شرقى آذربايجانين «کارگرلر ائوى» - نين  ايالتى قورولتايى و اونون قطعنامه سى
 
( ايلنا خبر آژانسيندان آلينيب- قيساديلميش متن )

 

«ايسلامى اينقيلابين»  باش توتماسيندا و دوام ائتمه سينده بؤيوک رول اويناميش کارگر صينفى، مؤوجود وضعيتينى و ياشاييش شرايطينى نظردن کئچيرنده  بئله نتيجه يه گليب چيخير کى، ايگيرمى بئش ايل اينقيلابدان سونرا، بوکى  هله ده کارگرلر اؤز واقعى حقلرينه چاتماييبلارقالسين بير طرفده، اونلارين مؤوجود وضعيتى گله جکده بوندان دا چتين راق اولاجاقدير و دئمک اولار حتى ايندى اللرينده اولان حقلرى قورويوب ساخلاماق اوچون داها کسگين راق  وسيله لردن ايستيفاده ائتمه ليديرلر!

 

ايندى، اؤلکه نى دولانديرانلار اينقيلابين ايجتيماعى فيکيرلرينى بير يانا آتيب و ايقتيصادى ليبراليزمه اساسلانان بير سيستم قورماق دالينجا جان آتماقدا الدن- آياقدان چيخيرلار.

 

خبرين آرديندا قورولتايين سس بوتؤلوگو ايله تصويب ائتديگى اون بير ماده لى قطعنامه وئريلميشدير.

( قطعنامه نين  قيساجا مضمونى )

 

سس بوتؤولوگو ايله تصويب ائديلن قطعنامه نين ايستکلريندن:

دؤولتى کرخانالارين خوصوصيلشديريلمه سىنين  دايانديريلماسى،
ايجتيماعى تامينات صانديقلارينين مکمل لشمه سى،

کارگرلرين حقلرينين مودافيعه سينه گؤره کارگرلرين نوماينده لرينين گوجونون آرتيريلماسى،

بين الخالق امک تشکيلاتى نين  87 – جى موقاويله سينى نظرده آلاراق، کارگرلرين صينفى انجومن و قورولوشلارينين ايجاد ائديلمه سى و قووه لنديريلمه سى،

کارگرلرين قانونى حقلرينين مودافيعه سى،

حيرفه اى اعتيصابلار حقى نين رسمى لشديريلمه سى و بونا عايد قانونون تصويب ائديلمه سى،

ال موزدلرينين ياشاييش شرايطينه ، توورومون و مؤوجود باهاليغين سويه سيله اويغونلاشديريلماسى،

موقتى امک موقاويله لرينين (ايش قراردالارينين) دائمى لشديريلمه سى.