Mayın 22-si İsveç Krallığının Stokholm şəhərində Azərbaycan Federasiyası İsveç XII qurultayını keçirdi. 60-dan çox azərbaycanlının qatıldığı qurultay fərqli müzakirələrin gerçəkləşdirilməsi, keçən dövr ərzində həyata keçirilən fəaliyyətlərlə bağlı hesabatların təqdim olunması və növbəti qurultaya qədərki dövr ərzində fəaliyyət göstərəcək məsul şəxslərin seçilməsi ilə yadda qaldı. Bir saat gecikmə ilə başlayan qurultay sonrakı saatlarda gündəlikdə nəzərdə tutulan bütün maddələri sırasına görə yerdəyişmə yolu ilə olsa da yerinə yetirdi. Qurultayı Azərbaycan Federasiyası İsveç-in başqanı Səttar Sevigin açaraq qonaqları ötən müddətdə İdarə Heyətinin fəaliyyəti ilə yaxından tanış etdi. Texnologiyanın yaratdığı imkanlardan geniş istifadə edərək hazırlanmış hesabat dinləyicilərin bu fəaliyyətlər ilə daha dərindən tanış olmasına şərait yaratdı. İdarə Heyətinin hesabatı ilə yanaşı maliyyə hesabatı və Nəzarət Təftiş Komitəsinin də hesabatı dinləyicilərə təqdim olundu. Daha sonrakı mərhələlərdə iştirakçı qonaqlar və çeşidli dərnəklərdən gələn nümayəndələr həm ürək sözlərini, həm də irad və təkliflərini irəli sürdülər. Təqdim olunan hesabatlara xüsusilə də maliyyə hesabatına dərin maraq göstərən iştirakçılar maliyyə hesabatının bitməmiş olmasından tam da razı qalmasalar da verilən hesabata olan etiqadlarını dilə gətirdilər. Bununla belə əsas kimi qəbul edilən maliyyə hesabatın kəsir yönlərinin tezliklə ortadan qaldırılması İdarə Heyətinə həvalə olundu. Öz növbəsində İdarə Heyətinin maliyyə işlərinə baxan məsul şəxsi də hesabatın son, bitmiş variantını tezliklə dərnəklərə təqdim edəcəklərinə dair söz verdi. Hesabatların təqdimatından sonra yekdilliklə əldə edilən razılığa əsasən seçki keçirildi. Bu seçkidə keçmiş üzvlərdən bəzilərinin qalması ilə yanaşı yeni simalar da cəlb olundu. Bir günlük qurultay yüksək səviyyədə təşkilatçılığı ilə də diqqəti cəlb etdi. Belə ki, istər uzaq məsafələrdən gələn qonaqların qarşılanıb yerləşdirilməsi, istərsə də tədbirin nizamnamə qaydalarına uyğun olaraq keçirilməsi təqdirəlayiq bir hal kimi qəbul olunmalıdır. Eyni zamanda seçkilərin tam şəffaflığı iştirakçı nümayəndələri və qonaqları da razı saldı. Qeyd etmək lazımdır ki, İdarə Heyətinə seçilən şəxslər arasında həm bölgə həm də cins bərabərliyini qorumağın çətinliyini görən qurultay iştirakçıları bir sonrakı seçimlərdə bu balansı qorumaq məsələlərini birlikdə müzakirə etdilər. Bu da qurultayın tam demokratik bir ortamda gerçəkləşdirildiyini deməyə əsas verir. Təbii ki, bəzi qüsurlar və çatışmazlıqlar olsa da ümumilikdə qurultay uğurlu oldu.

Gündəlikdəki məsələlər

Seçilən şəxslər

Prosedur qaydalar (qurultaya sədrlik, katiblik və s)

Azərbaycan Federasionu İsveç-AFİ nin 12.ci Qurultayından geniş raport və protokol

Azərbaycan Federasionu İsveç AFİ-nin XII Qurultayı İsveçin Stockholm şəhərində May ayının 22 keçirilmişdir.

