اسفند آیینن ایکیسی(فوریه نین 21ی)دونیالیق آنادیلی گونونده

آذربایجانین تبریز شهرینده آنادیلی اوچون تورک اوشاقلارین یوروشو 
 

تبریزین نئچه دوشونجه لی عاییله سینین آنالاری بوگون خیردا جا اوشاقلاری ایله الرینده چئشیتلی ویازیلی پارچالار گوتوروپ دونیالیق آنادیل گونون ده یئرلندیردیلر.بو پلاکاردلار وپارچالار دا بئله شعارلا یازیلمیشدی :

1.منیم دیلیم اولن دئییل باشقا دیله دونن دئییل

2.هارای هارای من تورکم

3.دیلیم اولسه منده اوللم

4.تورکون دیلی تک سوگیلی ایستکلی دیل اولماز***اوزگه دیله قاتسان بو اصیل دیل اصیل اولماز

5.قلم یاز سیتمله آخان قانلاری ***قلم یاز یازیق محروم اینسان لاری

6.قلم یاز ائوی اوچموش اواره دن

7.دیل گونش دیر ایشیق ساچار*** قارانلیقا قاپی آچار

8.بیزیم تورکو شیرین دیل دیر***خوش نغمه لی زنگین دیل دیر

 مراسیمده حاضیر اولانلار هاوانین قارانلیقینا باخمایاراق یولا دوشوب باقیرخان(ابرسان)دورد یول آایریجینا ساری گئتدیلر.بو یوروش ده اوشاقلار و انا لار شعار لاری یوکسک سس ایله دئییپ وانا دیلده یازیب-اوخوماق حاقلارین ایسته ییردیلر.توپلانمیش اوشاقلار یوروش لرینده تبریز شهرینین اماج سیز اوزایش لرینه گئدن آداملارین ماراقلاندیریر و اوز آردلاریجا گلمک لرینه سئوینج لی ائتدیلر. بوزامان یوز لر نفر ادام بیر- بیرینه قووشوب باقیر خان دورد یولوندا دایانیب بیانیه اخونسون دئیه ساکیت اولوب دونیالیق انا دیل گونونون بیرینجی خیابانی یوروشون بیانیه سین دینه دیله ر.

بیانیه اوخونوب و بوتورنه سون قویولدو.

2006\2/21   
1384\12/2