یاشاسین آذربایجان و ایران ین قهرمان ایشچی لری

بیر مای گؤنو تهرانین لاله پارکیندا ايسلامى- فاشیست رژیمین بویون باسقی، هده- قورخو و تضییقلرینه رغمن بیر نئچه سيندیکا، اتحادیه او جومله دن واحيد شرکتی نین ایشچی سيندیکاسی طرفیندن چاغریلان نومایيشلرده ایرانین بوتون ميلتلرینه عاید چوخلو فهله، دانشجو و موباريز قادینلار ايشتيراک ائتمیشدیلر.

بوتون توحیدی، ايسلامى و عدالت سئورلیک ايديعالارینا رغمنً هز زامان سرمایه، ايستيثمار، زوراکیلیق و میلیاردرلر طرفداری اولان ايسلام جومهوری سی یئنه ده پولیس واسيطه سیله بو قهرمان ایشچی، دانشجو و قادینلارا هوجوم ائدیب، یوزلر آدامی دؤیوب، یارالاییب و بیر نئچه نفری ده توتوقلامیش و حبسه آتمیشدیر.

بیر مای ایشچی بایرامی نی ایسته دیکلری کیمی جشن توتماق آذربایجان و ایران ایشچی لری نین دوغال حاقی دیر.

آذربایجان فدرال دموکرات حرکاتی رژیمین زوراکیلیق و باسقی سینی کسینلیک له قیناییر و بوتون توتوقلولارین در حال آزاد ائديلمه سينى طلب ائدیر.

ايسلامى رژیم و اونون ال آلتی لاری او جومله دن حراست تشکیلاتلاری و اوزدن ایراق ایشچی لر ائوی آدلانان ساری اتحادیه لر، ایشچی لرین حیات و سيندیکالاریندان ایتیلیب و رد اولسون!

یاشاسین آذربایجان و ایران ین قهرمان ایشچی، دانشجو و قادینلاری

آذربایجان فدرال- دموکرات حرکاتی

13 اردیبهشت 1388