هاني 30 ميليون
ميللتين
اوزونه،
منطقه يه و
دونيايا باخيشلاري؟!
اوجور کي حدس
وورولوردو، ايران
دولتينين اتم
انرژي چاليشيقلارينا
راجع پرونده سي،
بيرلشميش ميللتلرين
امنيت شوراسينا
گوندريلدي.
آما تاسف له
بو حساس
گونلرده
آذربايجانلي
سايت لاردا و
مديالاردا بير
دوشونمه مه لي
سس سيزليک
حاکم دير کي
منجه بير
گورخمالي و
قبول اولونمايان
بير وضعيتدير.
بو آرادا تکجه
دورنا سايتي بير
ياخشي حرکت
باشلاميشدير
و بير چاغيريش
اعلان ائتميشدير
و بوتون تشکيلات
لار و پارتيالار
و فعال
شخصلردن ايسته
ميشدير کي اوز
فيکيرلرين
آذربايجانليلارين
بيرلشمه حاقيندا
بير آرايا قويسونلار.
آما عجيب بو کي
هئچ بير تشکيلات
و پارتيا بو
حساس
گونلرده، کي
اونو آذربايجان
ميللتينه
اولوم ياشام
مجادله سي
آدلانديرماق
اولار،
اوزونه زحمت
وئرمه ميشدير
کي قيسا
اولاراقدا
اوز نظرين يازيب
يوللاسين!!؟
همين بو
زماندا شمس سايتيندا
ايکي مقاله
جمشيد بي نيازي
قلمي ايله يازيلميشدير
کي بير تعداد
آذربايجان
فعالارين تخريب
ائتمه سينه
چاليشميشدير
کي اونون حاقيندا
ياشار تبريزلي
بي دوغرودان
اونو بير مريض
ادبيات
آدلانديرميشدير
کي نقد ائتمه يه
ده گلمزدير.
آنجاق همين
ارزش سيز
مقاله يه چوخلو
نقد يازيلدي!؟
بو ايکي
مساله ني بير يئره
ييغاندا بئله
نظره گلير کي
تاسف له دئيه
سن آذربايجان
فعاللاري بير
جدي سياسي چاليشيقدان
اوزاق دوشوب و
شخصي مباحثه
لره اوز گتيريبلر!
بو بير حرکته
چوخ ضررلي و
خوشا گلمه ين
وضعيتدير. ايندي
سياست و ديپلماسي
دونيادا بير
علم ساييلير و
بو ساحه ده او
ميللتلر کي منطقه
ده و دونيادا
باش وئرن
حادثه لري دوز
تحليل ائديب و
اونون ايچينده
اوز منفعتلريني
دوز تعريف
ائله يه بيلسه
لر، يقين کي
داها باشاريجي
اولاجاق لار و
او ميللتلر کي
بو آرادا اوز
موقعيت لرين
دوز تانيماييب
و يانليش آدديملار
گوتورسه لر
اودوزاجاقلار.
گله جک دونيادا
کي گلوباليزم
ساحه سينده ياراناجاق،
ميللتلرين سايي
بير بويوک رول
اويناياجاق.
ائله بونا
گوره دير کي چين
و هند مملکت
لري، بويوک
نفوسا صاحب
اولدوقلارينا
گوره، گله جک
دونيانين
سوپر قدرتلريندن
اولاجاقلاري
گوزلنير و ائله
همين دليله
گوره آوروپا
اولکه لري بيرلشمه
ايسته ييرلر کي
گله جک دونيادا
بير سوپر گوج
اولماقلاريني
تضمين ائتسينلر.
ايرانين
بوتون بولگه
لرينده ياشايان
تورکلر و
اونلارين
فارس منطقه
لرده اولان
سونراکي نسل
لرين (کي تاسف
له بونلارين بير
چوخو آسميله
اولموش وضعيتده
ديرلر) نظره
آلساق، ايراندا
آذربايجانليلارين
سايي 30 ميليون تخمين
وورولور. ايندي
باخاق گورک 30 ميليون
جمعيت دونيادا
هارادا يئر
توتور و نه
قدر اهميتي
وار.
دونيا اولکه
لرين جمعيت
باخيميندان قياس
توتاندا
گوروروک کي 227
اولکه دن يالنيز
38 اولکه نين
جمعيتي 30 ميليوندان
آرتيق دير (http://www.census.gov/cgi-bin/ipc/idbrank.pl ) يعني بيز
ايران آذربايجانليلاري
(شمالي آذربايجانليلاري
حسابا قويماياراق)
دونيادا آزي 40
اينجي سيرادا يئرلشيريک!
