آمنئستی اینتئرنشنال ایران رسمی لرینی تبریزده و اورمیه ده حبس ائدیلمیش آذربایجانلی فعال لاری درحال آزاد ائتمهیه چاغیریر

آزادلیق رادیوسو: «آمنئستی اینتئرنشنال» تشکیلاتی ایراندا آپرئلین ایکی-سینده توتولان آذربایجانلیلاری درحال آزادلیغا بوراخماغا چاغیریب. «آمنئستی اینتئرنشنال»ین یایدیغی چاغیریشدا بیلدیریلیر کی، آپرئلین 2-ده ایراندا آزی 70 نفر تبریزده، 2-ایه یاخین آذربایجانلی ایسه اورمیه شهرینده دینج نوماییش زامانی حبس ائدیلیبلر. نوماییشین مقصدی اورمیه گؤلونون قوروماسینین قارشیسینی آلماق اوچون اطراف چایلارداکی بندلرین تیکینتیسینه اعتراض اولوب.

اعتیراض چیلارین هر ایل کئچیردیکلری بو نوماییشه هرهسی بیر ایستیکان سو گتیریب گؤله تؤکوب و موختلیف شعارلار سسلندیریبلر: «بندلری ییخین، اورمیایا سو گلسین»، «اورمیه نین سویو یوخ، آذربایجان آییلماسا گئج اولاجاق»، «یاشاسین آذربایجان» و س. کیمی.

آکسیادا توتولانلاردان چوخو نؤوبتی ایکی گونده بوراخیلیب. اما اونلاردان آزی 5 نفری حبیب پورولی، جلیل علمدار میلانی، علی سلیمی، و سعید صیامی حاقدا هئچ بیر معلومات یوخدور.

«آمنئستی اینتئرنشنال» ایران حکومتینی درحال توتولانلارین یئرلرینی آچیقلاماغی، اونلاری ایشگنجهیه معروض قویماماغی و وکیلله و یاخینلارییلا گؤروشمهیه ایمکان یاراتماغی طلب ائدیر. تشکیلات همچینین ایرانی سربست توپلاشماق و ایفاده آزادلیغینین دا تامین اولونماسینا چاغیریر.

لینک: http://www.azadliq.org/content/article/3547935.html