خاتون سايتيندان
http://xatun.blogspot.com/

منيم آي غملي ديليم !

معصومه صادقي سپهر ( عرب ادبييات ليسانسييه سي )
رزن شهه ريندن- همدان اوستاني - آذربايجان

منيم آي غملي ديليم !
درده بورونموش
سنه چوخ دردلي سؤزوم وار
سنه ايللر بوْيو قان آغلاماغا بيل كي گؤزوم وار
داخي دوستاقلي گؤنول ايچره كؤزوم وار
سن آتامين ديليسن ، هم ده آنامين
ائليمين ، ميللتيمين ، كيمليييمين
بايراغي سَنسن
توركلويون شانلي نيشاني
اُولاماز نازلي ديليم من سني آتام
اؤزگه لر ديلينه ، ياد ائللرينه من سني ساتام
سني آلداتماييرام
سني ايچدن سئويرم
سن اگر سولغون اولاسان ، سولاسان
گؤزلريم گؤز ياشيني دالغالارام
ظولمه قارشي آخارام
كؤزه رن گؤكسوم اوديله ياخارام
ظولمه سوْن نوقطه سيني قويمالييام
سنه من آند ايچَرم
آخي تورك'ون توْرونو
آنا "تومروس" قيزييام
آي منيم غملي ديليم !
درده بورونموش
سنه من آند ايچرم
سنه من آند ايچرم!