بونو دئمکدن
هدفيم بودور کي
دئيم گوره سن
آيا بيزيم سياسي
چاليشانلاريميز،
پارتيالاريميز
و تشکيلات لاريميز
هئچ اوزلرينده
دونيانين 40 اينجي
گوج پتانسيلي
اولان ميللتين
رهبرليک
ائتمک قدرتيني
گورورلر يا يوخ؟!
منجه بو جمعيته
باغلي اولان
تئوريه بير شئي
داها آرتيرماق
لازيمدير
اودا بو کي
دونيانين گله
جک گوجلري
ساده جه ميللتلر
سايينا يوخ
بلکه ميللتلرين
دوزگون چاليشانلارينين
سايينا باغليدير
و بو آرادا ياتانلاري
و يانليش يول
گئدنلري سايماق
اوزو بير بويوک
يانليشدير! ايندي
هر کس اوزوندن
بو سوالي
سوروشماليدير
کي "آيا منيم يازديقلاريم،
دانيشديقلاريم
و هابئله
گوردويوم ايشلر
دونيانين 40 اينجي
گوج پتانسيلينه
صاحب اولان ميللته
لايق دير؟ و آيا
من بو بويوک
مسئوليتي اوز
اوستومده
گورورم و
اونون عظمتينه
قدر چاليشيرام؟
و آيا ... "
من ايندي
بوردا آذربايجانين
پارتيالار و
تشکيلاتلار
رهبرلريندن
سوروشماق ايسته
ييرم کي
دوغرودان ايلده
نئچه دفعه قلم
آليرلار اللرينه
و دونيانين 40 اينجي
گوجلو رهبري کيمي
آذربايجاندا،
ايراندا،
منطقه ده و
دونيادا باش
وئرن مساله لري
تحليل ائديب و
اونلاري اوز ايدئولوژي
و استراتژي لريله
ديرلنديريرلر
و آذربايجان ميللتينين
منفعتلرين او
مساله لرده آچيقلاييرلار؟
بوگونکو دونيادا
گيزلي و
دالدادا
توتولان سياست
لر نه دونيا
طرفيندن و نه
ده ميللت طرفيندن
قبول اولماياجاقدير
بونو بوتون
چاليشانلاريميز
بيلمه ليديرلر.
من بونو دانميرام
کي هر سوزو و
هر سياستي
تماميله آچيب
و گوز قاباغينا
قويماق
اولماز آنجاق
گرک بير ديپلماتيک
ديلده سياست
لرين باش نکته
لري تحليل
لرله ميللته و
دونيايا
اعلان
اولونسون نيه
کي بو سکوت و
سس سيزليک يالنيز
بيزيم
گوجوموزو
آرادان آپاريب
و دوز سياست
لر توتماقدان
اوزاق سالاجاق.
ايندي دونيادا
دمکراتيک
ارزشلرين بير يوخاري
و اوستون يئري
وار و دونيا يالنيز
او سياستلره کي
ميللتين اکثريتي
طرفيندن حمايت
اولور قولاق
آسير و تاسفله
بو دمکراتيک
ارزش لر،
انسان
حقوقلاريندان
دا اوستون ساييلير
يعني جنوبي
آذربايجان ميللتي
کي دونيانين 40
اينجي گوج
پتانسيلي
اولان بير ميللتدير
اگر او قدر سياسي
و ميللي
دوشونجه سي
اولماسا کي
اوز ديلينين
رسمي اولماق
حاققيني و
اوزونه بير
مستقل اولکه
اولماق حاققيني
و يا بير
گوجلو فدرال
حکومت ايسته يه
(کي بونلارين
هاميسي بير بويوک
ميللتين دانيلماز
انسان حاقلاريدير)
طبيعي دير کي
کيمسه اوزونو
زحمته سالماياجاق
کي بو ايسته ييلمه
ين حقلري بو ميللته
وئرسين!
بو حقيقتي
نظره آلاراق آيديندير
کي ايندي بو
حساس زماندا بيزيم
بير بويوک و
واجب اولان وظيفه
ميز داها آرتيق
ميللته اوز
حاقلاري باره
سينده
معلومات
وئرمک و
اونلاري بو بيليم
سيزليکدن
قورتارماقدير.
آنجاق تاسفله
بيزيم سايتلاريميزدا
و مديالاريميزدا
نه لر ياييلير
اوزونوز باخا
بيلرسينيز؟!
