آماندیر گلمه

(مهدی جان ! گر ائده لر دعوت آماندیر گلمه)

(یوز مین ایلده چکه لر مننت آماندیر گلمه).....

.

سنه تای مینلر امام بنزیله ایراندا گزیر

الی آلتیندا نئچه عورت آماندیر گلمه

نه سؤزون وار دئیه سن اهل ولایت دئمه سین

کی اؤزون چکمه یه سن خجلت آماندیر گلمه

اعتیاد فقرو فساد فحشا آلیب باش گئدیری

سنه ده شامیل اولار ذلّت آماندیر گلمه

اتمی ماللالارا یوخ کسری ذولفقارین

آغالاردان ائله مه صوحبت آماندیر گلمه

یوخ اولوب هممتیمیز مرحوم اولوب غیرتیمیز

ائتمیشیک بیز یالانا عادت آماندیر گلمه

مرسدسده گزیری تسقولی دیلقیر طلبه

ماویه دسگاهیدیر دوولت اماندیر گلمه

چوخ اینانما سؤزونه سققه لینه پاتله تینه

اوممه تین دیندن ائدیر نفرت اماندیر گلمه

دین وایمان قویولوب حرراجا توپدان ساتیلیر

ظالیمه اولما گیلن آلت اماندیر گلمه

دیزقیراخ ماللالاری شهوت قدرت قودودوب

سنی ده فاسید ائدر قدرت آماندیر گلمه

همی قارون همی فرعون ایدی آیات عظام

دینی آ لت ائله ییب دوولت آماندیر گلمه

شیعه نین باکره سین سوننی دوبی ده پوزوری

درده دیمز پوزولان اوممت آماندیر گلمه

سئل کیمی نفت پولو دین ائوینی ائتدی خراب

سنی ده یولدان ائدر ثروت آماندیر گلمه

دئمه کی من امامام قومدا آسا للار سنی ده

وئرمه قاتیللرینه فورصت آماندیر گلمه

خیریوی ایسته مه دیخ وورما ضرر قوربان اولوم

آللاه ائتسین ده ده وه رحمت آماندیر گلمه

گول اوغلان