دونیا اوشاق گونو

 

نه اوزله قوتلاییم گونونو

سن بیر آغ گون گؤرمه دن

اؤز دیلینده قانادلانیب

عومور پایین سورمه دن

قارا گونلر قوتلانیر می

قوللارین  گونو اولور می

قارنین آج   کیملیگین تاراج

یوردون ویران   وارین تالان

آدین  سایین یاساق

اؤزلوگون دوستاق

باهارین سارالیر یارپاق یارپاق

اوخوللاردا  وراق وراق

آچیبلار یولونا  دوزاق

بلالی باشین اوسته شکر دیللی آلچاق

سنی دانان الده قامچی اوجوز یالتاق

بو گونون یوخ یارینلارین مو بارک

یولدادیر اؤزگور یاز الینده چیچک

او گونکو بنوشه  کله بک

سنه تورکجه نغمه دئیه جک

او گونکی سئوینجیله

یویوناجاق  اورک

او گونکی نان  یوخ

دئیه جکسن  چورک                                     اسماعیل جمیلی