اینگیلیزجه‌دن چئويرن: دوکتور صدیقه عدالتی

قادین کنگره سی نین بیلدیریسی-اولوسلارآراسی اجتماعی فوروم2009

 بئلئم دو پارا، بئرزیل

   Belém do Para, Brazil

 

پان- آمازون خلقلری اولوسلارآراسی اجتماعی فوروما قاتیلدیقلاری ایلده، بیز قادینلار دونیانین فرقلی یئرلریندن بئلئم‌ده بیر آرایا گلمیشیک، یئرلی قادینلارین و سیاسی وطنداشلار اولاراق اورمان منطقه-لریندن گلن خلقلرین قادینلاری‌نین، توپلوملاری میزین کولتورئل فرقلی لیکلری‌نین چرچیوه‌سینده، فئمینیسمین زنگین لشمه سینده واولوسلارآراسی  آتا بَی‌ليك (پدرسالاری) کاپیتالیست سیستئمی نین علئیهینه اولان فئمینیستی مجادله‌لرین گوجلنمه‌سینده کی پایلارینا و یاردیملارینا تأکید ائتمکده‌ییک.

 

دونیا فرقلی بوحرانلار گئچیرمک ده و بودا بونو گؤستریر کی بو سیستئم دوام ائتمه‌یجک‌دیر. مالی، یئمک، ایقلیم، و انرژی بوحرانلاری بیربیریندن آیری اولایلار دئییللر، بلکی هر شئی‌دن اؤنجه بونلار مودئلین اؤزایچینده کی بوحرانی  گؤستریرلر کی، ایشین و چئوره ‌نین اضافه استثمار اولماسینا و اقتصادداکی مالی سفته بازلیقلارا دایانیر.

Die Anzeige dieses Bildes wird in Ihrem Browser möglicherweise nicht unterstützt. بیزلر بو بوحرانلارا جواب وئرمک اوچون بازارمنطقینه دایانان تسکین‌وئریجی جوابلارلا ایلگیلنمیریک، بو یالنیز او سیستئمین دوام ائتمه‌سینه سبب اولاجاقدیر.  بو سیستئمه بیر آلتئرناتیو گلیشديرمه‌لیییک. بیزلر بیتکی- یاناجاغينی و کاربنی ماده‌لرین اعتباری بازارلارینی، ياشاييش‌چئوره‌سي و انرژی بحرانی‌نا بیر چاره بيلن، دوشونجه‌نین علئیهینه‌ییک. بیز فئمینیست قادینلار، تولید و مصرف مودئلی‌نین دییشمه‌سینی ایستیریک .
  
بیز تأکید ائدیریک کی، ژئن‌لرین دییشمه سی‌یله اولوشان  یئمک ماده‌لری، یئمک بحرانی‌نا بیر چاره دئییلدیر. بیزیم آلتئرناتیویمیز یئمک قایناقلارینا ملی حاکمیتین اویقولانماسی وائکولوژیک- زراعی تولیدین گلیشمه‌سیدیر.   
اقتصاد و مالی بحران‌لا ایلیشکیده، بیز بانکلاری و تجارتی قورتارما آماجی‌یلا میلیونلارجا دلاری انسانلارین جبیندن چیخارتمانین علئییهینه‌ییک. بیز فئمینیست قادینلار استخدامین دستکلنمه‌سینی و اویقون بیر قازانج‌دان فایدالانما حققی‌نی ایستیریک.

 
بو سیستئمی قوروما  تشبثلری‌نین بیزیم ضرریمیزه اولمالارینی قبول ائتمه‌میز مومکون دئییل. گئنیش ساییدا ایشدن چیخارمالار، اجتماعی ساحه لرده‌کی هزینه‌لرین آزالتیلماسی و بئله بیر اوره‌تیم (تولید) مودئلی نین تأکیدله اویقولانماسی،  تولیدین تکرارلانماسی اوچون داها چوخ ایش گرکدیریر و بئله بیریاشاییشین دوام ائدیلمه‌سینه سبب اولور و بو مستقیمأ بیز قادینلارین یاشاییشی نی ائتکی‌لَيیر.

بو سیستئم  اولوسلارآراسی ساحه‌ده اؤزونو قبول ائتدیرمک اوچون میلیتاریزه ائتمه‌یه و سیلاحلارا متوسل اولموشدور. سوی قیریمی‌نا سبب اولان نظامی مجادله‌لر اعمال اولونور و قادینلاری ساواشین غنیمتی اولاراق گؤروب،  جینسی شیددتی بیر ساواش اسلحه‌سی اولاراق قوللانیر. بوتون جمعيیت زورلا بیر بؤلگه‌دن باشقا بؤلگه‌یه گؤندریلیر و اورادا سیاسی قاچاقلارکیمی یاشامایا مجبور اولور. بو نظامی مجادله‌لرده قادینلارین علئیهینه اویقولانان شیددت، اونلاری اؤلدورمک، و انسانلیغین علئیهینه اولان باشقا جنایتلر هرگون چوخالیر و بو جنایتلری ایشليين‌لر تام امنیتده یاشیرلار.

