فارس مدنیت راسیستلری نین تمامیتچیلیک حئکایه لری

ایشیق سؤنمز

فارس مدنیت راسیستلری، او جمله دن احمد پناهده ایمضاسی ایله گؤروشلرینی اجتماعیته تقدیم ائتمگه چالیشان شخص، ملت مقوله سینی یاشادیقلاری اؤلکه لرده کی ماشین فابریکالاری ایله دگیشیک توتاراق ایران ممالیکی محروسه سینده کی فارس تمامیتچیلیگی و راسیستلیگینه قارشین فارس اولمایان ائتنیکلرین قارشی قویما و میللی کیملیکلرینی ساوینما مقوله سینی "ملت سازی" دئیه یوروملاماغا چالیشارلار. یئری گلمیشکن ملت مقوله سی نین نه اولدوغونو بیر داها ایضاح ائتمه لی ییک. تاریخ بویو اورتاق بیر دیل، مدنیت،  گؤره نک (عادت)، گله نکلری (عنعنه لری) ایله بللی بیر جغرافی بؤلگه ده یاشادان توپلوملار میللت ساییلار. بو توپلوم ایستر اؤز یاشاییشینا حاکیم، ایسترسه ده باشقاسی نین توتساقلیغینا محکوم اولماسیما باخمایاراق بیر میللی وارلیق اولاراق اونون میللی کیملیگینه کؤلگه دوشورمگه چالیشانلار، ایلک ایستعمارچی گوجلر و سونرا دا ایستعمارچی گوجلره قویروق اولموش مدنیت راسیستلری ساییلارلار. دئمک، بوگون ایران ممالیکی محروسه سینده کی میللی وارلیقلاری فارسچیلیق بویوندوروغو آلتیندا اریتمگه و یوخ ائتمگه چالیشان قاتیللرین بیر بؤلومو فارس ایستعمارچی گوجلری ساییلسالار دا، او قاتیللرین او بیری بؤلومو ده فارس مدنیت راسیستلیگینه قاپیلمیش، فارسلیغی اؤزلری اوچون میللی کیملیک دئیه قبول ائتمیش شخص و تشکیلاتلار ساییلار. بو شخص و تشکیلاتلار اؤزلرینی بیر فارس مشروطه چیسی،  یوخسا دئموکراتی  کیمی سوندوقلارینا و تقدیم ائتمکلرینه باخمایاراق بونلارین دوشونجه و  مفکوره سی فارس ایستعمارچیلیغی و مدنیت راسیستلیگینه اساسلانار. بونلار اوزدن ایراق گر کئچیلر کیمی قیریجی و داغیدیجی بوینوزلارینی ایران ممالیکی محروسه سینده کی میللیتلرین میللی کیملیک و منلیک آغاجلارینا سورتمکلری ایله بو میللیتلردن بیر شئی اسکیک ائده بیله جک و قوپاراجاق دئییل، اؤز نؤکرچیلیکلرینی آغالارینا  ثابت ائتمک اوچون عابیرسیزلیقلارینی دا سرگیلمگه چالیشارلار. اونلاردان بیری ده کئچمیشده فارس تمامیتچی مجاهید خلق تشکیلاتینا پادوچولوق ائتمیش و ائتدیگی عملیندن پئشمان اولاراق بوگون سلطنت طلبلرین کؤنوللرینی اوخشاماغا چالیشان و احمد پناهده ایمضاسی ایله فارس تمامیتچیلیک مفکوره سینی الله طرفیندن گؤندریلمیش بیر آیه کیمی یورماغا چالیشان شخص ساییلار. بو ذات فارس ایستعمارچیلیق دعاسی نین دلیگینی ایتیردیگی اوچون 2006 اینجی فارس مدنیت راسیستلری باشلاریندا پیمان پاکمهر طرفیندن آذربایجان میللی حرکیتینه نیسبت وئریلمیش چیرکین داورانیشلاری آذربایجان میللی حرکتینه نسبت وئرمکله زامان و مکانی دا درک ائتمکدن عاجیز اولدوغونو سرگیلمیش اولار[1]. فارس ایستعمارچیلاری و مدنیت راسیستلری نین کئچمیشده چئیندیکلرینی بیر داها گونجللشدیرمک یاخشی اولماز دئیه احمد پناهنده ایمضاسی ایله یازیلمیش مقاله نین گونوموزه آیریلمیش بؤلوملرینی نظردن کئچیرمگه چالیشاق، اوخویوروق:

"مقدمه .... گزافه نیست که بگوییم در هر زمان که شمارش معکوس پایان حکومت اسلامی به صدا در می آید، دو طیف به موازات هم سراسیمه، بی تاب و بی طاقت به میدان می آیند و فضای صمیمی ایران باوران و وطندوستان را که قبل از هر موضوعی به ایران بدون حکومت اسلامی در تمامیت ارضی اش می اندیشند، با مواضع و عملکرد ضد ایرانی و ایران، غبار می پاشانند و سبب ساز تفرقه در درون نیروهای مخالف می شوند"[2].

اوسته مؤللیف صمیمی اورتام (فضا) دئدیکده فارس تمامیتچیلیگی و ایستعمارچیلیغینی نظره آلار. بو گؤروشه اساساً انسان و انسانلیق اؤنملی و اهمیتلی دئییل، فارس ایستعمارچیلیق مدنیتی ایله غصب اولونموش غیر فارس بؤلگه لر فارس ولایتلری ایله بیرلیکده "ایران" آدی باشلیغی آلتیندا  الله ساحه سینه قالدیریلاراق اونا عیبادت اولونار. بونلار اؤزلرینی دیندن قاچاق گؤسترمگه چالیشدیقلارینا باخمایاراق بیر بت پرست کیمی زاواللی تورپاغا تاپینماق (پرستش ائتمک) ایله اؤزلرینی داها دا ایلری دوشونن و مدنی بیر موجود کیمی تقدیم ائتمگه چالیشارلار. انسان و انسانلیغا یاناشدیقلاری نظره آلیندیقدا بو ذاتلار ایله اوزدن ایراق حئیوان آراسیندا بیله فرق قویماق اولدوقجا چتین گؤرونر. احمد پناهده ایمضاسی ایله دوشونجه و فیکیرلرینی توپلوما سیریماغا چالیشان شخص "وطن" دئیه عوامفریبلیک ائتدیکدن سونرا فارس اولمایان ائتنیکلره گله جکده ده فارس تمامیتچیلیک و ایستعمارچیلیغی نین غالیب قالماسی اوچون دوشونجه و فیکیرلرینی سرگیلمگه چالیشار، اوخویوروق:

"... در کنار این طیف، طیف دیگری بطور موازی اما با هدف متفاوت، با عملکرد خود نه تنها در بقای رژیم خدمت می کند و اپوزیسیون را ضعیف و از خود می راند، بلکه با دشمنان ایران ِ یکپارچه در چهارچوب ارضی، در جهت بریدن گوشه های تن میهن همکاری می کنند تا در این شرایط بحرانی با چنگال خونینشان از تن ِ زخمی ایران تکه ی جدایی، جدا کنند."[3].