بو بير مبارزه
يولو دئيل کي
نئچه نفر بير
پارتيا يا بير
تشکيلات
قورالار و اوز
ايستک لرين بير
نئچه کيچيک يازيدا
سايتلارينا
قويالار
واوتوروب
باخلار کيم گلير
اولاردان حمايت
ائله سين! و
سوروشاندا پس
سيزين ايدئولوژينيز
و استراتژينيز
هاني دئيه لر
کي هر کس ايسته
سه اوزو گلر بيزيم
سايتيميزدا
اوخويار و بيزيم
ايشميز
بوراجاغيدي ميللت
اوزو گلسين بيزي
تاپسين و بيزدن
حمايت ائله سين!
من ايراندا ياشايان
فعالاريميزين
محدوديتلريني
بيليرم آما
بونو باشا
دوشمورم کي بيزيم
خارجده کي سياستچيليک
ادعالاري
اولان لاريميز
حتي اوز پارتيالارين
و تشکيلات لارين
تانيتديرماق
دا ايسته ميرلر؟!
ايندي بيزيم بير
24 ساعاتليق
تلويزيونوموز
(گوناز تي وي) وار
کي بير تعداد
آيدين فيکيرلي
و چاليشقان
انسان لار طرفيندن
يولا سالينيبدير.
نه گوزل اولار
کي بيزيم وطن يولوندا
چاليشان پارتيالار،
تشکيلات لار و
مستقل شخص لر
اوز باخيش لارين
و دونياداکي
باش وئرن
حادثه لر باره
ده تحليل لريني
بير مقاله کيمي
و يا مستقيم
تلفن وسيله سي
ايله ميللته يئتيرسين
لر نيه کي اگر
بيزيم ميللت
اوز حاقلارين
تانيماسا و
اونلاري جدي
شکيلده ايسته
مه سه کيمسه
بو حاقلاري بيزه
وئرمه يه
اوزونو زحمته
سالماياجاق.
منجه بير شخص يا
گروه کي
اوزونو ميللت
طرفيندن تانينماسيني
و ساييلماسيني
ايسته يير آزي
گرک هفته ده بير
مقاله ده اوز
باخيشلارين ميللتله
بير آرايا قويسون.
گوره سن بيز
بو تلويزيوندان
اولدوقجا فايدالانميشيق؟!
بيز آذربايجان
ميللتي و
هابئله بوتون
تورکلر بير
تاريخي تنبلليکدن
چوخلو ضررلر
گورموشوک
اودا يازيب
اوخوماق
تنبلليگيدير.
او زاماناجاق
کي دونيانين ايشلري
شمشير و سلاح
ايله قاباغا
گئديردي بيز
دونيانين بيرينجي
گوجو
اولموشوق و بويوک
امپراتورلوق
لار قورموشوق
آنجاق همين
نئچه ياخين يوز
ايلده کي دونيا
بويوک دئييشيکلره
شاهد اولوب و يازيب
اوخوماق و نظري
چاليشمالار
دونيانين
طالعين دئيشيب
تاسفله بيزلر
بو تاريخي
تنبلليگه
خاطر گوندن
گونه دونيادان
دالا قالميشيق.
اگر بيزيم ايکينجي
دونيا ساواشيندان
(جنگ جهاني
دوم) سونرا پيشه
وري لر و فريدون
ابراهيمي لر و
... کيمي آيدينلاريميز
واريدير کي او
حساس گونلرده
دونيا حادثه
لري ايچينده
اوز ميللتينين
منفعتلريني
تانيديلار و
بو يولدا بويوک
ايشلر
گوردولر آيا
گوره سن ايندي
بو تاريخين
تکرار اولان
زمانه سينده بيزيم
اوجور بويوک فيکيرلي
انسانلاريميز
وار يا يوخ؟!
بو سورونون
جاوابي بيزيم
گله جک طالعيميزي
يازاجاق. منجه
بيزيم بوجور
بويوک فيکيرلي
انسان لاريميز
چوخدور آنجاق
هره سي داغيليب
بير يئره و بو
گوجلري اوياتماق
و بيرلشديرمک
لازيمدير و
خصوصيله
اونلاري بو
تنبلليکدن و
سوسماقدان آييريب
بير طراوتلي
حرکته چئويرمک
لازيمدير.
گوره سن بولار
هاميسي يوخودو؟!
يوخو اولسادا
گوزل بير يوخودو!
اوقدر بو يوخودا
قالاجايام
اوقدر بو يوخودان
يازاجايام!
کي بوتون ياتميش
ميللتيمي
اوز يوخوسوندان
اوياداجايام
آيدين
تبريزي