ایراندا پارلامئنت سئچکیلری نین ایکینجی تورو- آراز تدقیقات مركزی
نویسنده مقاله:
خلاصه مقاله ایران ایسلام رئسپوبلیکاسیندا پارلامئنت سئچکیلری نین بیرینجی مرحله سی چوخلو موباحیثه لرله ده اولسا سونا چاتدی. بو سئچکیلرده اهالی نین فعاللیغی رسمی و غیری رسمی منبعلره گؤره گؤزلنیلندن آز اولدو. ایقتیدار قووه لری ایسته دیگی نتیجه لری قیسماً ده اولسا الده ائتمیش اولدو. 

متن مقاله

ایران ایسلام رئسپوبلیکاسیندا پارلامئنت سئچکیلری نین بیرینجی مرحله سی چوخلو موباحیثه لرله ده اولسا سونا چاتدی. بو سئچکیلرده اهالی نین فعاللیغی رسمی و غیری رسمی منبعلره گؤره گؤزلنیلندن آز اولدو. ایقتیدار قووه لری ایسته دیگی نتیجه لری قیسماً ده اولسا الده ائتمیش اولدو. سئچکیلرین بیرینجی مرحله سینده موحافیظه کارلارین اساس ایکی قانادی 290 نفرلیک پارلامئنتین 170 کورسوسونو الده ائده بیلدی. لاکین تهران، تبریز، ایصفهان و شیراز کیمی بؤیوک شهرلرده اهالی نین فعاللیغی نین آز اولماسی نتیجه سینده نامیزدلر کیفایت قدر سس توپلامادیغیندان، بو شهرلرده سئچکیلرین ایکینجی تورو کئچیریلمه لی اولاجاق.

آپرئلین 27-ده کئچیریلمه سی نظرده توتولان بو تور هله ایندیدن بعضی دوشرگه لرده موباحیثه لره سبب اولوب. بیرینجی توردا گؤزله نیلن نتیجه نی الده ائده بیلمه ین ایصلاحاتچیلار قروپونون بیر سیرا رادیکال قووه لری بو فورمال سئچکیلرین ایکینجی توروندا اویونچو اولماق ایستمه دیگیندن سئچکیلردن ایمتیناع ائتمگی تکلیف ائدیر. لاکین اونلارین بو تکلیفینی قطعییتله رد ائدن لیبئرال ایصلاحاتچیلار ایکینجی توردا فعال ایشتیراک ائتمکده قطعی قرارلیدیلار. البتده ایصلاحاتچیلارین هامیسی یاخشی بیلیر کی، اونلار بو دفعه ده هئچ نه الده ائده بیلمیه جکلر، لاکین اؤلکه ده کی ثابیتلیگی قورویوب ساخلاماق و گرگینلییه یول وئرمه مک، ائله جه ده رئژیمین مشروعیتینی ساخلاماق مقصدیله بو سئچکیلرده فورمال اولاراق ایشتیراک ائده جکلر. اونلار، هله قارشیدان گلن پرئزیدئنت سئچکیلرینه اومیدله باخیر. ائله بونا گؤره ده بوتون تعضیقلره دؤزورلر.

رادیکال ایصلاحاتچیلار تهراندا سئچکیلرین نتیجه لرینی بیر نئچه گون گئج اعلان ائدن ایقتیداری، نتیجه لری ساختالاشدیرماقدا ایتیحام ائدیر. بونونلا باغلی حتّی کئچمیش ایصلاحاتچی پرئزیدئنت خاتمی و کئچمیش اسپیکئر مهدی کروبی ده، مرکزی سئچکی کومیسسییاسی نین وظیفه لرینی ایجرا ائدن اورگانا (ایراندا بو وظیفه لری شورای نگهبان یئرینه یئتیریر) مکتوب عنوانلایاراق تهرانداکی سئچکی صاندیقلاری نین یئنیدن ساییلماسینی خواهیش ائتسه لر ده، بو، خواهیش اولاراق قالدی. پایتاختدا بیرینجی توردا سئچیلن 19 میلت وکیلین هامیسی موحافیظه کارلارداندی. اونلارین ایچینده هئچ بی طرف ده بئله یوخدو. ایصلاحاتچیلارین ایسه بوتون تانینمیش و ساوادلی کادرلاری نین هامیسی نامیزدلیگینی تهراندان ایره لی سوردویوندن، بو او دئمکدیر کی، ایصلاحاتچیلارین اساس نوماینده لریندن هئچ بیری پارلامئنتده تمثیل اولمایاجاق. ایکینجی تورا قالانلارین سیاهیسینا باخاندا تهرانداکی نامیزدلرین ایلک 10 یئرینی یئنه موحافیظه کارلار توتور. بو بلکه ده نؤبتی مرحله اوچون بهانه لر قالماسین دئیه بئله ترتیب اولونوب و او دئمکدیر کی نؤوبتی توردا دا، ایصلاحاتچیلار ان یاخشی حالدا تهراندان 1 و یا 2 نامیزد پارلامئنته گؤندره بیله جک.

بوتون بونلارا باخمایاراق ایران ایسلام رئسپوبلیکاسی نین ایکینجی تور پارلامئنت سئچکیلریندن یئنی هئچ نه گؤزله مک مومکون دئییل. ایراندا یاشایان خالقلار دا بونو بیلیر و اکثریت بو سببدن سئچکیلره اؤز واختلارینی صرف ائتک ایستمیر.