Durna سايتيندان
دوکتور
حسين
سلطاني،آذربايجانلي
بيلي يوردلولار
توپلومو( Azbiltop )نون باش
دبيري،
گونش
درگی سي ايله
اؤزل
دانيشيقدا:
گونش:
سايين دوکتور
سلطاني
جنابلاري
واقتينيزي
بيزه
وئرديگينيزه
گؤره اؤز
ميندارليغيميزي
بيلديريب،
کئچن گونلرده
آذربايجان باش
وئرن حاديثه
لر حاقدا
نظرلرينيزي
بيلديرسينيز.
سلطاني
: منده
سيزين گونش
درگي سينده
چکديگينيز
زحمتلره گؤره
اؤز
مينتدارليغيمي
بيلديريرم.
منجه کئچن
گونلرده
آذربايجاندا
اوز وئرن
اولايلار،
يالنيز بير
کاريکاتورا
قارشي اتفاق
دئييل دير.
دئمک 90 ايله
ياخين
آذربايجان
ميلتينين دوغال
و اينساني
حاقلاري
تاپدالانيب،
هويتي تحقير
اولوب و
چئشيدلي
تبعيضلر
مرکزي
حؤکومتلر
طرفيندن بيزه
اعمال
اولونوبدور.
بئله نچي ظولم
لر بير آغير
دردکيمي
آذربايجان
ميلتينين
اوريين کؤوره
دليب و
اينديسه بير
کاريکاتور
بهانه سي ايله
بو يارا
دئشيلير. بو
بير بهانه ايدي
تا ميلت
آذربايجانين
باشا ـ
باشيندا اؤز حاقلاريني
ايستمک اوچون
خياوانلارا
چيخيب و مدني
شکيلده
اعتيراضلاريني
دؤولتين سياست
لرينه اعلان
ائتسين لر.
گونش:
بو حاديثه
لرده
ميلتيميزين
گوجونون بير
سيراسيني
گؤرديک. سيزجه
بو گوجدن
ميلتيميزين
آيدين گله جگي
اوچون نئجه
ايستفاده
ائتمک اولار؟
سلطاني:
مملکتين
سياسي
باخيمدان
سکوتدا
اولدوغو حالدا،
ميلتيميزين
بئله¬نچي
گوجلو
اعتراضلاري
اؤلکه ني
تيترتدي و
گؤستردي كي
آذربايجان ميلتي
اؤز هويت و
وارليغيني
قوروماق
اوچون حاضيردير
جانيندا دا
کئچسين. دئمک
بو گوج دوشمنلري
بتر وحشته
سالدي. منجه
بو پتانسيل و
گوج ميلي حرکتين
گله جکده
موفقيته
اوغراماسي
اوچون چوخ
اؤنملي دير و
چاليشقانلارا
بورجدور بو
گوجلري دوز
يولا هيدايت
ائتسينلر و
هابئله بوتون
سوء
ايستيفاده
ائدنلرين
قاباق
آلسينلار.
گونش:
ميلت بو
آکسيالاردا
چوخلو ايستک
لري وار ايدي.
آنجاق تورک
ديلي رسمي
اولسون و
آذربايجان
تورکجه سي
اوچون
فرهنگستان
قورولماق و 24
ساعات ليق
راديو و
تلويزيون
ميليتين أن
اؤنملي ايستک
لريندن ايدي.
سيزجه
اينديسه بو
ايستک لري
يئرينه
يئتيرمک
اوچون نه
ايشلر گرکلي دير؟
سلطاني
: بو ايستکلر
ميلتين
ايستکلرينين
أن آزيدير.
دئمه لي يم
بونلاردان
اؤنجه گرکلي
دير اؤلکه ده
بير فرهنگي
اينقيلاب
يارانسين تا
بو اساسدا
ايراندا
ياشايان
ميلليت لره
گؤره بوتون
فرهنگي
تحقيرلر و
تبعيض لر آرادان
گؤتورولسون.
