قورخو دالانیندا

اؤزلرینی آرتیریرلار

اسگی کؤپوکلرده

کاس قارانلیقدا

درین بولانلیقدا

اؤلومو یاشاما یاماق سالانلار

بوش بوغازلیق دره سینده

زیروه لری دانانلار

چاغین زورلا بوشادیغی مویدالاردیلار

قان گؤلونو کبینلرینه سالدیرانلار

آغ یالانلار سوفره سینده یاغلانانلار

دورمادان گئریه قوشانلاردیلار

یاس خبرینه موشتولوق ایسته ینلر

قوتسال یاراسالاری بسله ینلر

قارا قورخو دالانیندا دوزاق قورانلاردیلار

بیر اؤپوش سئوگینی قینایانلار

بیر دوداق گولوشو قیسقانانلار

اؤلولری ازدیره نلر

دیریلری بئزدیره نلر

یوز ایللرین آرخاسیندا دونانلاردیلار

بو گونو گؤرمه ینلر

گؤزه للیگی اؤیمه ینلر

اؤزلرینی قاندیرانلار

کؤرپولری یاندیرانلار اسماعیل جمیلی