ايراندا
هر ايل مهر
آينين بيری
مکتبلرين آچيليش
گونودور. بو
گون اون
مينلرله
يئنیيئتمهلر
تحصيل آلماق
اوچون درس
صنيفلرينده
حاضر اولورلار.
مکتبليلر
بيليک و
علم
اؤيرنمک
اوچون هوسله
مکتبلرين
آچيلماسینی
سئوينجله
يارشيلاييرلار.
تأسفلر
اولسون ايران
کيمی چوخ
ملتلی اؤلکهده
مؤجود اولان
رژيم اولکهنين ياريسيندان
چوخونو تشکيل
ائدن فارس
اولمايان
ملتلرين
اوشاقلارینی
آنا
ديللرينده تحصيل
آلماقدان
محروم
ائتميشدير.
باخماياراق
کی، آنا
ياسانين 15-جی
مادهسينده ايراندا
ياشايان هر
بير ملتين
اهاليسينين آنا
ديلينده
تحصيل آلماسی
قيد ائديلميشدير.
بهمن
انقلابيندان 30
ايلدن چوخ
کئچکهسينه
باخماياراق
هلهده مرتجع
حاکيم
قوهلری
بوتون فارس
اولمايان
ملتلری بو
ابتدائی انسان
حاقلاريندان
محروم
ائتميشلر و بو
حاقدا
اوجالان هر
بير اعتراض
سسينی بوغماغا
چاليشميشدير.
بيز
آذربايجان
دموکرات فرقهسينين
عضو و
هوادارلاری
اولاراق
ايراندا ياشايان بوتون
ملتلری اؤز
آنا ديللرینی
الده ائتمک اوچون
آياغا
قالخماغا
چاغيريريق،
اونا گوره
کی، بو حاقی
آلمادان هيچ
بير ملت ملی
کيمليک و ملی
منلیيينه
چاتا بيلمهيهجکلر.
بيز
اينانيريق
کی، ايران
خالقلارينين
بيرگه مبارزهسی
نتيجهسينده بو
طبيعی حاقا
نائيل
اولاجاقلار.
آذربايجان
دموکرات فرقه
سی 1324-جو ايلده
قوردوغو ملی
حکومتده
آذربايجان تورکلرينين
و اورادا
ياشايان
باشقا ملتلرين
اؤولادلارينا
بو حاقی
ارمغان
گتيردی. بو
حکومتين
بير ايل داوام
ائتمهسينه
باخماياراق
ايران
تاريخينده بو
حاقی الده
ائتمکله ثبوت
ائتدی کی،
ايران چوخ
ملتلی اؤلکه
اولاراق
اوردا
ياشايان
ملتلرين حاقی تانينمایدير.
باخماياراق
کی، بو
تاريخدن 65 ايل
کئچير هلهده
پان ايرانيست
و شونيست
قوهلر
بو حاقی
تانيماق
ايستميرلر. حتی
بوگون مرکزده
دموکراتيادان
دانيشانلار
بئله،
بو
مسئله
قارشيسيندا
سوسورلار.
بيز
بوتون
آذربايجان
اؤولادلاريندان
مهر آينين
بيرنده بوتون
مکتبلرده
اوجا سسله
« اؤز
ديلينه مدرسه
اولماليدير
هر کسه!» شعارینی
وئرمهيه
چاغيريريق. بو
شعار هر
ملتين
ملی کيملیييدير.
آذربايجان
دموکرات فرقهسينين
عضو و
هوادارلاری
هميشه
اولدوغو کيمی ايرانين
بير دموکراتيک
و فدرال دؤولت
اولماسی
يولوندا اؤن
جبههده اؤز
مبارزهسينه
داوام
ائتديرهجک.
ياشاسين
آذربايجان
آذربايجان
دموکرات فرقهسينين
عضو و
هوادارلاری
29شهريور
1389