اير بو فضا
مملکتده
يارانيرسا او
بيري
ايستکلري
آلماق اوچون
آتديم آتماق
اولار. ايشاره
ائتديگنيز
ايستکلري
يئرينه يئتيرمک
اوچون بيز
بوتون
قونولاردا
چاليشمالي
ييق، طبيعي
دير کي بو
يولون چتين
ليکلري ده چوخ
اولاجاق.
کئچميشدن
داها گوجلو
اؤز وارليغيميزي
دوشونمك
اوچون
ميلتيميزه و
گنج ليگيميزه
آييقليق
وئرمه لي ييك.
باشقا بير
طرفدن حاکميت
ايله ايستک
لري الده
ائتمک اوچون
دانيشيغا
گيريب و
اونلاري بو
ايستکلره
بويون ايمه يه
مجبور ائتمه
لي ييک. مجلس
ده اولان ميلت
وکيل لري ايله
آناياسا دا
تأکيد اولان "
برابرليک" و
"اينسانا
سايغي بسله
مک" سؤزلري
اساسيندا
دانيشيغا
گيرمه لي ييک
و اونلاري اؤز
مووککيللري
نين ايسته
ديکلري يولدا
چاليشماغا مجبور
ائتمه لي ييك.
گونش:
"مجمع
دانشگاهيان
اذربايجاني"
يا خود "آذربايجانلي
بيلي
يوردلولار
توپلومو"( Azbiltop) بير
تشکيلات
اولاراق
بوينوندا
چوخلو گؤروي واردير
و هابئله
ميلتين بو
تشکيلات دان
انتظاري چوخ
دير. بو
تشکيلات
ميلتيمزين
ايستک لرين
يئرينه
يئتيرمک
اوچون نه
ايشلر گؤروب و
گله جک اوچون
نه برنامه لري
واردير؟
سلطاني
: توپلومدا
چاليشان
يولداشلاريميز
حرکتين باشقا
فعال لاري
کيمي
ميلتيميزين
يولوندا چاليشماغي
اؤزلرينه
بورج بيليرلر.
دئمک کئچميشده
گنج لريميزي و
کوتله ني ميلي
وارليغيميزلا
تانيش ائتمه
ني ايلک آتديم
لاردان بيليب،
بو يولدا داها
آرتيق آتديق.
يئني يارانان
فضا گؤستردي
کي ميلت داها
اويانيب و
بيزلر باشقا
ايشلر گؤرمه
لي ييک. بو
اساسدا
ميلتين ايستکلري
نين دالين
توتماق و
اونلاري
يئرينه چاتديرماق
بوتون گنج لر
و نخبه
لريميزين
گؤروي دير.
ائله بونا
گؤره ده
توپلوم بير
تشکيلات کيمي
ميلت وکيل لري
ايله دانيشيق
آپارماني
اينديكي
دورومدا
ضرورت بيليب،
بو ايشين
آردين توتدو و
آذربايجان
ميلتينين
ايستکلريني
اونلارا
چاتديردي و
هابئله منطقه
ميزده
يارانان قيزغين
شراييطين
خشونت له يوخ،
تدبيرله
ياناشماسيني
اونلارا
چاتديردي.
اونلارا اؤنر
وئريلدي کي
آذربايجان
ميلي
چاليشقانلاري
ايله ميلت
وکيل لري
بيرگه بير
کوميته
ياراتسينلار تا
بو اساسدا
ميلتين
ايستکلري نين
جيدي شکيلده
دالين
توتسونلار.
گونش:
کئچن گونلرده
مجلس وکيل لري
و جمهور باشقاني
معاوني ايله
گؤروشلرده
توپلومون
داورانشينا
بير سيرا
انتقادلار
وار ايدي.
انتقادلاردا
دئييليردي كي
توپلوم بو
دانيشيقلاردا
ميلتين
ايستگيني
اونلارين
قولاقلارينا
دوزگون
چاتديرماييب
و اونلارلا
ضعف موضع ده
دانيشيغا
گيررک، چوخ
يوموشاق داورانيب.
لوطفاً بو
باره ده ايضاح
وئرسينيز.
