یئری دولماز فرزانه میز

خزانین آدی قالدی

نیسگیلین دادی قالدی

سازاقدا آچان گولون

سولمایان یادی قالدی

اولدوزلارلا سایریشان ایری

سئوگی تانریسینین ائلچیلریندن بیری

سؤزو سؤز اؤزو اؤز

صفالی وفالی بزه ک سیز یاراشیق

یا نا یانا نور پایلایان ایشیق

اولایلار دنیزینده گووه نیلن آدا

درینلردن یوکسلن

اوزاقلاردان گلن گولومسه ین بودا

سئوگی نفسیله دوزوملو مسیحا

دده قورقود کيتابیله ساوالاندان انن موسا

اؤزگه لیک قوراغیندا یاز نفسی

غملی غوربت دوراغیندا ائلین سسی

دایانیشین دینن دیلی

اویانیشین باهار یئلی

گولر اؤزلو داغ دؤزوملو

درین سؤزلو تایسیز گؤزل

کؤنوللرده تختی اؤزل

اینجی دولو دورو دنیز

یئری دولماز فرزانه میز

تارلامیز دنسیز اولمور

داغیمیز چن سیز اولمور

هارداسان سئوگیلی یار

بیر گونده سنسیز اولمور

اسماعیل جمیلی