اوسته گؤروندوگو کیمی فارس تمامیتچیلری و ایستعمارچیلاری ایران ممالیکی محروسه سینده کی فارس اولمایان ائتنیکلرین آیدینلارینی دوشمن دئیه قالاراماق ایله ایران ممالیکی محروسه سینده کی میللیتلر مسئله سینه کؤلگه دوشورمگه و ائتنیک مسئله لری عوام انسانلارین دیقتیندن یاییندیرماغا چالیشار. بونلارا باخمایاراق بو شخصلر بو چیرکین داورانیشلاری ایله فارس ایستعمارچیلیغی نین قبیرینی اؤز اللری ایله قازدیقلاری نین دا فرقیندا اولمادیقلارینی سرگیلمیش اولارلار. دئمک، جمهوری ایسلامی حاکیمیتی اؤز آنایاساسیندا میللیتلر و اونلارین مدنیتلری اوزره 1358(1979) اینجی قبول ائتمیش 15 و 19 اونجو اصیللرین فارسلیق آدینا حیاتا کئچمه سینی انگللرکن فارس مدنیت راسیستلری و فارس ایستعمارچیلاری کیمی اله سالماغا و عوام ائتمگه و بیر داها خالق اجتماعیتینی اوزدن ایراق فارسلیق طویله سینده یئمله یه رک توربالاماغا دوشونرلر؟ فارس مدنیت راسیستلری فارس ایستعمارچیلیغینی اؤزلری اوچون میللی کیملیک دئیه قبول ائتدیکلرینه باخمایاراق ایران ممالیکی محروسه سینده کی ائتنیکلرین آیدین کسیملری بیر داها فارس ایستعمارچیلیغینی قبول ائتمز آشاما و مرحله یه اؤزلرینی چاتدیرمیش ساییلارلار. دئمک، میهن و وطن مقوله سی ایستعمارچیلیق آنلاییشی دئییل، انسان اؤزونو ائوینده حیسس ائتمک، آزاد گؤرمک، اؤز دیل و مدنیتینه و یاشاییشینا حاکیم کسیلمک آنلامینا گلمه لیدیر. بو باخیمدان یوزده یئتمیش ایران ممالیکی محروسه سینده کی فارس اولمایان انسانلارین دیل و مدنیتلرینه فارس ایستعمارچیلاری نین قاداغا قویمالاری، یئر آلتی و یئر اوستو قایناقلارینی فارس ایستعمارچیلیغی و تمامیتچیلیگی خیدمتینه آلاراق سؤمورمگه چالیشدیقلاری هئچ ده وطنداشلیق مقوله سی ایله باغلاشاجاق بیر مقوله ساییلماز. دئمک، آذربایجان، کوردوستان، لوریستان، بلوچیستان، الاهواز، تورکمنستان و باشقا بؤلگه لر وطن توپراقلاری دئیه فارس ایستعمارچیلاری نین وطنی دئییل، فارس ایستعمارچیلیغینا تابع توتولموش بؤلگه لر ساییلار. بو بؤلگه لرده باشقا دیل و مدنیتلره صاحیب اولان انسانلار وار. اونلار بو بؤلگه لری اؤزلرینه وطن دئیه قلمه آلارلار. اونون اوچون ده بیرلشمیش دؤلتلر تشکیلاتی نین بشر حاقلاری بیانیه سینه اساساً فارس ایستعمارچیلاری و مدنیت راسیستلری نین آذربایجان، کوردوستان، الاهواز، تورکمنستان، بلوچیستان، لوریستان و باشقا بؤلگه لری اؤزلریبنه وطن دئیه دؤشلرینی تندیره یاپیشدیرمالارینا هئچ ده احتیاج گؤرونمز.احمد پناهنده ایمضاسی ایله یازیلمیش قلمدن گئنه ده اوخویوروق:

"... این طیف از زمان تشکیل ِ " کشور شوراها " و ملت تراشی های مبتذل برای اقوام کشورهای همسایه، در خدمت بیگانه قرار گرفتند. بطوریکه هنوز سربریدنها در سرزمین روسیه و جمهوریهای به اجبار پیوسته به آن بیدا می کرد و خیابانها از خون آغشته بود، لنین در صدد بر آمد که با کمک ایادیش در ایران در جنبش جنگل نفوذ کند و تحت نام " جمهوری سوسیالیستی شوروی گیلان "، گیلان و مازندران را از تن ایران جدا کند. و عجیب اینکه در آن زمان هم با ترفند ملی گرایی می خواستند نیات شومشان را پیاده کنند. اما رضاخانی ظهور کرد و پوزه همه ی آن بی وطنان و خائنین به استقلال در چهار چوب ارضی ایران را به خاک مالید"[4].