سلطاني
: ميلت وکيل
لري ايله
دانيشيقدا
کميته نين يارانماسي
مطرح اولدو و
ايستکلرين
دالي توتولماسي
بو کميته نين
تشکيل
تاپماسيندان
سونرايا
موکول اولدو.
او گؤروشده
دئمک چوخلو بو
اولايين
يارانيش
ندنلرينه
ايشاره اولدو و
بيرده بيز اؤز
ايستک
لريميزي کي
بير بيانيه قاليبينده
يايميشديق،
اونلارادا
چاتديرديق(تحليل
مجمع
دانشگاهيان
آذربايجاني
از شرايط فعلي
آذربايجان).
دئمه لي ييم
بونا گؤره کي
دوستلاريميز
حرکتده کئچن
ايتفاقلاري
ديقت له ايزله
ييرلر
مينتدارام،
يقين
دوستلارين
نظرلري بيزي
يولوموزدا
داها گوجلو
اولماغا
آرتيق ماراقلانديرير.
نئجه کي
کئچميشده ده
بئله نچي
موضوع
دوستلارين
طرفيندن مطرح
اولوب و بيزده
چاليشميشيق
ايمکاني
اولدوغو قدر
اونلارين
نظرلريندن
فايدالاناق.
آنجاق بير
نوکته ني
نظرده آلمالييق،
اينتيقادلار
اصلاح
اساسيندا اولمالي
دير و ايجازه
وئرمه يک
دوشمنلريميز
بو موضوعدان
سوء
ايستيفاده
ائدرک،
حرکتده ايختيلاف
تؤرتسينلر.
دوستلارا
ايطمينانلا
دئمه لي يم كي
بو گؤروشلر
يقين
ميلتيميز
اوچون دور و
هئچ جوره
موعاميله
بورادا
يوخدور. حتي
بير سيرا
دوستلار
بيزدن ايسته
ميشديلر تا بو
شراييط دن
يارارلاناراق
توپلوم نهايي
موجويزي حاقدا
دانيشيق
آپاراق، كي
بيز بو
دورومدا بو
ايشي يئرلي
گؤرمه ديك.
هر
حالدا
دوستلارين
بير سيرا
اينتيقادلار
بو باره ده
يئرلي دير.
آنجاق
اوراداکي
دانيشيقلار
چوخدا سيز
مطرح
ائتديگينيز
کيمي
دئييلدي،
شايد
شراييطين
تئله سيک اولدوغو
اوچون خبر چوخ
کاميل
يازيلما ييب
دير. اورادا
دئمک شهيدلري
وحشيجه سينه
اؤلدورنلرين
و اؤز باشينا
ميلي
چاليشقانلاري
توتانلارلا
جيدي برخورد
ائتمه گه چوخ
تأکيد
اولوندو کي
خبرده ياخشي
ياييلماييب.
آنجاق بير
داها تأکيد
ائتمه لي يم
کي اورادا چوخ
کميته نين
يارانماسينا
تأکيد اولدو و
چوخ حاديثه
لرين ندنيندن
سؤز آچيلدي و
ايستک لر ندير
کميته
ياراناندان
سونرايا
ساخلانيليب
دير.
گونش:
ايمکاني
اولسا بو
کميته حاقدا
آرتيق آچيقلاياسيز.
بير سيرالار
دئييرلر گرک
بوتون چئوره
لر بو کميته
ده اولسون و
توپلوم تکجه
سينه بو
دانيشقا
گيرمه سين. بو
کميته قراردي
نه جور اولسون
و اورادا کيم
لر
اولاجاقدير.
سلطاني
: دقيقاً بو
کوميته ده
بوتون
چاليشقانلارين
و فيکيرلرين
نوماينده لري
نين اولماسي
گرکلي دير.
آنجاق اورادا
قرار اولدو
بيزلر
چاليشاق بوتون
شهرلرده
اولان
چاليشقانلارين
نظرلرين آليب
و هامينين
طرفيندن
سئچيلميش
شخصلري کوميته
يه معرفي ائدک.
گونش:
تأسوفله
حاکميت بو
آکسييالاردا
ميلتين
ساويني
دوشونوب و
اونلارين
يئرينه
يئتيرمه يين
ترسينه،
چوخللاريني
ياخالاييب و
دوستاق لارا
ساليب دير.
