سحر تئلویزیونو
باره سینده- س.
صدرالدین
یکشنبه
۲۶ مهر ۱۳۸۸ - 18 اکتبر
2009
اؤتن
هفته ایرانین
رسمی
اینفورماسیا
واسطهسی
اؤلکهمیزه
قارشی
سیاسی-ایدئولوژی
تخریباتلا
مشغول اولوب.
اونلارین
تئلئرادیو
شیرکتی اؤلکهمیزین
بایراغینی
تحریف
ائتمکله
یاناشی، بیر
سیرا
تانینمیش مامورلاری
و میللت وکیللرینی
ایسرایل ایله
علاقهده
اتهام ائدیب.
بو مسئلهیه لازیمی
جاوابلار
وئریلیب. رسمی
تئهرانین
سفیری خاریجی
ایشلر
ناظیرلیگی نه چاغیریلاراق،
ایسلام
رئسپوبلیکاسی
تئلئرادیو
شیرکتینین
داورانیشی
ایله باغلی اوندان
ایضاهات طلب
ائدیلیب.
ایران رسمیسینین
ایضاهاتی هله
ده بیزیم
اؤلکه ایجتیمایتینه
معلوم دئییل.
عذر
ایستمکدنسه،
تئهرانین
"سحر"
تئلئویزیاسینین،
ایرانین
دینی-سیاسی
خطینی
دیلیمیزده تبلیغ
ائدنلرین
مولاحیظهسینجه،
گویا بورادا
قئیری-آدی بیر
ایش یوخدور،
مسئله "صهیونیستلره
باغلی کیو-این
شیشیرتمهسی"دیر.
سفیرلیگین
مطبوعات
خیدمتینین
باشچیسی
عباس
ایسگندری
"سحر" تی وی-ده
یاییلمیش بو فاکتی
اینکار ائتمهسه
ده،
"مئدیافوروم"آ
آچیقلاماسیندا
"اورادا هر
هانسی شکلی" گؤرمدیگینی
بیلدیریر.
ایرانین
رسمی
تئلئرادیو
کانالینین
سایتی تئهران
سفیری
محمدباغیر
بهرامینین
خاریجی ایشلر ناظرلیگینه
چاغیریلماسی
حاقدا خبر
یاییب. بونو
اولدوغو کیمی
دقتینیزه چاتدیریریق:
"صهیونیست
ایسرایل
رئژیمینین
آذربایجان
رئسپوبلیکاسینین
رسمی دایرهلرینده
خرچنگواری
نفوذونو
اؤرت-باسدیر
ائتمک مقصدی
ایله ایران
ایسلام
رئسپوبلیکاسینین
باکیداکی
سفیری خاریجی
ایشلر
ناظرلیگینه
چاغیریلیب.
صهیونیست
رئژیمین
آذربایجان رئسپوبلیکاسیندا
ایجرا
ائتدیگی ماشا
و لاییههسینین
فسادلارینا
دایر
معلوماتی کؤلگهلمک
اوچون شدتلی
قالماقال
یارادان
باکی مئدیاسی
ایران ایسلام رئسپوبلیکاسینین
سفیری
محمدباغیر
بهرامینین
آذربایجان
رئسپوبلیکاسی
خین-ا چاغیریلماسی
خبرینی گئنیش
فورمادا عکس
ائتدیریب.
سفیرین
چاغیریلماسی
بئله حالدا
باش وئریب کی،
باکی مطبوعاتی
اؤزلری گویا
کی تحقیرامیز سایدیقلاری
بایراق
شکلینی اؤز
صحیفهلرینده
گئنیش صورتده
نشر ائدیبلر.
باکی
مئدیالاری
آچیقلاما
وئرمیر کی،
اگر صهیونیستلرین
آلتی گوشهلی
اولدوزو
اوزرینده اولان
بایراق
شکلینی
تحقیرامیز
ساییرلارسا،
نیه گؤره محض
اونو چوخ
گئنیش نشر ائدیرلر؟"
(؟!)
بو
بارهده
بئینلخالق
"سحر" کانالینین
"کومپاس"
وئریلیشینه
مصاحیبه وئرن
پولیتولوق اصغر
فردی دئییب:
"او بایراق شکلی
آذربایجان
رئسپوبلیکاسی
خالقینا بیر خبردارلیقدیر،
نه اینکی
تحقیر. بئله
کی، صهیونیست
رئژیمین
خرچنگواری
نفوذو قارشیسیندا
آییق اولسونلار.