60-dan çox azərbaycanlının qatıldığı qurultay fərqli müzakirələrin gerçəkləşdirilməsi, keçən dövr ərzində həyata keçirilən fəaliyyətlərlə bağlı hesabatların təqdim olunması və növbəti qurultaya qədərki dövr ərzində fəaliyyət göstərəcək məsul şəxslərin seçilməsi ilə yadda qaldı.

Aşağıda AFİ-nin XII Qurultayından geniş raport verilməktədir:

· Qeydiyyat :

Saat 09:00-dan 09:45 dək AFİ üyəsi olan Dərnək üzvləri qurultaya qatılmaq üçün qeydiyyatdan keçdilər.

· Açılış və Rəyasət-Divan heyətinin seçimi:

Saat 11:00 da AFİ- nin başqanı Səttar Sevigin iştirakçıları salamladıqdan və Azərbaycanın ulusal himni səsləndikdən sonra XII qurultayı açıq elan etdi. AFİ Qurultayının Güney Azərbaycanda Milli hərəkətimizin zirvəsində dayanan 22 may günü ilə üst-üstə düşməsini vurqulayaraq, başda Qarabağda və Güneydə olan şəhidlərimiz olaraq AFİ üyəsi olan yurddaşlarımızın yaxınlarının düyasını dəyişənlərin əziz xatirəsini yad etmək üçün Qurultay iştirakçılarını sayqı duruşuna çağırdı. AFİ başqanı, İlk dəfə olaraq AFİ Qurultayına belə yüksək səviyyədə hazırlıq görüldüyünü vurğulayaraq bütün əməyi keçənlərdən təşəkkürlərini bildirdi. Sonra Səttar bəy Sevigin və Əli bəy Mollazadənin önəriləri və təklifləri əsasında qurultayın Divan-Rəyasət heyətinin seçimi gerçəkləşib və növbə ilə Əliriza Ərdəbilli , Aslan Soltani və Türkay Rəhimova qurultayın rəyasət , və divan yardımcılığı vəzifələrinə mənsub oldular.

· Mandat qrupunun raportu və mandatların təsdiqi :

Saat 11:10 də Səttar bəy Sevigin Mandat qrupunun tərəfindən qurultayda iştirak edən dərnəklər və şəhərlərinin adlarını və saylarını elan etdi. Qurultaya Malmö-dən (2 dərnək), Göteborg(4 dərnək) , Lund(2 dərnək) , Umeå(2 dərnək), və Stockholm(10 dərnək) şəhərlərindən olan AFİ üzvü soydaşlarımızın sayı 60 nəfərdən ibarət oldu. Qurultaya qatılan qonaqlar isə Umeå, Uppsala və Stockholm şəhərimdən qatılmışdırlar.

· Gündəliyin müzakirəsi və təsdiqi :

Saat 11:20 də qurultayın gündəliyi iştirakçılara təqdim olunandan sonra oxunub və müzakirəyə qoyuldu. Gündəlik sadəcə bir bəndin əlavə edilməsi ilə ( AFİ-nin 11.ci Maliyyə məsulunun yəni Bəhmən bəyin AFİ-nin maliyyə durumu haqda izahat verməsi bəndi) tam səslə təsdiq edildi.

· Mesajlar və Pəyamlar :

Saat 11:25 də AFİ-nin 12.ci qurultayına göndərilən təbrik mesajları oxundu. Birinci Təbrik mesajı Almanda yaşayan xanım “Sediqə Edaləti” və ikincisi isə “Azərbaycan Kültür Ocağı Berlin” İdarə heyəti tərəfindən verilmişdir ki bu mesajlar iştirakçılara oxundu.

· İdarə Heyətinin Raport :

Saat 11:30 da AFİ-nin 11.ci idarə heyətinin son 1.5 il ərzində gördüyü işlərdən hazırlanmış video klip nümayiş etdirildi. Bu (musiqili və slaydlı) video klip iştirakçıların böyük marağını qazanıb alqışlandı. Bunun ardınca AFİ-nin başqanı Səttar Sevigin İH tərəfindən çıxış edərək son 1.5 il ərzində görülmüş işlərdən (Power Point proqramı aracılığı ilə) geniş raport hazırlayıb və iştirakçılara sundu. Bu sunum texnoloji araclarından qullanımına görə böyük maraq qazandı.

