بیلدیریش

ایران آذربایجانی دیل و کولتور اوجاغی - کانادا

آذربایجانلی یازیچی، قزته چی و ایجتماعی - کولتورل فعاللارین قانونسوزجا توتوقلانمالارینی قیناییریق

یایینلانان خبر و گوزاریش لره گؤره 10 سپتامبر آخشامی 18 آذربایجانلی فعال بیر قوناقلیقدا تهراندا توتوقلانمیشلار. توتوقلانانلارین بیر قیسمی ائرته سی گون بوراخیلمیشلارسادا، آذربایجانین تانینمیش یازیچی و آیدینلاری: علیرضا صرافی، حسن راشدی، اکبر آزاد، سعید موغانلی، مهدی و عباس نعیمی، حسن رحیمی، حسین حیدری، صیاد محمدیان اوین زیندانیندا حبس ائدیلمیشديلر.

مدرسه لرین آچیلیشی عرفه سینده باش وئرن بو توتوقلامالار، حکومتین آذربایجان خلقینین یاسال و مشروع حقلرینی تانیماماق و بو حقلری تاپدالاماغا دوام اتئمک نیتینده اولاماقدان باشقا بیر معنی داشیماماقدادیر.

کانادا دا اولان ایران آذربایجانی دیل و کولتور اوجاغی بو قانونسوز توتوقلامالاری قیناییر و توتوقلولارین قئید سیز، شرطسیز آزاد اولونمالارینی ایسته ییر.