رحمتلي اوستاد فرزانه نين عاييله سيندن آلديغيميز سون خبرلره گؤره اوستاد فرزانه نين ياس تؤرني آشاغيدا قيد ائتديگيميز کيمی کئچيريله جک.

سه شنبه بهمن آیی نین 18-جی گونو سحر ساعات 7:30دا تبریزین هاوا آلانیندا اوستادین قوتسال جنازهسی قارشیلاناجاق،همین گون ساعات 10دا تبریزین وادی رحمت قبریستانلیغیندا جنازه تشییع اولوناندان سونراقبریستانین صنعتکارلار پارچاسایندا (قطعه هنرمندان)باسدیریلاجاق. شام غریبان تؤرنی ساعات 5:30-3 طوبائیه مسجیدینده کئچیریله جک و چرشنبه گونو بهمن آیینین 19ندا ائل گؤلو جادّهسینده یئر توتان امام رضا مسجیدینده ساعات 12:30-10ترحیم مجلیسی کئچیریلهجک.

قئید ائتمهلیییک کی بو گون تبریز شهرینده بو تؤرنه عایید چئشیدلی یئرلردن اعلامیهلر وئریلیب کی او جوملهدن اؤز عاییلهسی طرفیندن ، آموزشگاه موسیقی آذربایجان، آذربایجان مدنیت اوجاغی، دیلماج درگیسی، قلم آدینا آذربایجان شوناسلیق مرکزی(آپاق)، ائلدار یایین ائوی،دؤکتور زهتابینین اثرلرینین نشر بونیادی، آذربایجان بیلی یوردلار توپلومو ، آذربایجان سئورلر گروپو (آ.ا.گ)و...آد آپارماق اولار .

http://ferzane.blogsky.com