www.yurd.net

بير کولک اسدي، صبريمي کسدي...

عمران صلاحينين عزيز خاطيرهسينه عشق اولسون!

(1385- 1325) پارچالانديق، سينماديق!

داش آتانلار بيلمهديلر

پارچالانميش آينادا،

بير آيدان مين آي چيخار،

بير گونشدن مين گونش،

بير اولدوزدان مين اولدوز؛

پارچالانديق آينا کيمي،

چوخاليريق

چوخالديريق ايشيغي.....

عزيز و سئويملي عمران صلاحي سون ساتيراسيني يازدي. اؤلوم آديندا تراژيک و چوخ آجي بير ساتيرا. ائلهدير، عمراندا کؤچدو. او کؤچدو و ايلک دفعه اولاراق، سئونلرينين دوداقلارينا گولوش يوخ، اونلارين ياناقلارينا گؤز ياشي تؤکدوردو. بير داها وورغون عمرانين – هئي سحر يئلي! بير پارا اورهييم وار، آليرسانمي؟ سؤزونو ائشيتميهجهييک.

عمران انسان و انسان کيمي ياشاماغين وورغونويدور. او حياتين بوتون چيرکينليکلريله دؤيوشوب، اونلاري انساني گؤزلليکلرين قارشيسيندا ديزه چؤکدوردو. عمران ائله گؤزهل و سئويملي ياشادي کي، اؤلومده اونون عؤمور آستاسينا چؤکنده، شوبههسيز، اوندان اوتانيرميش.

اؤز داورانيشيلا هامويا حياتا اوميد بسلهمهيي و انسان کيمي ياشاماغي اؤيرهدن وورغون عمران، شاعر، ساتيريک و يازيچي عمران، داها سيراميزدا يوخدور. آنجاق او اؤز معنوي ارثيله، اثرلريله و خاطرهلريله بيزده ياشاياراق، ليريک و معنالي شعرلريله اورهييميزه يئني بير گوج وئرهجک. او بيزيم ايچ دونياميزي تميزلهيهرک، گؤزللييه و گؤزهل حيات سورمهيه روحلانديراجاق.

بيز آذربايجان شاعر و يازيچيلاري، سئويملي دوستوموز عمران صلاحينين کئچيرتدييي علوي و انساني وارليق قارشيسيندا باش ايهرک، اونون عزيز خاطيرهسينه عشق اولسون دئييريک.

آتيلا مارالانلي- آقازاده عليايي- ائل اوغلو- ائلچين يحيوي- ائلدار موغانلي- احد آيلاقلي- احمد پوري- اردشير رستمي- ارشد نظري- استاد شيدا - اسماعيل مددي اولکر - اسماعيل ممدلي- اصلان پاشا- ايشيق شايا- بالاش آذراوغلو- بهرام ائلچين- بهروز چاي اوغلو- بهروز صديقي- بهزاد بهزادي- پرويز حبيب پور- پيام سرابلي- تورک اوغلو- چاپار- حبيب فرشباف- حسن اؤزگور- حسن ايلديريم- حميد آرش آزاد- حميد بخشمند- داوود اهري- ذولفقار کمالي- رحيم رئيسنيا- رحيم کاويان- رضا سيدحسيني- روشن خياوي- سؤنمز- ساپلاق- ستار گلمحمدي- سعيد قافلان- سعيد منيري- سليمان ثالث- سولغون آذري- سيد سلامت- سيروس تبريزي- سيروس مددي- شبسترلي- شهرام شيدايي- شهرک ميرزا- صابر نبي اوغلو- صالح عطايي- صمد چايلي- عادل ائلخان- عاشيق حسن اسکندري- عاشيق چنگيز مهدي پور- عاشيق فرخ مهدي پور- عبدالله يالچين- عزيز محسني- علي آقگونئيلي- علياکبر ترابي- عليرضا ذيحق- عليرضا ميانالي- غلامحسين فرنود- غلامرضا بوداغي- فريبا وفي- فريدون حصارلي- فيروز رفاهي- کريم قربانزاده- گونئيلي- مجيد امين مؤيد- مجيد تيموريفر- محمد خليلي- محمد قاضي- محمدرضا کريمي- مرتضي مجدفر- مسعود آذر- مسعود اورنگ- مسعود متولي- مظفر درفشي- مفتون اميني- ممد وطنلي- مهدي پناهي- ناصر داوران- نريمان ناظيم- هاشم ترلان- هدايت حصاري- هريزلي- همت شهبازي- يانار اردبيلي.

ساهر ادبي- مدني درنهيي

صابر ادبي انجومني

آذري (اوچ آيليق درگي)