دکتور حميد نيطقى:

جادى

منى افسونلايان جادى

ديليمى باغلادى

توت اليمدن دئدى، توتدوم

اؤزومو اونوتدوم

من قاچديمسا او يئتيشدى

من نه اکديمسه او بيچدى

امک منيم اولدو، بار اونون

يادلار منيم، ياد اونون

اوتان اؤزوندن دئدى، من اوتانديم اؤزومدن

اوتانديم سسيمدن، سازيمدان، سؤزومدن

آيريلديم اصليمدن اؤکسوز (يئتيم) قالديم

اونا باغلانديم کؤکسوز قالديم

بير زامان گؤيلرده قانات آچان من

قارانليق ائللره ايشيق ساچان من

او جادىيا قانديم

باتلاغا يووارلانديم

گئجهيه گؤمولدوم

ياشامادان اؤلدوم

او جادى

منى آولادى

ديليمى باغلادى، آچيلماسا ديليم

من آرتيق من دگيلم