آمستئردام
دييالوق
توپلانيسي
ايران ايسلام
جومهيرييتي
نين سياسي،
ايقتيصادي وئ
ايجتيماعي
بؤهرانلار
ايچينده
چابالاديغي
گونلرده
کئچيريلمکده
دير. سياسي
حاکيمييت
جيدي سارسينتيلار
ايچينده دير.
ايراندا ياشايان
ميلتلر اوللر
اولدوغو
کيمي، بو
رئژيمين باسقيسي
آلتيندا
ياشاماق
ايستمه
ديکلري اوچون
اؤز
اعتيراضلاريني
بيلديرمکده
ديرلر. ديني
دئسپوتيزمين
سونو گلديگي
بو گونلرده آذربايجان
تورک ميلتي
نين ميللي
موباريزه سينه
داها گئنيش
شکيلده شاهيد
اولماقداييق.
داها اؤنجه دن
آذربايجان
ميللي
حرکاتي " 19
اورديبئهئشت،
آذربايجان
اؤرنجي
حرکاتي " (1374)، "
دانيشير آذربايجان
" (1384) و تبريزده
قبول
اولونان "
بيرينجي آنا
ديلي
قورولتايي
نين قطعنامه
سي " (1384)، بابک
قالاسينا
يوروشلر، 1
خورداد،
ميللي قييامي
کيمي (1385)،
اؤنملي تاريخي
درينليگي
اولان
اولايالاري
مئيدانا گتيرميشدير.
آمستئردام
ديالوق
توپلانتيسينا
قاتيلان
وطنداشلاريميز
ميللي حرکات
سيرالاريندا
اهمييتلي
اورتاق
يؤنلرين وار
اولدوغونا
قطعييتله
اينانيرلار.
حرکاتين سيرالاريندا
چوخسسليليگي
قبول ائديرلر.
تک سسلي بير
فاالييتي رسمييته
تانيميرلار.
تاريخي
اهمييت
داشييان آمستئردام
توپلانتيسي
ايشتيراکچيلاري
آذربايجان
ميللي حرکاتي
نين
سيرالاريندا
چئشيدلي
فيکير و سياسي
آخيملارين
وار
اولدوغونو بير
رئالليق و
ساغلام دوروم
کيمي گؤرورلر.
بو گؤروش
دييشيکليگي،
مدني
موختارييتي،
فئدئراليزمي،
ايستيقلالييتي
و بوتؤو
آذربايجان
دؤولتي قورماق
کيمي
پلاتفورملاري
احتيوا
ائتمکده دير.
توپلانتي
بوتون دييشيک
گؤروشلري
آذربايجانين
مشرو سياسي
جريانلاريي
کيمي قبول
ائدير و
فرقليليکلرين
بير زنگينليک
اولدوغونا اينانير.
ايران
ايسلام
جومهورييتي
داخيلدن و
خاريجدن جيدي
تزييقلر
آلتيندادير.
بو سببدن رئژيم
هر گون جمعيت
اوزرينه
باسقيسيني
آرتيرماق و
ميللي حرکتي
عزمک ايستيه
جک. ميللي ديره
نيش
آرتديقجا،
رئژيمين
تزييقلري
آرتا بيلر.
چونکو
حاکيمييت بو
دورومدان
گئري آدديم آتارسا،
اؤز
مغلوبييتينه
ايمضا آتميش
اولار. بو اوزدن
ده گون
کئچديکجه،
رئژيمين
تزييقلري نين
آرتاجاغينا
شاهيد
اولوروق. بئله
بير دورومدا
ميللي
حرکاتين
خاريجده کي
فعاللاري نين
اوزرينه
بؤيوک تاريخي
مسئوليت
دوشمکده دير.
بو ميللي -
تاريخي
وضعيفه ني
آنلاماق
اوچون ميلتيميزين
اساس
ايستکلريني
درک ائديب، بوتون
ايمکانلارا
داياناراق،
ميللي حرکاتي
مودافيعه
ائتمه لي و
گوجلنديرمه
ليگيک.
21
آذر آيريجا،
بؤيوک ميللي
ليدئر سئيييد
جفر پيشوري
نين اؤز
ميلتينه
گوونه رک،
تاريخ ياراتديغي
دوغما ميللي
بير گونودور.
بو تاريخي گون
موناسيبتي
ايله
وطنيميزين
قورتولوشو ايله
باغلي قرارا
گلمک، ميللي
بيرليک
نومونه سي
سرگيله مک هئچ
ده تصادوفي
دئييلدير.