  
بیز فئمینیست قادینلار، انسانلارین بیربیرلری‌یله، انسانلارین چئوره‌لری‌یله اولان ایلیشکیلرینین اساسی شکیلده دییشمهلری نی، لئزبیینلرین علئیهینه اولان شیددت( lesbophobia)  وگونوموزه قدر حاکیمیتی نی سوردورن آتا بَی‌لييه دایانان ایرکچیلیغین بیتمه‌سینی ایستیریک.

  
بیز بدنیمیزین و جینسل‌لیغیمیزین باشقالاری طرفیندن کنترل ائدیلمه‌سی‌نین سونا ائرمه‌سینی ایستیریک. بیز اؤز یاشاییشیمیز و یاشادیغیمیز بؤلگه حققینده اؤزگور سئچیمه صاحیب اولما حققی‌نی ایستیریک. قادینلارین استثمارینا دایانان توپلومون تکرار تولید اولماسینین علئیهینه‌ییک.

 
بیزساواش و نظامی بؤلگه‌لرینده یاشایان قادینلارلا بیرلیيی‌ميزی اعلام ائدیریک، بیز هاییتی‌ده کی باجی لاریمیزین سسلرينه سس وئریب و اوراداکی نظامی ایشغالچیلارین سبب اولدوغو شیددتی قیناييريق.  بیزکلمبیادا، کنگودا و ساییسیز قادینلاری کی هر گون بو اؤلکه‌‌لرده نظامی شیددتین قاباغیندا دایانیرلار دستکلیریک. بیز آمئریکانین نظامی ایشغالینا معروض قالان عراقلی قادینلارلا بيرلييیميزی اعلام ائدیریک. 
 
ایندی غزه شریتينده اسرائیلین نظامی سالدیریلارینا معروض قالان فلسطینلی قادینلارلا بيرلييیميزی اعلام ائدیب و اورتا دوغودا ساواشین بیتمه‌سی اوچون  مجادله‌یه قاتیلیريق.


 
باریشدا و ساواشدا آتابَی‌ليك و ایرقچی‌لیغین شیددتینین قوربانی‌لری اولان قارا دری‌لی و جوان قادینلاری دستکله‌‌یيریک.
 
 
عئینی شکیلده باجیلاریمیزین هیدرو الکتریک سدلرین، آغاچ و معدن کمپانی‌لرین، آمازوندا و بوتون دونیاداکی بویوک پروژه‌لرین علئیهینه اولان ساواشلارینی و  بو استثمارلارین علئیهینه اولدوقلاری اوچون تعقیب آلتیندا اولان هر کسی دستکله‌ییب و اونلارلا بيرلييیميزی اعلام ائدیریک، سو حققی اوچون ساواشانلارلا بيرلييیميزی اعلام ائدیریک.


کورتاژ و یا بو حققی ساووندوقلاری اوچون جنایی تعقیب آلتیندا اولان قادینلاری دستکلیریک، هر زاماندان داها گوجلو رادیکال و محافظه کار سالدیریلارلا ساواشماق اوچون بیرلیکده اولوب، کورتاژا احتیاجی اولان قادینلارین قانونی حقلری و امنیتلری نین قارانتی آلتینا آلینماسینی دستکلیریک. 


  
بیز معلول قادینلارین بوتون امکانلاردان استفاده ائده‌بیلمه‌لری اوچون مجادله‌لرينی، گؤچَمن قادینلارین اؤزگور گئدیش گلیش حقلرينی دستکلیریک.
 
  
بوتون بو قادینلار واؤزوموز اوچون فئمینیستی حرکتلری حاکیم سیاستین قاباغیندا دایانان بیر گوج اولاراق دستکلیریک و عئینی شکیلده قادینلارین اؤز یاشاییشلارینی و بیزیم توپلوملاریمیزی دییشدیرمک اوچون اؤزلرينی اورقانیزه ائتمه تشببوث لرينی، دیالوقلارينی و اجتماعی حرکتلرينی دستکلیریک.

8 مارس دا و 2010 ایلی‌نین «اولوسلارآراسی آکسیون هفته‌سینده» بوتون دونیاداکی قادینلار اولاراق بیزه شیددت اویقولایان و بيزی استثمار آلتیندا توتان کاپیتالیست و آتا بَی‌ليك سیستئمین علئیهینه بیرلشیریک. خیاوانلاردا و ائولریمیزده،  اورمانلاردا و کندلرده مجادله‌لریمیزده و گونلوک یاشاییشیمیزین ساحه‌لرینده عصیان و حرکتیمیزی گؤسترجه‌ییک.

بیر فئوریه 2009 ، بئلئم دو پارا، برزیل.   
 
http://www.ilga.org/news_results.asp?LanguageID=1&FileID=1229&ZoneID=7&FileCategory=1