آذربایجان فدرال دموکرات حرکاتی نین رافيق تقی نین اؤلدورولمه سی حقده بیلدریشی

بو دفعه ایسلام جومهوری سی اؤزگور دوشونمه یی و آیدینلاتمانين قاباغين آليب و بوغماق اوچون موستقیل آذربایجان جومهوری سینده یاشایان يازيچى رافيق تقى نی هدف آلدی. بو اؤزگور دوشونجه لی و آیدین يازيچى ایسلام و ایسلام جومهوریسی نین سیاستلری حاقدا یازدیغی تنقييدی يازيلار و کیتابلاردان اؤتورو جاهیل و شوم سسلرین وئردیگی اؤلوم فتواسی نین قوربانی سی اولدو.

رافيق تقى 19 نوامبر 2011 ایلینده باکیدا ائوینه گئدرکن ایسلام جومهوری سینین آژانلاری طرفیندن بپچاقلانیب یارالاندی، اما اؤلوم تهلیکه سی گئچدیکتن سونرا حیاتی نی ايتيرمهسى بو فیکری گوجلندیریر کی اونون دوشونجه سیندن و یازیلاریندان تهلیکه یه و قورخویا دوشنلر آلدیقلاری وظیفه لرینی یئرینه گتیریب و خسته خانه دا رافيق تقى نین حیاتینا سون وئریبلر.

آذربایجان فدرال دموکرات حرکاتی بو جينايتى محکوم ائديب، آیدینلاتمانى و اؤزگور دوشونجه نى هدف آلان بوتون قارا سسلری و ان باشدا ایسلام جومهوری سینی قیناییب، اینسانلارین و دوشونجه نین اسارتدن قورتولماسی اوچون لاییق توپلوما و لاییق دوشونجه یه صاحیب اولمانین اؤنم و اهمیتی نی بیر دفعه داها وورقولايیر.

آذربایجان فدرال دموکرات حرکاتی نين ایجرائیه هیئاتی

Azərbaycan Federal Demokrat Hərəkatının Rafiq Tağının öldürülməsi həqdə Bildirişi

Bu dəfə İslam Cümhurisi özgür düşünməyi və aydınlatmaninın qabağin alıbvə boğmaq üçün müstəqil Azərbaycan Cümhurisində yaşayan yazar Rafiq Tağını hədəf aldi. Bu özgür düşüncəli və aydın yazıçı islam və İslam Cümhurisinin siyasətləri haqda yazdığı tənqiydi yazılar və kitablardan ötürü cahil və şum səslərin verdiyi ölüm fətvasının qurbanisi oldu.

Rafiq Taqi 19 novambr 2011 ilində Bakıda evinə gedərkən İslam Cümhurisinin ajanlarının tərəfindən bıçaqlanıb yaralandi, ama ölüm təhlikəsi geçdikdən sonra həyatını itirməsi bu fikri gücləndirir ki onun düşüncəsindən və yazılarından təhlikəyə və qorxuya düşənlər aldıqları vəzifələrini yerinə gətirib və xəstəxanada Rafiq Tağının həyatına son vermişlər.

Azərbaycan Federal Demokrat Hərəkatı bu cinayəti məhkum edir,aydınlatmanı və özgür düşüncəni hədəf alan bütün qara səsləri ən başda İslam Cümhurisini qınayıb, insanların və düşüncənin əsarətdən qurtulması üçün layiq topluma və layiq düşüncəyə sahib olmanın önəm və əhəmiyətini bir daha vurqulayır.

Azərbaycan Federal Demokrat Hərəkatının İcraiyə Heyəti

25.11.2011