آمستردام دیالوق توپلانتیسینین قادین لار حقینده  بیلدیریشی!


1945نجی ایلده گونئی آذربایجان میللی حوکومتی قورولاندا بیرینجی دفعه اولاراق قادینلاریمیز کیشیلرله برابر حوقوقا صاحیب اولموشلار و بویوک مقاملارا ال چاتیب، سیاسی موباریزه ده اؤز تشکیلاتلاری ایله ایشتیراک ائتمیشلر. تأسفله خاریجی اؤلکه لرین یاردیمی و فارس فاشیزمی نین هوجومی ایله آذربایجان میللی حوکومتی بیر ایلدن آرتیق دوام گتیرمدی و الده ائدیلن بوتون میللی نائلییتلر آرادان قالدیریلدی. پهلوی رژیمی نین حاکیمییتی ایللرینده آذربایجان تورک  قادینی داها دا اؤز سوسیال یئرینی ایتیردی.

فاشیست اسلام رژیمی نین قورولماسی ایله قادین حقلری داها آرتیق آرادان آپاریلدی. بیر سیرا اورتا عصرین ارتجاعی قانونلاری قادینلارین یاشامینا کؤلگه سالدی. آنجاق بونا باخمایاراق گونئی آذربایجان تورک قادینی آیاقدان دوشمه ییب، حبسدن و اؤلومدن قورخماییر و بوگونکی اؤزگورلوک موباریزه سینده شیرکت ائدیر.

مرکزی پان ایرانیست رژیمی نین طرفیندن میللی ظولمه معروض قالان قادینلارین عینی زماندا پاتریالکال ظولملردن ده قورتولولمالاری گرکیر.

 گنل اولاراق ایران اسلام  جومهورییتینین آنا یاساسی  آچیقجاسینا جینسی آپارتایدا رسمیت وقانونیت وئریب دیر. جينسى آپارتايد و قادينلارين  تحقيرائديلمه سى ایران اسلام جومهوریيتی نین دونيا گؤروشونون تملی دیر.  بونونلا بیرلیکده تورک وآذربایجانلی قادینلار ملی هویتلرینه گؤره ایکی قات داها ظولمه و شیددته معروض قالیب و توپلومدا دؤردونجو درجه وطنداش حساب اولورلار.  

آمستردام دیالوق توپلانتیسی آشاغیداکی پرنسیب لره دایانماقدادیر:

- قادینلارین علئیهینه اولان بوتون یازی لی و شفاهی قانونلارین قالدیریلماسی گرکیر. بو قانونلار  توپلومون بوتون ساحه لرینده اؤز عکسلرینی تاپمالیلار.

-قادین کیشی برابرلیغی توپلومون بوتون ساحه لرینده قانونی لشمه لیدیر .

-آذربایجان تورک قادینلاری اؤزمستقیل  تشکیلاتلارینی قورماق حقینه مالیک اولمالی لار.

-آذربایجان تورک قادینلارینین  توپلومون بوتون ساحه لرینده آکتیو و قراروئریجی بیر شکیلده قاتیلمالاری دستکلنمه لی دیر.

- آذربایجان تورک قادینلارینین اؤز میللی کیملیکلرینی قورویاراق یورد ایچی و یورد دیشی تشکیلاتلارلا ایش بیرلییی ائتمه لری دستکلنمه لی دیر.

- یورد ایچینده و  اولوسلارآراسی ساحه ده آذربایجانلی تورک اجتماعی- سیاسی فعال، صنعتچی ، یازار ......قادینلار تانیتیلمالی و اونلارین معروض قالدیغی ائشیتسیزلیکلر افشا اولونمالی دیر.

 

یاشاسین آذربایجان

یاشاسین آذربایجان تورک قادینلاری

آمستردام

21 آذر 1388/ 12 دکابر2009

 

 

 

Amesterdam Dialoq Toplantısının Qadınlar haqqında bildirişi!


1945-ci ildə Güney Azərbaycan Milli Hüküməti qurulanda, birinci dəfə olaraq qadınlarımız kişilərlə bərabər huquqa sahib olmuşlar və böyük məqamlara əl çatıb, siyasi mübarizədə öz təşkilatları ilə iştirak etmishlər. Təəssüf ki xarici ölkələrin yardımı və fars faşizminin hücumilə Azərbaycan Milli Hüküməti bir ildən artıq dəvam gətirmədi və əldə edilən bütün milli nailiyyətlər aradan qaldırıldı. Pəhləvi rejiminin hakimiyyət illərində Azərbaycan Türk qadını daha da öz sosial yerini itirdi.

Faşist İslam rejiminin qurulmasilə qadın haqqları daha artıq aradan aparıldı. Bir sıra orta əsrin irticai qanunları qadınların yaşamına kölgə saldı. Ancaq , buna baxmayaraq Güney Azərbaycan türk qadını ayaqdan düşməyib, həbsdən və ölümdən qorxmayır və bugünki özgürlük mübarizəsində şirket edir.

Mərkəzi pan-iranist rejimin tərəfindən milli zülmə məruz qalan qadınların aynı zamanda patrialkal zülmlərdən de qurtulmaları gərəkir.

Gənəl olaraq İran İslam cümhuriyyətinin anayasasında açıqcasına cinsi apartayda rəsmiyyət və qanuniyyət verilir. Cinsi apartayd və qadınların təhqir edilməsi İran İslam cumhuriyyetinin dünya görüşünün təməlidir. Bununla birlikdə Türk qadınları milli kimliklərinə görə iki qat daha artıq zülmə və şiddətə məruz qalıb və toplumda 4-cü derece vətəndaş hesab olurlar.

 

 Amesterdam Dialog Toplantısı Aşağıdakı  Prənsiplərə Dayanmaqdadır:


- Qadınların əleyhinə olan bütün yazılı və şəfahi qanunların qaldırılması gərəkir. Bu qanunlar toplumun  bütün sahələrində öz əkslərini tapmalılar. 
- Qadın-kişi bərabərliyi toplumun bütün sahələrində  qanuniləşməlidir. 
- Azərbaycan türk qadınları öz
 müsteqil təşkilatlarını qurmaq haqqına malik olmalılar.

-Azerbaycan türk qadınlarının toplumun bütün sahələrində aktiv və qərar verici bir şəkildə qatılmaları dəstəklənməlidir.
- Azərbaycan türk qadınlarının öz milli kimliklərini qoruyaraq yurd içi və yurd dışı təşkilatlarla iş birliyi
etmələri dəstəklənməlidir.
- Yurd içində və uluslararası sahədə Azərbaycanlı türk ictimai-siyasi fəal, sənətçi, yazar vb.qadınlar tanıtılmalı, məruz qaldıqları eşitsizliklər ifşa olunmalıdır.


Yaşasın Azərabaycan!

Yaşasın Azərbaycan türk qadınları.
Amsterdam

21 Azər 1388/12 dekabr 2009/