خوخانلار

بونلار قارانلیق قوللوقچولاری

جهنم جارچیلاری

             اؤلوم موشاتالاری

بیره کیمی دیریلیغا داراشانلار

گه نه کیمی یاشاما سوواشانلار

بونلار  اؤلوم موشاتالاری

            اؤلو دوغولان دوشلرین تایالاری

کوفلو کؤهوللرین  پئرسیمیش یاراسالاری

بونلار  مین ایل اؤنجه پاسلانانلار

یالانلاردان آسلانانلار

کین کؤرویون کؤروهله ین جه نه وارلار

قودوز قولدورلار

قورخاق قیسیرلار

بونلار

نفرت دوزاغیندا  توتساقلار

چیخمازلیغین بوجاغیندا  دوستاقلار

بونالار  قیفیللی قافالار

قورخودان قورخودانلار

بونلار

اویدورما  خوخانلار                               اسماعیل جمیلی  /  سون باهار2009