امان سیز یاس

                                                                      امانی قارداشلاریمیزین امانسیز آیریلیغینا

بلادیر قضا دیر  نه دیر  بیلمیرم

بیلیرم یاراسی  دریندیر     درین

گؤزومده قان اولان یاشی سیلیرم

ساغ اولسون اییلمز باشی وطنین

 

سون باهار سونوندا   چیچییم  سولدو

سوورولدو  تالاندی آرزی باغچاسی

وطنین باغریندا       یئنی  داغ اولدو

سئوگیلی نیسگیلی    امان سیز یاسی

 

اولدوزلار آخارلار      باتیب اؤلمزلر

قارانلیق قودوروب  چیلتیک چالماسین

دان یئری سؤکولوب  چیخاجاق گونش

سهندیم  ساو آلان ساچین     یولماسین 

                                  

سؤزلر سیرادان چیخیر    دیل دولاشیر  فیکیر چاشیر  نه یازماغا الیم گلیر  نه یازماماغا دؤزه بیلیرم .   دوستاغ یولداشلارینین نه لر دویدوقلارینی  کیم بیله بیلر   یاخین دوستلارینی  دردیینی کیم اووا بیلر    داغ داغ اوسته  سؤزونون  آنلامی  گؤز اؤنونده دیر

 امانی قارداشلاریمیزین  آیرلیغی چکیلمز اولسادا  یئنه ده اییدلریمیزین   یئنه ده  قوجامان تبریزین   یئنه ده  غریب سردارین     یئنه ده .........    آذربایجانین   باشی ساغ اولسون

                                                                                          سون باهار   اسماعیل جمیلی