ایران

 

ایران  اولاندان 

 دوغرولاری یالان

گرچکلری

 یالان اوسته یالان

یالانلار چمبرینده

حیات قیوریلان

آبادلیغی

دیکگه لن ویران

شنلیگی

قارا گون  آغلاغان

ساباحلاری دوننلرده آختاران

 

اوزلو یالتاقلارا

پوزلو آلچاقلارا

وظیفه لی قولچا قلارا

سولانمیش میدان

بوش سؤزلره

بوش باشلارا

یولدا قویان یولداشلارا

گیزلی آشکار اویناشلارا

ساتقین   قورخاق

اوباشلارا

جننت مکان

 

ایران اولاندان

ائللریم

 خوش گؤنه حسرت

بوغونتو یوخسونلوق

مصیبت      ذللت

قارانلیق     جهالت

دوغما  تورپاق

اوزاق غوربت

دوستاقلاری دولو

یارالی گؤیرچین

فیدانلاری قورویان

مین مین

چیچکلری

 بیچیلن چین چین

 

بو آریا ایرانیندا

یالانلارین تیانیندا

زوراکیلیق ویرانیندا

آرزیلار آرزیدا قالان

باهار یئرینده

وقتسیز خزان

وطن آدلانان

ائلیمه  دیلیمه  زندان

                                                                          اسماعیل جمیلی