آذربایجان فدرال دمکرات حرکاتی نین بیلدیریشی

سیاسی محبوسلارین اعدامینی شیددتله قیناییریق

تهرانین عمومی و اینقیلاب دادسراسی بیر اعلامیه صادیر ائدرک، بازار سحری اردیبهشت آیینین 19 1389 ایلینده، فرزاد کمانگیر، علی حیدریان، فرهاد وکیلی، شیرین علم هولی و مهدی اسلامیان ین دوؤلتی مرکزلره بمب قویمالارا قاتیلدیقلاری و پژاکا باغلی اولدوقلاری اوچون اوین زیندانیندا اعدام اولوندوقلارینی اعلام ائتدی.

ایسلام جومهوریتی قورولوشونون ایلک گونلریندن بو یانا موخالیفلرینه یالنیز شیددت و اعدامنا ن جواب وئریبدیر. سون دؤوره لرده خالقین قضب و هیرسی بو حوکومتین چوروموش گؤوده سینی(پیکر) تیتردیبدیر. ایسلام جومهوریتی بیر طرفدن اویقولادیغی شیددت ، تاپدالاماق، شیکنجه  و اعدام ایله موخالیفلرینین آراسیندا قورخو یارادماقا  و باشقا طرفدن ده اؤز طرفدارلارینی جسارتلندیرمگه چالیشیبدیر. اما شوبهه سیزدییه بیلیریک کی بو جینایتلر خالقی قورخودماییب، بو وحشت و فلاکت جومهورییتینی ییخماق ایستکلرینی داها دا گوجلندیریبدیر.

بیز شیددتنن  بو اعداملاری قیناییب و صمیمیتنن بو اعدام اولونان عزیزلریمیزین عائله و دوستلارینا باش ساغلیغی دیلییریک. بیز دموکراسی آدینا فعالیت ائدن بوتون قوروملاری، قادینلاری و میللتلری بو اعداملارین دوردورولماسی اوچون فعالیت ائتمه یه و اؤز اعتراضلارینان ایسلام جومهوریتینین اؤلوم ماشینی نین دایاندیریلماسینا چاغیریریک.

بیز بوتون آزادلیق سئون اورقانلاردان، قوروملاردان و اینسان حاقلاری مودافیعه چیلریندن بو اعداملاری شیددتنن قینامالارینی و بوتون گوجلرینن جومهوری ایسلامی نین علئیهینه  اولوسلارآراسی باسقیلارین آرتماسینی ایستمه لرینی ایستیریک کی بو وسیله نن ایسلام جانی لرینین  الینده اسیر اولان باشقا محبوسلارین اعدام اولونماسی اؤنلنسین (قاباغی آلینسین).

آذربایجان فدرال دموکرات حرکاتی نین ایجرائیه هیئتی

9 مای 2010

19 اردیبهشت 1389