Səttar bəy Seviginin izahları zamanı bəzi önəmli məqamlar var idi ki nəzərinizə çatdırırıq :

a) Son 1.5 il ərzində İsveçdəki Türkiyəli Federasionları (İsveç Türk Federasiyonu STRF və Türk Gənclər təşkilatı TUF və ...) ilə sıx əməkdaşlıq və Güney Azərbaycan probleminin onlara ardıcıl olaraq xatırlandı və bu təşkilatlar ilə güclü işbirliyi olduğu bildirildi.

b) AFİ yə üyə olan dərnəklər tərəfindən verilən tam bitməmiş projelərə öncədən AFİ İH-i tərəfindən qəbul olunmuş mali yardım yeni fealiyyət ili dövrində veriləcəkdir.

c) AFİ-nin yeni saytı yeni və modern tərzdə işə başlamışdır.Saytın ünvanı isə bələdir: www.azfi.org

Bu təqdimatdan sonra AFİ 11.ci İH-nin raportu müzakirəyə çıxarıldı və soydaşlarımız növbə ilə söz alıb öz fikirlərin bu barədə bildirdilər. İH-nin raportunu müzakirə edənlərin adı sırayla : Məmməd Azər (Azərbaycan dərnəyi Stockholm-Azərbaycan səsi radiosuna əlavə budcənin ixtisas verilməsini istədi) , Abdullah Əmir Haşimi( Qarabağ dərnəyi Stockholm-Azərbaycan evinin alınması və ya yaradılması barədə danışdı) , Əli Ağayev(Promete dərnəyi Stockholm-Gələcəkdəki planlarına dair məruzə etdi), Əli Mollazadə(Ulduz dərnəyi Stockholm-Federasionun istiqlaının qorunub saxlanılmasını önəmli məsələlərdən saydı) , Aygün Coşqun(Vahid Azəraycan dərnəyi Malmö - gələcəkdəki planları və proqramları haqda danışdı) , Səid Əzizi( 22 May dərnəyi Stockholm- İH-nin keçmişdəki bəzi çatışmazlıqlarını tənqid edib və AFİ-nin əsasnaməsində bəzi dəyişiklikləri önərdi) , Əliriza Ərdəbilli (AFİ-nin keçmişdə gördüyü işləri dəstəklədi və gələcəkdə daha güclü olmaq naminə sıx əməkdaşlığı önərdi) və Əfzəl (Nasir) Məhəmmədi( AFİ-nin İH –ində yüksək səviyyədə səmimiyyət atmosferinin və demokrasinin olması haqda danışdı) və Rahim Sadıqbəyli ( Azərbaycan və İsveç media və KİV-ləri ilə ilgili olduğunu və bu barədə yardım edə biləcəyini bildirdi).

Bu çıxışlardan sonra günorta yeməyi fasiləsi elan edildi(saat 13:00 dan 14:00 dək ).

· Nəzarət və təftiş komitəsinin raportu :

Saat 14:00 da AFİ NTK-nin raportu dinlənildi. 11.ci AFİ NTK-nin üyələri xanımlar Əfsanə Sevigin və Türkay Rəhimova və cənab Səlamət Dəşti AFİ-nin bütün maliyyə və idari sürəclərinin onlar tərəfindən izlənilib və yoxlanılması barədə söhbət edib və sonda 11.ci AFİ İH-nin bütün məsuliyyətlərdən azad edilməsini və hüquqi baxımdan problemsiz olduğunu elan edib və öz imzalarını daşıyan İsveçcə müsbət qərarı qurultaya sundular.

· Maliyyə raportu :

AFİ İH-nin maliyyə sorumlusu cənab Bəhmən bəy 1.5 il ərzində xərclənmiş vəsaitlərin nisbi açıqlamasını verib və 2010. cu ilin hesabatının artıq İsveç dövləti tərəfindən onaylanmış (təsdiqlənmiş) olunmuş mühasib’ə(Hesabdar) dəyərləndirilməsi üçün verildiyi qeyd etdi. AFİ-nin maliyyə sorumlusu bu günədək AFİ hesabında vəsaitlərin miqdarını da açıqladı.

