ایران آذربایجانی دیل و کولتور اوجاغینین عالیم بهزاد بهزادینین وفاتینا باش ساغلیغی

آذربایجاننین دیلی و کولتورو یولوندا یورولماق بیلمهدن چالیشان یازیچی-عالیم بهزاد بهزادی وفات ائتدی. بیر چوخ اثرلری دیلیمیزه چئویرن بهزاد بهزادی اؤلمز اثرلری و خالقیمیزا ائتدییی خدمتلرله آذربایجان ملتینین یادداشیندان هئچ بیر زامان سیلینمهیهجکدیر. او "آذبایجانجا-فارسجا سؤزلویو" ایله، یایدیغی "آذری" و "ائل دیلی و ادبیاتی" درگیلری ایله و ایران قانون اساسیسینین 15 و 19-جو مادهلرینی حیاتا کئچیرمک اوچون چالیشماسی ایله ملتیمیزه عمرونون سون آنینا قدر خدمت ائتدی.

تورونتوداکی ایران آذربایجانی دیل و کولتور اوجاغی اوستادین وفاتینی بوتون آذربایجانلیلارا تسلیت دئییب یولونون گئدرلی اولماسینی آرزولاییر. قبری نورلا دولسون