بوباره ده سيز
نئجه
دوشونورسينيز
و بو ايشلره
سون قويماق اوچون
نه ايشلر
گؤرمک اولار؟
سلطاني
: بئله نجی
ايشلر بير
ايشتيباه
سياست دير کی
کئچميشده کی
دؤولت لريندن
طرفيندن ده دفعه
لرجه تيکرار
اولوب، آنجاق
بئله برخورد اينديکی
دؤولت کی
"عدالت و
برابر" ليگی اؤزونه
شعار سئچيب،
بعيد ساييلان
بير سياست
دير. بو سياست
لر موشکيلاتی
حل ائتمك اساسدا
دئييل، بلکه
ظاهيرده و
مقطعی اولاراق
مسئله نين
اوزون سيلمک
دئمک دير.
يقين بو سياست
لر اوزون
مودتده جاواب
وئرمه يه جک. نييه
کی آذربايجان
ميلتی هميشه
ظولمون قاباغيندا
دايانيب و
داياناجاق. بو
آرادا دؤولت
ميلتين ايستک
لرينی
دوشونوب و اونلارا
باش ايمه
لیدير.
گونش:کئچميش
گونلرده
اينترنت
دوشرگه لرينده
بير سيرا
يازيلاردا
بير
سناريودان
سؤز آچيليب و
آذربايجان
ميلي حرکتي
نين چئشيدلي
يول لارلا
قاباغيني
آلماق
دويولور. بو
باره ده آذبيلتوپ
نه ايشلر گؤروب
دير و نه
ايشلري بو
باره ده گرک
گؤرور؟
سلطاني
: آذربايجاندا
اولان
اولايلاردا
دؤولتين توتدوغو
سياست
گؤستريرکی کی
بير داها کئچميشده
كي ايشتيباه
لار تيکرار
اولور. خشونت
له برخورد
ائتمک له مدنی
اعتيراضلار خشونته
چکيلير. بو
باره ده بيز
آييق اولمالي
ييق و هر جوره
بهانه
وئرمکدن
چکينمه لی ييک.
مدنی اعتراض
لاريميزی
مختليف
يوللارلا
دونيايا و
مسئوللارا
چاتديرماق
گرکلی دير.
آنجاق
ميلتيميزين
اموالين
تخريب ائتمک ياخشی
بير شيوه اولا
بيلمز. اولا
بيلر بير سيرا
سوء
ايستيفاده
ائدنلر و
نوفوذي لر بو
ايشلرين
باشلييانی
اولسونلار.
گونش:آذبيلتوپ
سون بيلديريش
ينده "منفي
موباريزه" دن
سؤز آچيب دير.
بو باره ده
آرتيق ايضاح
وئررک، بو
دوشونجه ني
يئرينه
سالماغا نه ايشلر
گؤرونوب و نه
ايشلر
گؤرونمه سيني
گرکلي اولدوغون
بويوراسينيز؟
سلطاني
: آذربايجانلی
بيلی
يوردلولار
توپلومو عين حالداکی
ناحاقجاسينا
تؤکولن
قانلارين عاميللري
نين محاکيمه
سينه تأکيد
ائدير، مدنی
اعتيراضلاری
ميلی حرکتين
نفعينه گؤرور.
بو باره ده
اؤز اعتراض
لاريميزی
يئنی يوللارلا
دئمه لی ييک.
منفی
موباريزه ده
بو يوللارين
بيردير.
گونش:
سيزين و
آذبيلتوپون چکديگی
زحمت لردن اؤز
مينتدارليغيميزي
بيلديريب و
بيرداها بيزه
وئرديگينيز
واقت دان چوخ
تشکور
ائديريک.
اگرسه سون
سؤزونوز وارسا
بويوروز.
سلطاني
: منده سيز
لردن تشکور
ائديرم. آرزی
ائديرم
هاميميز بيرليگيميزی
قورويوب و تام
گوجله ايشلره
داوام
ائدرکن،
ميلتيميزين
سعادتين تأمين
ائدک