Ecrivains Persécutés

15 novembre 2010 : journée mondiale des écrivains en prison

 

15 نووامبر اوُلوسلارآراسی توُتساق یازارلار گوَنو

 

توُتساق یازارلاری(میزی) اوُنوتمایالیم!

سئوگیلی یوُرتداشلار!

بیلیندیگی اۆزه ره؛ نووامبر آیی نین اون بئشی "اوُلوسلارآراسی پئن درنگی"نین (P. E. N club International) گیریشیمی ایله توُتساق یازارلار گوَنو  اولاراق آدلاندیریلمیشدیر. بوُ ایل ده،

فرانسا پئن درنگی ایله لارماتان (l’Harmattan) یایین ائوی-نین ایش بیرلیگییله، پاریس-ین "لو لوَسئرنئر" (Théâtre Le Lucernaire) آدلی گؤرونچ-ونده، گؤرکملی بیر "گئجه گؤستریسی" (Soirée) دۆزه نله نه جکدیر. بوُ گئجه گؤستریسینه چوق ساییدا اۆنلو گؤرونچ (تیاترو) اویونجوسو، چالغیچی، یازار، قوشوقچو، آیریجا فرانسا پئن درنگی-نین باشقانی سایین سیلوئستر کلانسیئ (Sylvestre Clancier)، ایکی مین اینجی ایلده یازین (ادبیات) نوبئل اؤدولونو قازانمیش سوَرگون چینلی یازار، گاوو خینگجیانس (Gao Xingjians) دا قاتیلاجاقدیر.

بوُ گئجه گؤستریسی توتساق یازارلاری آنما، اونلارین یاقینلارینا تینسل یوَله ک (دستک) اولما، اوُلوسلارآراسی دایانیشما دوُیارلیغینی گوَجلندیرمه، آیریجا "پئن درنگی" نین وازگئچیلمز، اؤدون وئریلمز آنا ایلکه سی اولان: باسین، یایین، دۆشونجه ایله آنلاتیم (ایفاده) اؤزگورلوگونو قورویوب- ساوونما آدینا یاپیلیر.

 

من "اوُلوسلارآراسی پئن درنگی (فرانسا بؤلمه سی)" نین اۆیه سی اولاراق، توُتساق گوَنئی آذربایجان یازارلاری نین اولدوقجا چتین دوُروملارینی، "توُتساق یازارلار کومیته سی"نه، قاپساملی بیر بیچیمده  بیلدیرمه یه چالیشیرام. بوُندان باشقا، توُتساق یازار- قوشوقچولاریمیزی اوُلوسلارآراسی قامواویونا تانیتدیرماق اۆچون والی گؤزتن-له بیر لیکده، کیچیک بیر چئویری اؤبه گی (گوروهو) ده اولوشدوردوق. فرانسا پئن درنگی اۆیه سی، یازار- قوشوقچو- دیلچی سایین ژان گامونه (Jeanne Gamonet) نین یاردیمییلا، بیزه اوُلاشان قوشوقلاری فرانسیزجایا چئویردیک. بوُنلاردان ایکیسی "فرانسا پئن درنگی"نین درگی سینده یاییملاندی.

15 نووامبر "گئجه گؤستریسی"نده ده، توُتساق یازار- قوشوقچولاریمیزی آنما آدییلا، فرانسیزجایا چئویردیگیمیز قوشوقلاردان بیر نئچه سی سسله ندیریله جکدیر.

آیریجا بوُ "گئجه گؤستریسی"نده سایین خانیم ژان گامونه، گوَنئی آذربایجان اۆزه رینه بیر قونوشما  دا یاپاجاقدیر.

توُتساق یازارلار(یمیز)ین تئزلیکله اؤزگورلوگه قاووشماسی دیله گییله!

   

                                                                                 یازار- قوشوقچو- توَرکبیلیمجی

                                                                                           سوَلئیمان اوغلو

  

گئجه میزه قاتیلماق ایسته ین یوُرتداشلار اؤنجه دن یئرآییرتیم (رئزئرواسیون) یاپمالیدیرلار:

Tel : 01 45 44 57 37

Adresse : 53 Notre-Dame-des-champs

Théâtre Le Lucernaire

Métro : Notre-Dame-des-champs / Vavin

Lundi le 15 Novembre à 20h

 

 

 

Ecrivains Persécutés

15 novembre 2010 : journée mondiale des écrivains en prison

15 Novambr Uluslararası Tutsaq Yazarlar Günü

 

Tutsaq Yazarlar(ımız)ı Unutmayalım !

 

Sevgili Yurttaşlar!

Bilindiyi üzere; Novambr ayının on beşi Uluslararası PEN Derneyi (P. E. N club Internatıonal)nin girişimiyle, Tutsaq Yazarlar Günü olaraq adlandırılmışdır. Bu il de; Fransa PEN derneyi ile l’Harmattan yayınevi’nin işbirliyiyle, Paris’in Le Lucernaire adlı görünç’ünde görkemli bir “Gece Gösterisi” (Soirée) düzenlenecekdir. Bu gece gösterisine çoq sayıda ünlü görünç (tiyatro) oyuncusu, çalğıçı, yazar, qoşuqçu, ayrıca Fransa PEN derneyinin başqanı sayın Sylvestre Clancier, 2000. ilde yazın (edebiyat) Nobel ödülünü qazanmış sürgün Çinli yazar, Gao Xingjians da qatılacaqdır.

Bu gece gösterisi tutsaq yazarları anma, onların yaqınlarına tinsel yülek (destek) olma, uluslararası dayanışma duyarlığını güclendirme, ayrıca PEN’in vazgeçilmez, ödün verilmez ana ilkesi olan: basın, yayın, düşünce ile anlatım (ifade) özgürlüyünü qoruyub savunma adına yapılır.

 

Men Uluslararası P. E. N Derneyi (Fransa bölmesi)nin üyesi olaraq, tutsaq Güney Azerbaycan yazarlarının olduqca çetin durumlarını “Tutsaq Yazarlar Komitesi”ne, qapsamlı bir biçimde bildirmeye çalışıram. Bundan başqa; yazar qoşuqçularımızı uluslararası qamuoyuna tanıtdırmaq üçün Vali Gözeten’le birlikde, kiçik bir çeviri öbeyi (guruhu) de oluşdurduq. Fransa PEN derneyinin üyesi yazar, qoşuqçu, dilçi sayın Jeanne Gamonet’nin yardımıyla, bize ulaşan qoşuqları Fransızcaya çevirdik. Bunlardan ikisi Fransa PEN derneyinin dergisinde yayımlandı.

15 Novambr Gece Gösterisinde de tutsaq yazar qoşuqçularımızı anma adıyla, Fransızcaya çevirdiyimiz qoşuqlardan bir neçesi seslendirilecekdir. Ayrıca bu Gecede; sayın Jeanne Gamonet, Güney Azerbaycan üzerine bir qonuşma da yapacaqdır.

Tutsaq yazarlar(ımız)ın tezlikle özgürlüye qavuşması dileyiyle!

Yazar-qoşuqçu-Türkbilimci

süleymanoğlu

Gecemize qatılmaq isteyen yurttaşlar önceden yerayırtım (rezervasion) yapmalıdırlar:

Tel: 01 45 44 57 37

Adresse: 53 Notre-Dame-des-champs

Théâtre Le Lucernaire

Métro: Notre-Dame-des-champs / Vavin

Lundi le 15 Novembre à 20h