اوسته گؤروندوگو کیمی مؤللیف فارس ایستعمارچیلیغینی بیر هدف دئیه دوشونه رک توپلوملاردا هر هانکی انسانی بیر گلیشمه نی بیله اؤزونه سیغدیراجاق دئییل، او بو گلیشمه لری فارس ایستعمارچیلیغینا ترس حئساب ائتدیگی اوچون بو مسئله لری خاریجی عامیللره باغلاماغا چالیشار. دئمک، مؤللیف سؤز قونوسو ائتدیگی مملکت "کشور شوراها" دئییل، روسیه کمونیستلری روسیه چارلیغیندان مستقیل اولموش جمهوریتلری قیزیل اوردونون نیظامی گوجو و باسقیسی واسیطه سی ایله بیر داها ایشغال ائده رک اونلاری "بیرلشیک سوسیالیست جمهوریتلر سؤیئتی (شوراسی)" آدی آلتیندا روسیه ایستعمار چنبره سی آلتینا آلاراق روسیه سؤیئتی منظور اولموش. رضا خان مسئله سینه گلدیکده کئچن یازیلاردا ایشاره اولوندوغو کیمی او فارس میللتچیلرینه اویونجاق اولاراق فارس ایستعمارچیلیغینی یاراتماق[5] اوچون یئرینه گؤره اینگلیس ایستعمارچیلاری و آلمان نازیست حاکیمیتی ایله ایش بیرلیگی ائتمه سینه باخمایاراق ایکینجی دونیا ساواشیندا اینگلیس ایستعمارچیلیغی نین منافعی روسیه ایستعمارچیلیغی ایله اوست اوسته دوشدوگو اوچون ایرانداکی انگلیس افسرلری رضاخانین  بیر ایت کیمی قولاغیندان توتاراق محکمه قارشیسینا چیخارمادان اونو موریس آداسینا گؤندرمگی داها دا انگلیس ایستعمارچیلیق مقصدینه اویقون حئساب ائتمیشلر[6]. احمد پناهنده ایمضاسی ایله یازیلمیش قلمدن گئنه ده اوخویوروق:

"... این بی وطنان همینکه دیدند جنگ جهانی دوم علی رغم اعلام بی طرفی ایران، به داخل خاک ایران کشیده شد از لانه خود بیرون جستند و غائله آذربایجان و کردستان را به کمک استالین آفریدند تا آذربایجان وکردستان این تاج ِ سر ِ ایران را جدا کنند. اما مردم در کنار ارتش دلاور ایران درسی به آنها دادند که هرگز فراموش نمی شود و نخواهد شد"[7].

