مفتون امینی

("من و خزان و تو" کیتابیندان، نشر امرود، تهران 1385)

(املاسی عیناً کیتابدا اولان کیمی)

 

قه‌زل

 

آتام دییه‌ردی بیزه عشقی‌نیز حیالی گره‌ک دی

ایه‌ر باهار تکی کال اولسادا، صفالی گره‌ک دی

 

عاشیقلاریندا سؤزون سازلاریندا دینله‌می‌شم کی

گؤزل نه قدری گؤزل اولسادا وفالی گره‌ک دی

 

آتیلما هر سویا، آسلانما هر بوداقدان عزیزیم

جاوانلیق عالمی فرضن کی ماجرالی گره‌ک دی

 

اییت ده خوشدی که سئوداسی، سئوگی‌سی اولا آمما

بو بیر شکاردی، قماردی، که اعتدالی گره‌ک دی

 

هاواسی خوشدو بو شهرین حئییف کی گه‌ل گئدی یوخدو

بو خوش هاوالی یئرین خلقی خوش ادالی گره‌ک دی

 

نه کؤرپی وار گئچاق اوننان، نه پنجره‌ز آچیلان دی

چای اطرافیندا اولان قونشو سس صدالی گره‌ک دی

 

آخیر سؤزوم بودوکی، آیریلیقدا، ال توتان اولماز

آدام، آدام‌لارا، دار یولدا، اعتنالی گره‌ک دی.