ميللي
حرکاتين
گئنيش
ميقياسلي
اولدوغونو قبول
ائدن 21 آذر
آمستئردام
ديالوق
توپلانتيسي
بوتون فرقلي
گؤروشلري گؤز
اؤنونده
بولوندوراراق،
آشاغيداکي
مادده لري
اورتاق پرينسيپلر
اولاراق قبول
ائدير:
1-
توپلانتي،
گونئي
آذربايجان
تورک ميلتي
نين ميللي
آزادليغي
يولوندا
موباريزه ده بو
گونکو فارس
راسيستميني
تمثيل ائدن
ايران ايسلام
جومهورييتيني
اساس مانعه
کيمي گؤرور. چونکو
بو رئژيم هر
نؤو
دئموکراتيک
دييشيکلييه
قارشيدير.
2-
ازربايجان ميللي
آزادليق
حرکاتي نين
آمالي گونئي
آذربايجاندا
ميللي -
دئموکراتيک
دؤولت
قورماقدير. آيريجا،
گونئي
آذربايانين
هودودلاري
خاريجينده
ياشايان ديگر
تورک
خالقلاري نين
ميللي
هاقلاريني دا
قوروماق
لازيمدير.
آذربايجان
ميللي حرکاتي
اؤز
موقددراتيني
تعيين ائتمکده
سون سؤز
صاحيبي
اولماليدير.
3-
ازربايجان
ميللي حرکاتي
سئکولار دؤولت
قورولماسي
نين
طرفداريدير و
بو يولدا موباريزه
آپارير.
4- تورک ديلي
(ازربايجان
تورکچه سي)
رسمي دؤولت
ديلي
اولماليدير.
بوتون اؤلکه
ده ياشايان
تورکلر اوچون
تورک ديللي
مئديا شبکه
لري قورولماليدير.
آذربايجانين
علمي،
تئخنيکي و ايقتيصادي
اينکيشافي
تمين
ائديلملي،
ميلتيميزين
ياشاييش
سوييه سي
دونيانين
اينکيشاف ائتميش
ميلتلري
سوييه سينه
يوکسلمه
ليدير.
5-
ازربايجان
ميللي حرکاتي
بوتون ساحه لرده
قادين- کيشي
حوقوق برابر
يولوندا
موباريزه آپارير.
6-
دين، مذهب،
مسلک،
اينانج، سؤز،
مطبوعات،
سئنديکالار،
سياسي
پارتييالار،
گئييم و ياشام
طرزي کيمي،
بوتون مدني
آزادليقلار قئيدسيز-شرطسيز
تمين ائديلمه
ليدير.
7-
ازربايجان
ميللي حرکاتي
اعداما و هر
نؤو ايشکنجه
يه قطعي
شکيلده
قارشيدير.
8-
ميللي حرکات
آريا راسيسم
سيستئمي نين
تمثيلچيسي
اولان ايران
ايسلام
جومهورييتينه
نين
آذربايجاندا
دئموقرافيک
ياپيني دييشديرمه
سيياسئتينه
قارشي چيخيب و
بو رئژيمه قارشي
ميللي ظولم
آلتيندا
ياشايان ديگر
ميلتلرله
ايشبيرليگي
آپارماليدير.
9- يوخاريدا
قئيد ائديلن
حدفلره
چاتماق اوچون
خاريجده
فعالييت
گؤسترن
آذربايجانلي
قوووه لر،
داخيلده گئدن
ميللي
موباريزه ني
ديقتله تقيب
ائتمه لي و
اونا
اولوسلار
آراسي اينسان
هاقلاري مرکزلريندن
دستک
قازانمالي،
آذربايجانا
قارشي اينفورماسييا
بلوکاداسيني
قيرمالي و
بوتون
دونيادا آذربايجان
ميللي
معنافئي
اوچون
لوببيچيليک فعالييتلريني
تشکيلاتلانديرماليدير.
10- گونئي
آذربايجان
ميللي حرکتي
موستقيل، دئموکراتيک
و
مودئرندير.
11- گونئي
آذربايجان
ميللي
آزادليق
حرکاتي دونيا
اينسان
هاقلاري
بياننامه سي
نين و اونا باغلي
کونوانسييونلارين
آذرباياندا
حياتا
کئچيريلمه سي
اوچون موباريزه
آپارير.
12- امستئردام
دييالوق
توپلانتيسي
يوخاريداکي
پرينسيپلره
دايناراق
گونئي
آذربايجان ميللي
حرکاتيندا
فعاليت
گؤسترن بوتون
تشکيلاتلار و
شخصلري
دواملي
ايشبيرليگي
مئخانيزماسي
نين
قورولماسينا
چاغيرير.
ياشاسين
آذربايجان
ياشاسين
ميللي
بيرليگيميز
آمستئردام 21
آذر (12 دئسامبر)
2009