مسئله فارس حاکیمیتی نین ایکینجی دونیا ساواشیندا اؤزونو طرفسیز اعلام ائتمه سی دئییل، رضا خان حاکیمیتی نین "آریا راسیستلیگی" اوغروندا آلمان نازیستلری ایله ایش بیرلیگی ائتمه سی و بیر لق یومورتا کیمی ایستر روسیه کمونیستلری و ایسترسه ده انگلیس ایستعمارچیلیغی آچیسیندان اؤزونو یاراماز حالا دوشورمه سی ایران ممالیکی محروسه سی نین متفق گوجلر طرفیندن ایشغال اولماسینا یول آچمیش[8]. دئمک، فارس حاکیمیت باشچیلاری اؤز ایستعمارچیلیق مقصدلرینی راسیستلیک بیچیمینده دئییل، یانلیز فارس ایستعمارچیلیغی اساسیندا یولونا قویماغا چالیشسایمیشلار، رضاخان سورگون ائدیلمز، پیشه وری نین تهرانداکی ملت وکیللیگی لغو اولونماز، آذربایجان آیدینی مشروطه دؤنمینده اولدوغو کیمی مستقیل دوشونمه گه زورلانماز، بئله لیکله ده ایراندا قودرت بوشلوغو یارانمایاراق آذربایجان و کوردوستاندا دا میللی مسئله او دؤنمده اورتایا چیخماز ایمیش. رضاخان مأمورلاری نین آذربایجان شهر و کندلرینده خالقا دیوان توتماسی، آذربایجانین یئنی تاخیل و غله سینی فارس ولایتلرینه داشیماسی و تبریزلیلره بیتلی غله نی یئدیرمگه بویوروق وئرمه سی، ایستر ایران ممالیکی محروسه سی نین ایچریسینده عادی انسانلار آراسیندا و ایسترسه ده خاریجده رضا خان حکومتی نین قانونا دایالی بیر حاکیمیت اولمادیغینی آچیق بیچیم و شکیلده اورتایا قویاراق قودرت بوشلوغونا یول آچمیش بیر مسئله ساییلیرمیش. رضاخانین یئرینه هر هانکی ساتقین بیر مهره تاپیلمادیغی، حتی رضا خانا دوشمن دئیه قاجار شاهلیغیندان اولان محمد حسن میرزا بیله اینگلیسلرین ایستگینه اساساً ایران ممالیکی محروسه سینه شاهلیق ائتمگه حاضیر اولمادیغی اوچون بیر داها محمدعلی فروغی انگلیسلره یالواراراق رضاخانین اوغلو، محمدرضانی شاه ائتدیرمکله فارس ایستعمارچیلیغی نی توتولدوغو مهلکه دن قورتارابیلمیش[9]. دئمک، آذربایجان آیدینی نین بیر بؤلومونون میللی مسئله نی درک ائتمه سی فارس ایستعمارچیلیغینا قارشی قویماق اوچون یئترلی دئییل ایمیش. بو مسئله ده باشاریقلی اولماق اوچون بوتون خالق سفربر اولمالی، خالق آراسیندا سیاسی مدنی ایش قویماق، خالقی اؤز میللی منافعینه باشا سالماق داها دا اؤنملی مسئله لردن ساییلارمیش. گونئی آذربایجان اوزره روسیه سؤیئتی ایله غرب دؤلتلری آراسیندا سویوق ساواشین باشلانماسی گونئی آذربایجان میللی حکومتی نی فارس حاکیمیت باسقیسی قارشیسیندا قویاراق تهراندا سید جفعر پیشه وری ایله مظفر فیروز آراسیندا 10 ماده لی آنلاشماغا قول چکمک آذربایجان میللی حکومتی نین یئنیلمه سی و شکستینی ایمضالاماق آنلامینا گلیرمیش دئیه دوشونمه لی ییک. بوگون فارس راسیستلیگی نین خالق اجتماعیتینی تحمیق ائتمه سینی (آذربایجان آزاد اولموش دئیه)  بیر قهرمانلیق کیمی قلمه آلماق اؤزو ده عوامفریبلیک ساییلار. فارس ایستعمارچیلاری و مدنیت راسیستلری نین ده ایسته گی بو دوغرولتودادیر. احمد پناهنده ایمضاسی ایله یازیلمیش قلمدن گئنه ده اوخویوروق:

"... امروز هم که ناقوس ناتوانی و فروپاشی حکومت اسلامی در ازدحام بحرانهای داخلی و خارجی به صدا در آمده است و خطر یک جنگ خارجی روی سر ایران در پرواز است، بار دیگر این جرثومه های بیگانه خوی و ضد میهنی با زوزه های گوشخراش، از حق تعیین سرنوشت، فدرالیسم، ملل ایران و حقوق سیاسی اقوام که همه ی این خزعبلات نام دیگر جدا کردن گوشه های ایران است، " ژگله "* می کشند"[10].

