويري)

٢٠- آذربايجان ائل ماهنيلاري (ال يازما سيلا تايپ اولونموش متن بيرليكده)

٢١- آذربايجان خالق ادبياتي ( فولكلور توپلوسو)

٢٢- بيتمه ميش (ياريمچيق) مقا له لر– يازيلار

٢٣- نوتلار توپلوسو

٢٤ - كيتابلار آراسيندان بولونان ياريمچيق مقاله ، كؤچورمه لر، چئوريلر و چوقلو ساييدا نوتلارايله

سيتاتلار

٢٥- اوستاد طرفيندن، اؤلوموندن بير نئچه گون اؤنجه باسقيسي صديقه خانيم عدالتي يه تاپشيريلان، فارسجا يازيلميش ”خاطيره لر“. آيريجا بو كيتابدان ٤٠ صحيفه ليك توركجه يازيلميش بير ال يازما دا بولوندو

٢٦ - اوستادين مكتوبلاري

٢٧ - اوستادا گونده ريلن مكتوبلار، كارت پوستالار، بايرام قوتلامالاري، شعرلر، يازيلار، مقاله و... بونلارين آراسيندا اوستاد فرزانه يه امانت اولاراق تاپشيريلميش ال يازمالار:

- A صمد بهرنگي ايله بهروز دهقاني نين ال يازمالاري (آذربايجان ناغيلاري، تاپماجالار، آتالارسؤزو، متللر و... توركجه)

B – بولوت قاراچورلو (سهند) نون ”سازيمين سؤزو“ ، ”دده مين كيتابي“ و بير دفتر توركجه – فارسجا شعرلري (بو دفترده سهندين حايات يولداشي نين دا بير نئچه شعري ”شيوا“ ايمضاسي ايله بولونماقدادير

- Cاوستاد حبيب ساهرين ”كلاسيك فارس شعرلريندن چئويريلر“ (توركجه) آدلي بير اثري ايله بير دفتر فارسجا شعرلري و ”سحر ايشيقلانير“ باشليقلي ياييملانميش شعر توپلوسونون ال يازمالاري نين كوپيسي

-D توغرول آدلي بير شاعيرين فارسجا يازديغي شعرلري نين ال يازمالاري

E- پروفئسورعلي مينايي نين، نئچه ديللي حيدربابا منظومه سينه چيزديگي مينياتورلرايله كاليگرافيلر

(كوپيسي)

”گوروپ“ ياييملانميش هابئله ياييملانماميش بوتون ال يازمالاري مقاله لري، نوتلاري، مكتوبلاري و اوستاديميزا امانت اولاراق تاپشيريلان ال يازمالاري توپلو اولاراق، سوئدين يوتوبوريده بولونان اولوسلارآراسي گووه نيلير (معتبر) Shurgard آدلي ”امانت ائوي“ نه، قورونما بيمه سي (سئكورتاسي) ياپاراق، تاپشيريدي.

آيريجا بو سوره جي ياخيندان ايزله ين چوقلو ساييدا سويداشلاريميزين حضوروندا يازيلميش بير پروتوكول دا ايمضا لاندي: بو پروتوكولو ايمضا لايانلار سيراييلا:

١ – ”اوستاد فرزانه نين تؤره ن دوزه نله مه كوميته سي“ نين اويه لري

٢ – آذربايجان فئدراسييونو (سوئد)

٣ – اختر خانيم بدوستاني

٤ – ”اوستاد فرزانه نين يؤتوبوريده كي ائوينده بولونان ال يازمالاري قوروما گوروپو“: دوقتور صديقه عدالتي (يازار)، سليمان اوغلو (شاعير، يازار)، بئرلين آذربايجان كولتور اوجا قي نين تمثيلجيسي علسگر اصغرنيا

ياخيندان گوروپ اويه لرينه يارديم و ائمكداشليغدا بولونانلار:

ناهيد خانيم زنجانچي، بهروز بگ اسدي. آيريجا گوروپون چاليشمالاريني تئلفون آراجييلا ايزله ييب اولدوقجا دگرلي و اؤنملي اؤنه ريلرده بولونانلار:

١- دوقتور جواد هئيت

٢- پروفئسور رضا براهني

٣- دوقتور ضيا صدرالاشرافي

٤- يوسوف بگ قوسي (فرزانه )

٥- مهندس عليرضا صرافي (يازار)

٦- وارليق درگيسي

٧- ديلماج درگيسي

آچيقلاما

١- ”اوستاد فرزانه نين يؤتوبوريده بولونان ال يازمالاري قوروما گوروپو“، ال يازمالاري ”امانت ائوي“ نه تاپشيرديقدان سونرا، آرتيق هئچ بير سوروملولوق داشيماماقدادير.

٢- ”امانت ائوي“ نه تاپشيريلان ال يازمالاردان (بوتون آيرينتي لارييلا)، آدليم سينئما يؤنتمه ني صنعتچيميز حسين بگ مهيني جه بلگه سل اولاراق فيلم چكيلدي.

٣- آيرينتيلي بيلگي ائدينمك ايچين آشاغيداكي آدرسلره باش وورا بيليرسينيز:

بئرلين آذربايجان كولتور لوجاغي نين تمثيل جيسي و ”گوروپ“ اويه سي علسگر اصغرنيا:

Azer_ocaq@hotmail.com

صديقه خانيم عدالتي:

Yahoo.de@sedig_adalati

بيزه اوره ك – ديره ك اولان و چوقلو يارديملاردا بولونان بوتون يورتداشلاريميزا اؤزه لليكله آذربايجان فئدراسيونو (علي بگ ملازاده) و ”اوستاد فرزانه نين ياس تؤره ني دوزنله مه كوميته سي“ندن تشكور ائديب و تيكرار بوتون تورك آذربايجان ميللتينه ”باشينيز ساغ اولسون!“ دئيب، رحمتلي اوستاديميزا اولو تانريدان غني-غني رحمت ديله يرك، باشدا اونون عا ييله سي اولماق

اوزه ره، يولونو دوام ائدنلره جان ساغليغي، اسن ليك و اوزون عؤمورايله باشاريلار ديله ييريك.

”اوستاد فرزانه نين يؤتوبوريده كي ائوينده بولونان ال يازمالاري قوروما گوروپو“

٢٨-١/٢٠٠٦ يؤتوبوري شهري / سو ئد