البته، یاخشی
اولاردی کی،
قارداشجاسینا
اولان بو خبردارلیق
باشقا
فورمادا بیان
ائدیلمیش اولایدی.
واختی ایله
"موللا
نصرالدین" ژورنالیندا
مرحوم جلیل
مممدقولوزاده
ایران دؤولتینین
ضعیفلدیگی
بارهده
خالقیمیزی خبردار
ائتمک اوچون
او زامانکی
بایراغیمیزین
اوزرینده
اولان شیر،
یاخود آسلان شکلینین
یئرینه پیشیک
شکلی
چکمیشدی. بو
خبردارلیق
آجی اولسا دا،
خئیلی واجیب ایدی.
ایندی
آذربایجان
رئسپوبلیکاسی
بارهسینده
بئله آجی،
لاکین واجیب
خبردارلیق
اولونوب". (؟!)
"سحر"
تئلئویزیاسی
تربییهلی
داورانیب
یایدیغی شکله
گؤره عذر ایستمکدنسه،
اؤز حرکتلرینه
برات
قازاندیرماغا
چالیشیر.
مثلن، "باکی
مطبوعاتی" و س.
کیمی
اصطیلاحلاری
ایشلتمکله،
اصلینده آذربایجان
رئسپوبلیکاسینین
مؤوجودلوغونو
شوبههیه
آلان فارس
شووینیزمینه
قوللوق
ائتدیگینی
بیر داها
تصدیقلییر.
ایسرایل
دؤولتی ایله
آذربایجان
رئسپوبلیکاسینین
علاقهلری
گیزلی دئییل.
اؤلکهمیزین رسمیلری
و جاوابدئه
قوروملاری
بو دؤولتله
خوشمراملی
امکداشلیغی گیزلتمیر.
اؤلکهمیز
اورتا شرقین
بوتون دؤولتلرله
هرطرفلی
موناسیبت
ساخلادیغینی
و یا بونا
چالیشدیغینی بیلدیریر.
بو خط ایسه
ایران رسمیلرینین
ساختا موسلمان
تعصوبکئشلیگیندن
داها دوغرو
مؤوقئدیر.
تئهران 30 ایله
یاخیندیر
فلسطین عربلریندن
اؤز مقصدی
اوچون یارارلانیر.
یئری
گلمیشکن، بیر
واخت خمئینی بیان
ائتمیشدی کی،
کربهلانی
آزاد ائتدیکدن
سونرا مککه نی
و قدس-و ده
آزاد ائدهجکلر.
بو، ایرانین
بؤلگهده تجاووزکار
بیر رئژیم
اولدوغونو
ثبوتا یئتیریر.
اصلینده
دیپلوماتیک
قایدالارا
اویغون اولاراق،
گرک
آذربایجانداکی
تئلئویزیالاردان
بیری و یا بیر
نئچهسی
ایرانین
بایراغینی
اونا "دوست و
قارداش" اولان
ائرمنیستانین
بایراغینین
فونوندا
وئریدی،
جاوابیندا
ایسه دئییلیدی
کی، "خاین
ائرمنیلردن
اوزاق دورماغینیز
اوچون
قارداشجاسینا
خبردارلیق
ائدیریک".
اصغر
فردی کیمی
دیکتورلارا
گلدیکده،
ایندیکی حاکمیته
ساختا
قوللوقدا
دورانلاردان
بیری اولدوغونو
حیسس
ائتدیریر.
بئله باخاندا
بو "کومپاس"چی
اؤزونو چئویک
و حازیرجاواب گؤسترمکله
اوزون
ایللردیر
چؤریینی
آذربایجانا
دینی-سیاسی
هاوا اوفورمکدن
چیخاریر. اونون
موقاییسهسی
نه قدر گولونجدور.
اما اصغر فردی
اؤزونو تورک
سایدیغیندان
اونا بیر
خاطیرلاتما
ائتمک
ایستردیک.
اولو آتامیز
محمود
کاشقاری قدیم
بیر تورک آتا سؤزونو
یازییا آلیب:
"اؤز یوواسینا
هورن تولکونو
بیت باسار".