اوسته گؤروندوگو کیمی ایران ممالیکی محروسه سینده کی ائتنیکلرین هر هانسی بیر انسان بیچیمینده یاشاما حاقلاری فارس مدنیت راسیستلرینی داها دا راحاتسیز ائدر. بو شخصلر اوچون فارس مدنیت راسیستلیگی و بو ممالیکی محروسه ده کی انسانلارین فارسلیق باتلاغیندا بیر میللی کیملیک اولاراق یوخا چیخمالاری هر هانکی انسانی مسئله دن داها دا اوستون ساییلارمیش. یئری گلمیشکن سوروشولمالیدیر: - گیلک دیلینده اولان "ژگله" سؤزونو بیر خاریجی ایفاده کیمی آچیقلاماق یئرینه او کلمه نی اؤزونو ایران ممالیکی محروسه سی نین وطنداش آدلاندیران هر هانکی بیر شخصین بیلمه سی و بو دیل و مدنیت صاحابلارینا اؤز دیل و مدنیتلرینی قورماق حاققینی تانیماسی داها انسانی یاناشما ساییلماز می؟ گؤروندوگو کیمی بونلارین آنلاق و شعورلاری یالنیز فارس مدنیت راسیستلیگی و ایستعمارچیلیغینی قوروماغا اساسلانار. احمد پناهنده ایمضاسی ایله یازیلمیش قلمدن گئنه ده اوخویوروق:

"...  اما نمی اندیشند و یا به دلیل چرکین بودن مغز نمی توانند زلال فکر کنند که همین کشور ایران حداقل از 2500 سال به این سو با همین ترکیب فعلی باضافه اقوام دیگری که به زور و یا بی لیاقتی حاکمان ِ وقت، از تن ایران جدا کردند، در کنار هم در صلح و آرامش زندگی می کردند"[11].
اوسته گؤروندوگو کیمی فارس مدنیت راسیستلیگینه قاپیلمیش ذات اؤزونو دورو دوشونجه لی (زلال فکر) حئساب ائده رک کئچمیش مین ایلده تورک و مغوللارین بو ممالیکی محروسه یه حاکیم اولدوقلارینی درک ائتمکدن عاجیزلیک چکر. بودور فارس مدنیت راسیستلری نین اؤزلرینی خیالی "آریا" عیرقینا منسوب ائتدیکلری نین سونوچ و نتیجه سی! اونلار بؤیوک خیاللارا قاپیلدیقجا داها دا سارساقلار، گونلوک و گونجل (اکتوآل) مسئله لری درک ائتمکدن داها دا عاجیزلیک چکرلر. احمد پناهنده ایمضاسی ایله یازیلمیش قلمدن گئنه ده اوخویوروق:

"... کافی است تراوشات ذهن بیمارگونه اینگونه افراد را در این چند ماهه اینجا و آنجا مورد ارزیابی قرار دهیم. " شوینسم فارس " مثل نقل و نبات در دهانشان جویده می شود. مثل اینکه فارس ها ارث پدرشان را خوردند که از بامداد تا شباهنگام هر چه فحش و ناسزا است به فارس زبانها می دهند. گویی دشمن بزرگ ایران و ایرانی فراموش شده است و امروز حق ناداشته خود را از اپوزیسیونی طلب می کنند که خود خونین بال و زخمی پیکر است و در یک کارزار سراسری با حکومت اسلامی درگیر است"[12].

