هارايين قوناغي سيف الدين حاتملويى ايله:

ايراندا خالقلار ميللي حاقلارينا چاتاجاق

چهارشنبه ۲۲ مهر ۱٣٨٨ - ۱۴ اکتبر ۲۰۰۹

تاپديق فرهادوغلو

هارايين قوناغي سيف الدين حاتملويى دير. او 1953-جو ايلده تبريزده آنادان اولوب. 1983-جو ايلده سياسي تضييقلر نتيجه سينده ايراني ترک ائديب. حاضيردا آلمانييادا مهاجيرتده دير. جناب حاتملويى ژورناليست فعاليتي ايله مشغولدور، ايراندا ياشايان آذربايجانليلارين حوقوقلاريني مودافيعه ائدير. او شاه و ايسلام رئژيمي دؤورونده سياسي فعاليتينه گؤره حبس ائديليب.

سيف الدين حاتملويى حساب ائدير کي، نه شاه، نه ده ايسلام رئژيمي دؤورونده ايراندا غئيري-فارس ميلتلرين حوقوقلاري قورونماييب. اونون سؤزلرينه گؤره، غئيري-فارس ميلتلر بهمن اينقيلابيندا ايشتيراکلا مدني حاقلاري نين قوروناجاغيني گومان ائديردي. آنجاق ايسلام آنا یاساسیندا مدني حوقوقلارلا باغلي ضعيف بير مادده وار، او دا يئرينه يئتيريلمير. ميلتلر اؤز ميللي حاقلاريندان دانيشاندا اونلارا آيريجي، خاريجي دؤولتلرين آگئنتي ايتتيهامي ايره لي سورولور. " دونيادا ائله خالقلار وار کي. سايي بير ميليوندان چوخ دئييل، آما دؤولتلري وار. ايراندا ايسه 35 ميليون آذربايجانلي ميللي حاقلارينا قوووشا بيلمير " .

جناب حاتملويى ايراندا ياشايان خالقلارين، او جومله دن آذربايجانليلارين ميللي حاقلارينا قوووشاجاغينا اوميد ائدير. اونون قناعتينجه، ايسلام رئژيمي اينسانلار آراسيندا نفوذونو ايتيريب و خالق طرفيندن مودافيعه ائديلمير. " ايسلام رئژيمي ايشگنجه جهتدن غدار شاه رئژيمي نين اوزونو آغارتدي. شاه دؤورينده ده سياسيلري آسيرديلار، ديرناقلاريني چکيرديلر، ايسلام رئژيمينده ده بونو ائديرلر. آما ايسلام رئژيمي داها غدارجاسينا ائدير. آدامين آياقلاري نين آلتينا او قدر دؤيورلر کي، ات گئدير، سونرا سومويه دؤيورلر. آغري بير يانا، طيببي يارديم دا ائتميرلر و نهايتده آياقلار اييلنمه يه باشلايير " ، - دئيه ايسلام رئژيمين حبسخانالارينداکي ايشگنجه ني خاراکتئريزه ائديب.

آمئریکانین سسی

کوچورن: اویرنجی