مشروطه اينقيلابی نين يوزايلليگی موناسبتيله تبريزده قورولان دينج مراسيم دؤولتين باسقی اورقانلارينين يوروشونه معروض قالدى!

 

 آلينان خبرلره گؤره «امنيتی» قووه لر جومعه گونو مشروطه اينقيلابى نين  مراسيمينده ايشتيراک ائتمگه گلنلرين، باقير خانين قبيری اوسته ييغيشمالارينين قاباغين آلماغا چاليشيبدير.  مراسيمده تبريزدن علاوه بوتون آِِِذربايجان شهرلريندن ايشتيراک ائديبلر.

 

ایشتراک ائدنلرین ایچینده حجه الاسلام عظيمی قدیمی و گنج میللت چی لرین بيرچوخوسو گؤزه دییردی.   ميلتچيلر باقيرخانين قبری يئرلشن مفاخير موزه سينه ييغيشديقدا امنيتی قووه لر مراسيمی پوزماغی و منطقه نی بوشالتماغی طلب ائديبلر!

 

ميلتچيلر ميتينق کئچيرمگه دوام ائتديکده «امنيتی لر» اونلاری گوج ايله مفاخير بيناسيندان ائشيگه چيخاريرلار. دينج نوماييشچيلرتاپدالانميش ميلی حقلريميز حقده  شوعار وئره رک «آبرسان» مئيدانى طرفينه و ساعات قاباغينا  ساری يولا دوشورلر. خياوانداکی ماغازلار بوتونلوکله باغالانيبدير و رژيم بئله چوو ساليبدير کی، «گروگانگيرليق اولونوبدور!!!»

 

رژيم نوماييشين گئنيشلنمه سيندن ديسکينيب و «اينتيظامی و امنيتی» قووه لرين کؤمگی ايله آغيرلاما مراسيمينی داغيلتماغا و نوماييشی ياتيرماغا چاليشميشدير. دئييلن خبرلر اساسيندا نوماييش ايشتيراکچيلاريندان بير چوخو وحشيجه سينه دؤيولوب و توتولوبلار(او جومله دن تپه لی باغدا) . ياخالانانلاردان هله بير خبراليميزه چاتماييبدير.

 

وئريلن وئريلن شوعارلار دان:

 

منيم ديليم اؤلن دئييل، فارس ديلينه دؤنن دئييل!

ياشاسين آذِربايجان!

.......