اوسته گؤروندوگو کیمی حق مسئله سینه گلدیکده فارس مدنیت راسیستلری و ایستعمار قووه لری ایران ممالیکی محروسه سینده کی فارس اولمایان ائتنیکلری تماماً حاقسیز، آنجاق فارس مدنیت راسیستلیگی و ایستعمارچیلیغینا قویروق اولماق سؤز قونوسو اولدوقدا کاملاً "ایرانی و هم رزم سراسری" دئیه قلمه آلارلار. فارس مدنیت راسیستلری نین بو یاناشمالاری اونلاری داها راحات باشا دوشمک اوچون هئچ بیر قوشقو و شک یئری بوراخاجاق دئییل، هر شئی اولدوقجا آیدین و آچیق اورتادادیر. بو آرادا حاکیمیتچیلیک آچیسیندان فارس دئموکرات اوپوزسیونو دئیه اونلاردان پای اومان ذاتلار اؤز عاقیللارینی باشلارینا توپلامالی و بیر داها فارس عوامفریبلرینه، ایستر هر هانسی بیر بیچیم و شکیلده اولسون، داها اینامایاراق اؤز میللتلری نین خوشبختلیگی و سعادتینی هر هانسی گؤز بویاما و آلداتیجی سؤزلر ایله دگیشیک سالماغا ایمکان یاراتمامالیدیرلار. احمد پناهنده ایمضاسی ایله فئدرالیستلر آدرئسینه یازیلمیش مقامدان اوخویوروق:

" سراسر موجودیت و فعالیتشان در همان برکه ی قومی ِ خویش است و قصد ندارند به دریای ایران بپوندند و در کارزار سراسری شرکت کنند. دانشجویان، زنان، معلمین، کارگران و سایر اقشار ملت بزرگ ایران در تکاپو هستند تا جمهوری اسلامی را از قدرت خلع کنند اما این طیف به جای پیوستن به مبارزه سراسری در فکر جدا شدن از ایران است. و چه بیهوده تلاش می کنند که به عمل ِ ضد استقلال خود در چهارچوب ارضی ایران، پیراهن یکپارچگی ایران بپوشانند و بر این باورند که ما این خزعبلاتشان را باور کنیم. اما باید به اینها پیام داد که اگر حسن نیتی دارند و برای چهارچوب ارضی ایران دل می سوزانند بدون اما و اگر بایستی به جنبش سراسری بپوندند و به عنوان " شهروند ایران نه شهروند قوم " از حقوق شهروندی برخوردار شوند"[13].

اوسته احمد پناهنده ایشاره ائتدیگی "اقشار ملت بزرگ ایران" مقوله سی فارس مدنیت راسیستلری نین آنلاییشینا گؤره ایران ممالیکی محروسه سی نین یوزده یئتمیش اهالیسی نین نفوس سایینی اولوشدوران "غیر فارس میللیتلر" ساییلمامالیدیر. بو سؤز قونوسو اولان میللیتلر ده آدی چکیلن سیاسی ایران ملتی نی اولوشدوران توپلومدان ساییلارسا، فارس مدنیت راسیستلری نین هپه روت عالمینده دولاشدیقلاری اورتایا چیخمیش اولار. بیلیندیگی کیمی هپه روت عالمینده دوشونجه و فیکیر یئریتمک ده خیالات ایله سونوچلار. دئمک، ایران ممالیکی محروسه سینده کی میللیتلر مسئله سی تک ائتنیکلی مملکتلرده کی وطنداشلیق (شهروندلیک) مقوله سینه محدودلاشاجاقق دئییل، میللی، سیاسی و مدنی حقوق برابریلیگی بوتون میللیتلر اوچون اساس گؤتورولمه لیدیر دئیه دوشونمک لازیم، ترس دورمدا ائولی ائوینه!!. احمد پناهنده ایمضاسی ایله یازان مؤللیف داریوش همایون[14] کیمی دوشونجه و فیکیر یئریتمگه چالیشاراق یازیر:
"و در پایان برای ثبت در تاریخ می نویسم که اگر قرار باشد گوشه هایی از ایران، جراحی شود تا به " آزادی و دموکراسی " برسیم، این قلم چنین آزادی و دموکراسی را به پشیزی قدر نمی شناسد. گواه این اعتقادم این است که 31 سال جان وجهانم را در این غربت گذاشتم و ذره ذره آب شدم تا ایران بر جا و بر پا بماند نه اینکه هرکس و ناکس، کرکس وار چنگال خونین خودشان را در تن زخمی ایران فرو ببرند و از آن تکه جدایی، جدا کنند"[15].

