اوندا کی

یارانان یالانا اینانیردیق

دورولمادان بولانیردیق

گؤزو باغلی گونشی دانیردیق

آرینمامیش ایستکلرده بوغولوردوق

کور اینانجین دیوارینا دیرمانیردیق

اکیز اؤلولرله دوغولوردوق

اوندا کی

آرزوموزون گمیسی

گه به رن ساحیلدن چوخدان اوزاقلاشمیشدی

درنالارین یاسیندا

داغسیز اوره کلرده آغلار دالغالار

قارانلیق قومساللاردا سورونوردو

قینانان بوگون دونه نه بورونوردو

باشی بوش تارلالار یوخسوللوغا اؤیونوردو

قوتسال یاراسالار

قیسیر قافالار

یوز ایللرین کوفلرینی

اورتالیقدا سوووروردو

اوندا کی گبه لر اؤلومه ته له سیردی

دیبسیز کوچه لرده قیسیلان دوغرو

آدسیز اللرده یولونوردو

یالاندان باشقا هر شئی یالان گؤرونوردو

اوندا کی گؤزلر یومولو آغیزلار آچیق

اسگی مزارلاردا اؤزوموزو باسدیریردیق

اوندا کی یالانلارا اینانیردیق

اونداکی ......

اسماعیل جمیلی