عباس لیسانی باره‌سینده اولوسلار آراسی عفو اورگوتونده ن بئین الخالق کامپانیا

 

"اولوسلار آراسی عفو اورگوتو" سویداشیمیزین طالعین‌دن ناراحات‌دیر

 

اویرنجی نیوز: "اولوسلار آراسی عفو اورگوتو" آذربایجان تورک‌لری‌نین حقوق‌لاری اوغروندا موباریزه آپاردیغینا گؤره حبس اولونموش عباس لیسانی باره‌سینده تعجیلی کامپانیا باشلادیب. تشکیلاتین یایدیغی معلوماتدا بیلدیریلیر کی، میللی فعال 2006-جی ایلین ماییندا "ایران" قزئتینده آذربایجان تورک‌لرینی تحقیر ائدن کاریکاتورانین یاییملانماسین‌دان سونرا اردبیل شهرینده دوزنله نمیش اعتراض آکسیاسیندا ایشتیراک ائتدیگینه گؤره ساخلانیلا‌راق، همین ایلین اوکتیابریندا 18 آی حبس و 50 ضربه شاللاق جزاسینا محکوم ائدیلیب. آنجاق اردبیل‌دن 112 کم مسافه‌ده یئرلشن اهر شهرین‌دکی حبس‌خانادا ساخلانیلان عباس لیسانییه قارشی محبس مامورلاری شاللاق جزاسینی یئرینه یئتیرمک‌دن بویون قاچیریب‌لار.

نتیجه‌ده تانینمیش حرکات‌چی آذربایجان تورک‌لری‌نین چوخ آز یاشادیغی و دوغما یوردون‌دان 2000 کم آرا‌لیدا یئرلشن یزد بؤلگه‌سین‌دکی حبس‌خانایا کؤچورولوب. بون‌دان علاوه، عباس لیسانی 2003-جو ایلده بذ قالاسینا یوروشه قاتیلدیغینا گؤره 2006-جی ایلین آوقوستوندا داها بیر ایل حبس جزاسینا محکوم ائدیلیب. یزد حبس‌خاناسینا کؤچورولمه‌سینه اعتراض علامتی اولا‌راق آجلیق آکسیاسینا باشلایان تانینمیش حرکات‌چی بورایا ساده‌جه شاللاق جزاسینین حیاتا کئچیریلمه‌سی اوچون گتیریلمه دیگینی، بونون یاخین چئوره‌سی و عائله‌سیله سیخ-سیخ گؤروشمک ایمکانینین انگللنمه‌سی مقصدی داشیدیغینی بیلدیریب. او، 2008-جی ایل فئورالین 14-ده تئلئفون دانیشیغی زامانی اونا ایشگنجه وئریلدیگینی سؤیلیرکن باغلانتی کسیلیب. سوندا بئین الخالق تشکیلات دونیا ایجتیماعیتینه مراجعت ائده‌رک کامپانیانی موتشکیل آپارماق اوچون معلوماتی اینگیلیس، فارس، عرب، فران‌سیز و دیگر دیل‌لره چئویرمه‌سینی و ایرانین صلاحیت شخص‌لری‌نین عونوان‌لارینا گؤندرمه‌سینی خواهیش ائدیر.