اؤزلرینی
ایرانین
اؤلکهمیزدکی
"سفیری" کیمی
آپارانلار
بو مسئلهده
سوسدولار. نه
"ایسلام پارتیاسی"،
نه "ضیالیلار
بیرلیگی"، نه
ده "یاشیللار
پارتیاسی"
کیمی ایرانین بورادا
تشکیل
ائتدیگی
نؤوبنؤو
مجلیسلرین
باشیندا
اوتورانلار
"سحر" تی
وی-نین خبرینه
و
داورانیشینا
قارشی چیخدی.
اونلارین
بو حالی
ایستر-ایستمز
گونئی
آذربایجاندان
اولان بیر ضیالینین
بئلهلرینه مراجعتینی
خاطیرلاتدی.
او کیشی
دئییردی: "شیمالی
آذربایجان
موستقیل
اولان گوندن ایرانین
ایرقچی فارس
رئژیمی
آزربایجانین
ایستیقلالینی
محو ائتمک
اوچون الیندن
گلنی ائدیب.
مثلن،
آذربایجانی
حربی گوجله
حدهلهییب،
ائرمنیستانین
ان یاخین
شریکی کیمی اونلارا
حدسیز مادی
یاردیملار
گؤستریب،
ائرمنیلری
آذربایجانا
قارشی سیلاحلاندیریب...
بیر
مدت اول
ایرانین شیمالی
آذربایجاندا
یاراتدیغی
تئررورچو
قروپ ایفشا
اولوندو، عضولری
توتولدو. بو
قروپ اؤزونو
"شیمالین
مئهدی اوردوسو"
آدلاندیریردی.
دقت ائتسهنیز،
بورادا
"آذربایجان"
کلمهسی
ایشلنمیر.
چونکی بو
تئررور
قروپونو
اطلاعات یارادیب
و اونلار شیمالی
آذربایجانی
"شیمالی
ایران"
آدلاندیریر.
ائله بونا
گؤره ده
اطلاعاتین
یاراتدیغی
تئررور قروپو
"شیمالین
مئهدی
اوردوسو"
آدلانیر و
اونون اساس مقصدی
بینالاری
پارتلادیب،
اوغورلوق،
قارت و باشقا
پوزوجولوق
ایشلری ایله
مشغول اولماق،
ان نهایت
آزربایجانین
ایستیقلالینی
محو ائتمکدیر".
یازی
مؤلفی
نارداران
کندینده ساده
اینسانلارین
ایران رئژیمینین
الینده
"اویونجاغا چئوریلمهسینه"
تأسف
ائتدیگینی
بیلدیرهرک،
"سحر" تی
وی-نین
تبلیغاتینا
اویماماغا چاغیریر.
... بو تی
وی -یه اؤلکهمیزدن
بعضیلری زنگ
ائدهرک، حتی
ایرانین عالی
رهبری آیت
الله خامنئه
ای یه "امرینه
منتظیریک"
دئمکدن
چکینمیرلر.
البته، بو اویونلارین
آلتیندا داها
دهشتلی
سسئناریلر
گؤزلمک اولار.
بو یوردداشلاریمیزین
ایران رئژیمی
ایله همرای
اولماقدا،
گؤرهسن،
مقصدلری
ندیر؟ بلکه بو
همرایلیک اونلارین
دینی اینانجلاری
ایله باغلیدیر؟
طبیعی کی،
یوخ. سادهجه،
خاینلردیر. اونلار
اوچون
آزربایجانین
ایستیقلالی،
میللی تهلوکهسیزلیگی،
میللی ناموس
اؤنملی دئییل.
بئلهلرینین
ایشی یالنیز
ایران
اطلاعات-ایندان
معیین مبلغ
پول آلیب، اونلارین
گؤستریشلرینی
یئرینه
یئتیرمکدیر.
ایران
حاکمیتینین
"دییرمانینا"
بورالاردان
"سو تؤکنلر"ا
خبردارلیق
ائدن
یوردداشیمیز آزربایجانین
ایستیقلالینا
قارشی چیخانلارا،
تئهرانین
سیاستینه
آلدانمیش سویداشلاریمیزا
اوز توتاراق
دئییر:
"ویجدانینیز
قارشیسیندا
باشینیزین
آشاغی اولماماسی
اوچون یوز
اؤلچوب، بیر
بیچین".
آینا
قزئتی
کوچورن:
اویرنجی