اوسته گؤروندوگو کیمی حاکیمیتچیلبک آچیسیندان فارس اوپوزیسیونون مسئله سی "آزادلیق، دئموکراسی و بشر حاقلاری" مقوله سینی ایچره جک مقوله ساییلماز. اونلار "آزادلیق، دئمکراسی و بشر حاقلاری" مقوله سینی طرح ائتدیکده بو مسئله نی "فارس محورلی و فارس دیل و مدنیتی" اساسیندا اورتایا قویماغا چالیشارلار، تر س دورومدا "زنده باد حاکیمیت استبداد فارس بر سرزمین ایستعمار زده فارس"!!!

اوسته گؤروندوگو کیمی انسان حاقلاری جهانشمول اولماسینا باخمایاراق ایستعمارچی قووه لر ایله  ایستعمارچیلیغا تابع توتولموش میللیتلرین آزادلیق و بشر حاقلاری مقوله سی ده بیر بیرلری ایله اوست اوسته دوشه جک دئییل. قاراچی دئمیش: بوتون الکلر بیر دئییل، گؤزونون کیچیک و بؤیوکلوگونو نظره آلارساق، الک وار، الک وار!!

قایناقلار:

---

[1]           فارس مدنیت راسیستلری نین کتاب یاندیرما مسئله لری اوزره باخ: ایشیق سؤنمز، نورالدین نجفی مرعشی غروی و علی حصوری نین گؤروشلرینه باخیش:

http://www.webng.com/yasayis032/Dicital-Kitab-Evi/4309.doc

[2]           احمد پناهنده، ملت سازان چه می گویند، جنبش آذربایجان برای یکپارچگی ایران (راسیستهای مدنیت فارس برای یکپارچگی ایران): http://www.iranazar.net/index.php?option=com_content&view=article&id=2889:2010-04-14-09-53-15&catid=39:2009-05-19-19-18-10&Itemid=65

[3]           باخ احمد پناهنده، اورادا.

[4]           باخ احمد پناهنده، اورادا.

[5]           ایشیق سؤنمز، آذربایجان مشروطه حرکاتی نین یئنیلمه سی نین سونوچ و نتیجه سی اولاراق فارس ایستعمارچیلیغینا گئدن یول: http://www.azadtribun.net/-74.htm

[6] ایشیق سؤنمز، فارس مدنیت راسیستلری نین "آرامگاه" حئکایه لری: http://www.azadtribun.net/x18881.htm

[7]           احمد پناهنده، اورادا.

[8]           رضا خان: "اگر خبر نگار آلمانی از من (رضا خان) در مورد بقایای فرهنگی آریایی بپرسد، گویم رضا شاه را با کوروش مقایسه می کنند (نقل به مضمون) باخ. مجله کاوه انتشار از طرف رادیو تلویزیون ملی ایران، مونیخ، تاریخ انتشار 2535 شاهنشاهی (ویژه نامه 2500 ساله شاهنشاهی ایران).

[9]           داها آرتیق بیلگی اوچون باخ. دیب یازی 5.

[10]          احمد پناهنده، اورادا.

[11]          احمد پناهنده، اورادا.

[12]          احمد پناهنده، اورادا.

[13]          احمد پناهنده، اورادا.

[14]          داریوش همایون اوزره باخ: ایشیق سؤنمز، فارس نئوفاشیستلری و داریوش همایون: http://www.achiq.org/yazi/sonmez%20fars.htm

[15]          احمد پناهنده، اورادا.

ایشیق سؤنمز، 15.04.2010