http://rashidi-hasan.blogfa.com/post-18.aspx

 

بالاش آذر اوغلو سون يولجولوقدا !   

..................

بالاش آذر اوغلو آذربايجانين اؤلمز شاعيري ، فاني دونياني ترك ائديب، ابدي دونيايا قووشدو ؛ آذربایجانین كؤورك اوركلي و نيسگيل كونوللو اوولادي نين وفاتيني ، اونون حؤرمتلي عائله سي و آذربايجان ميلّتينه باش ساغليغي وئريب او مرحومون روحونون شادليغيني تانري دان ديله ييريك .

بالاش آذر اوغلونون اوره گي دايما آذربايجانا چيرپينيردي ؛ اونون آذربايجانا و آذربايجان ميلّتينه اينانجلاريني آلتداكي شعريندن راحتجاسينا اؤيرنمك اولار :

 

بير گون اسير دوشموش بير قهرماني 

  سورغويا، سوالا چکنده جللاد: 

  - سيزين الينيزده اؤلمرم! - دئدي، - 

  مني زامان- زامان ياشادار حيات. 

  دئديلر: - گؤزونو اوياريق سنين، 

  گؤره بيلمزسن. 

  دئدي: - ياشارام! 

  دئديلر: - قولونو قيراريق سنين، 

  سيلاحين، کسرين دوشر اليندن. 

  دئدي: - ياشارام! 

 دئديلر: - قيچينا کونده ووراريق، 

  گزه بيلمزسن. 

  باشيندا ائله بير تونقال قالاريق 

  دؤزه بيلمزسن. 

  دئدي: - ياشارام! 

  دئديلر: - نيين وار آپاراريق بيز،  

  بير ده کئچميشينه دؤنه بيلمزسن. 

  دئدي: - ياشارام! 

  دئديلر: - ديليني قوپاراريق بيز، 

  دانيشا بيلمزسن، دينه بيلمزسن. 

  سوسدو قهرمان، 

  نه ياشارام دئدي، نه اؤللم دئدي. 

  سؤيله دي: - نه بيلسن ائله، ائي جللاد. 

  ديوان سنيندير، 

  دؤوران سنيندير…