اظهار نظر یکی از اعضای فعال شورای مرکزی مجمع دانشگاهیان آذربایجان در مورد ضرورت برگزاری مراسم روز دانشجو در 19 اردیبهشت

اولو تانرينين آدييلا

سايين و حؤرمتلي آذربايجان وورغونلاري؛

بيلديگينيز كيمي بير آي بوندان اؤنجه بير ساي آذربايجان اؤيرنجيلري طرفيندن بوغا (ارديبهشت) آيينين 19 – و آذربايجان اؤيرنجي گونو آدلانميشدير. بو اؤنرله برابر ‹جمعيت اسلامي دانشجويان زنجان› بوگون موناسيبتينه تؤرن قورما قرارينا گلميشلر، آنجاق بو تؤرنه موجويز وئريلمهدي.

هابئله بوگون اينترنت دوشرگهسينده سايين فيكيرداشيميز اكبر آزاد جنابلاري ايكيزلر (خرداد) آيينين 22 – ني آذربايجان اؤيرنجي گونو اوچون اؤنر وئرميشلر.

هر حالدا، اينديسه بو ايكي گون مطرح اولونوبدور و هاميدان نظر وئرمك ايستهنيليبدير. منه بئله گليركي بوغا (ارديبهشت) آيينين 19 – و چوخ موناسيب گون اولا بيلر. نييهكي اساساً اؤيرنجي گونو دونيا عوذره اؤيرنجيلره اؤنم داشييان و ياخود اوگونده اؤيرنجي طرفيندن ياددان چيخماز بير حركت اوز وئرن گون اولور و منه بئله گليركي بوگون بوغا آيينين 19 اولا بيلر. نييهكي بوگونده (البتده يالنيز بوگونده يوخ، بلكه نئچه گون بوندان قاباخ و سونرادا) آذربايجان اؤيرنجيلري خودجوش حالدا شوونيسمين عليهينه تظاهرات ائديب و شوونيسمي ديزه كؤچمهيه و ياييلان ‹پرسشنامه›ني دانماغا مجبور ائتديلر. منده اؤز نوبهمده فخر ائديرم كي اورميهده ليسانس دؤرهسينده تحصيل آلديغيم زامان، بو ايشي يولا سالانلاردان اولموشام.

هر حال هانسي گون سئچيلسهده، بيز گرك بيرليگيمزي بو آغير گونلرده حفظ ائدك و هئچ بير آيرليق سالمايا ايمكان وئرمييهك.

دئمهلييم بو يالنيز منيم اؤز دوشونجهمدي و آزبيلتوپ بو حاقدا هله نظر وئرمهييبدير.

سايغيلارلا

آيدين صادقي