Azərbaycan Federal Demokrat Hərəkatı, İran İslam Cümhuriyyətinin

anti Azərbaycan siyasətlərini məhkum edir!

Azərbaycan Federal Demokrat Hərəkati, İsveç Azərbaycan Federasiyonunun bazar günü 6 fevral tarixində Stockholmda İran səfirliyi qarşısında dəvət etdiyi nwmayışdən himayət edir.

Azərbaycan Fededral Demokrat Hərəkatı, İran rejiminin 35 milyon Güney Azərbaycan Türkünə qarşı rasist siyasət emal etməsi və həmin siyasətin, xarici davamı olaraq, Azərbaycan Cümhuriyyətinə qarşı fanatızm və terror ixrac etmək siyasətini məhkum edir . İran İslam Cümhuriyyəti Quzey Azərbaycanın ikinci Cümhüriyyətinin, yarandığı gündən bəri, dünyanın dörd güşəsində yaşayan Azərbaycanlıların ümid və arzularını özünə cəlb etmiş bu gənc və milli varlığımıza qarşı hər bir təxribat və qeyri insani işə əl vurmuşdur . Azərbaycana hərbi hücüm etmiş Erməni qoşunlarını silah və yanacaqla təmin etməkdən tutmuş, Xəzərdə Azərbaycana qarşı hədə qorxu gəlmək və Azərbaycan əhalisi arasında dini fanatizmin təbliği və kor terorizm ixrac etmək kimi işlər, İran rejiminin bu çirkin əməlləri siyahısıina daxildir .

Azərbaycan Fededral Demokrat Hərəkati, Azərbaycanın Qüzeyində müstəqil Azərbaycan Cümhuriyyətinin sekular dövlət qurluşunu, bu Cümhüriyyətdə ölum cəzasının ləğv olmasını və bütün Azərbaycan vətəndaşlarının birgə əməklərinin nətiycəsi olan istiqlaliyyət və dövlətçiliyini dəstəkləyir. Məlum olduğu kimi Quzey Azərbaycanın iki əsrə yaxın rus əsartində olması və 70 il dəmir pərdə arxasında məhbus saxlanması, Güneylə Quzey arasında yadlığa səbəb ola bilməmişdir. Aydın dir ki, öz hakimiyyətini ölüm, terror, cinayət və dini fanatizm əsasında qurmuş İran rejimi də belə bir yadlıq yarada bilməycəkdir . Azərbaycan Federal Demokrat Hərəkatı İran İslam Cümhuriyyətinin öz vətəndaşlarını dəstə - dəstə edam edib, 35 milyon Güney Azərbaycanlılarına divan tutmasını və qonşu Azərbaycan Cümhuriyyətinə terror və dini fanatizm ixrac etməsini məhəküm edir və bu çirkin siyasətlərə etiraz məqsədilə keçirilən numayişələrdən və ilk növbədə Azərbaycan İsveç Federasıyasının bazar günü 6 fevral tarixində Stockholmda İran səfirliyi qarşısında dəvət etdiyi nümayişdən himayət edir .

Yaşasın azad və demokratik Azərbaycan

Azərbaycan Federal Demokrat Hərəkatının İcraiyə Heyəti

3 fevral 2011