· Qonaqlar:

AFİ 12.ci qurultayının özəl qonağı İsveç Türk Federasionu başqanı sayın Ahmet Önal idi. Cənab Önal öz çıxışı zamanı AFİ-nin başarılarını yüksək dəyərləndirib və son illərdə AFİ ilə İsveç Türk Federasiyonu STRF və Türk Gənc Fedrasiyonu TUF arasında keçən əməkdaşlığın gələcəkdə də davamının olmasını arzu etdi. Cənab Önal sonda Azərbaycan Federasionu başqanı Səttar Seviginin hər zaman yanlarıda olub yardım etməsinə görə dərin teşəkürünü bildirdi. Ahmet bəy Önal Türk Federasionlarının işbirliyinin önəmini də vurğuladı.

· Seçkilər :

AFİ 12.ci qurultayın seçkiləri aşağıdakı tərtiblə keçirilmişdir.

İlk olaraq seçkilərə adaylar və namizədlər öz adlarını elan etdilər:

a) AFİ başqanlığına aday – Səttar Sevigin

b) İdarə heyəti adayları – Məmməd Azər , Aslan Soltani , Nasir Məhəmmədi , Ayda Əmirhaşimi , Ayə xanım , Babək Tağızadə , Həsən Təmcidi , Vüsalə xanım , Hüseyn Fərtaş , Səlamət Dəşti , Əbdülriza Qaraçayi .

c) Nəzarət təftiş komitəsi – Əfsanə Sevigin , Soheyla Əzizi , Sudabə Ərdəlan

d) Seçim qurumu – Əli Mollazadə , Səid Əzizi , Aidə xanım

· Əli bəy Səadəti və Əmir bəy Sefəddini seçkilərin texniki işlərini üzərlərinə götürdülər.

İH-nin vəzifə açıqlaması :

1.Başqan Yardımcısı 2. Katib 3.Maliyyə 4.İlişgilər 5.İnteqrasiya 6.Təbliğat və Kültür.

AFİ 12.ci qurultay Seçkilərinin sonucları :

Mandatlı İştirakçıların səs verməsindən sonra səslərin hamısı diqqətlə sayılıb və aşağıdakı nəticələr açıqlandı. Səs sayma Əli Səadəti, Türkay Rəhimov və Əmir bəy Traxtor tərəfindən qurultay iştirakçılarının qarşısında keçirildi.

AFİ XII qurultayın sonucları :

1.Başqan – Səttar Sevigin ( Tək aday olduğu üçün bir başa başqan seçilmişdir).

6 nəfər İdarə Heyəti ( İH ) , 2 nəfər İH-nin Əvəzediciləri və 3 nəfər NTK-nın(Nəzarət və Təftiş Komitəsi) üyələri isə tərtib ilə belə idi :

2.Nasir Məhəmmədi – 48 səs

3.Aslan Soltani – 47 səs

4.Əbdülriza Qaraçayi – 38 səs

5.Ayda Əmirhaşimi – 35 səs

6.Səlamət Dəşti – 34 səs

7.Həsən Təmcidi – 26 səs

8*.Babək Tağızadə - 18 səs ( Əvəzedici-1)

9*.Məhəmməd Azər – 17 səs ( Əvəzedici-2)

NTK-nın üyələri :

10.Əfsanə Sevigin

11.Soheyla Əzizi

12.Sudabə Ərdəlan

Seçim qurumu

13. Əli Mollazadə

14. Səid Əzizi

15. Aidə xanım Məmmədova

Beləliklə yuxarıdakı nəticələrin elanından sonra AFİ-nin XII qurultayı tam demokratik şəkildə öz işini başa vurmuş və toplantı sona ərmişdir.

Azərbaycan Federasionu İsveç-AFİ

Media və Əlaqələndirmə bürosu

İsveç-Stockholm 22.05.2011