30 میلیون "
تراختور " !
حسن راشدی
http://rashedi-hasan.blogfa.com
دوشنبه
۱٣ مهر ۱٣٨٨
- ۵
اکتبر ۲۰۰۹
بو
گونلر "تیم
تراکتور سازی"
یئرینه "تراختور
تیمی "
داها چوخ
آذربایجان
میلّتی
آراسیندا آغیزدان
- آغیزا گزیر .
اگر 8- 9
ایل قاباق
فارس دیللی لر
" تراختور "
سؤزونو،
آذربایجان
فوتبال
تیمیندن طرفدارلیق
ائدنلرین
دیلیندن
استهزا و مسخره
ایله دئییر و
اونلاری
آلچاقلاتماق ایسته
ییرلردیلرسه بو
گونلر " تراختور "
سؤزو بیر گوج
عنصرینه و 30
میلیون
ایراندا یاشایان
تورکلرین
سیمگه سینه چئوریلمیشدیر
!
هئچ بیر
کیمسه تخمین
ائده بیلمزدی
تراختور تیمی
8 ایلدن سونرا
و فارسجا " لیگ
برتر " آدلانان
یئره گلیب
چاتاندان
سونرا بو قدر
طرفدار
تاپسین !
ایکی هفته
قاباق،
تراختورایله
استقلال تیمی
نین مسابقه
سینی تبریزین
" یادگار امام
" استادیوموندا
چوخلاری من
کیمی جانلی
اولاراق
ایزله دی ؛ 70
مین نفردن چوخ
آذربایجان اوستانلاری،
تهران و حتی
ایرانین
اوزاق شهرلرینده
یاشایان
تورکلر بو
استادیوما
گلیب اؤز
سئودیگی
تیمی، یعنی
تراختور
تیمینی، اویونون
ایلک
باشلانیشیندان
سونونا قدر
تام اورَکدن
تشویق
ائتدیلر !
بونو هرکس
گؤزو ایله
گؤردو و
تئلویزیوندان
ایزله دی !
بونو،
یالنیز عادی
بیر فوتبال
تیمیندن
طرفدارلیق ائتمک
یوخ، ایران
جامعه سینده
بیر وارلیق و
هویتدن
مدافعه ائتمک
کیمی
دگرلندیرمک
اولار !
ایندیه
کیمی،
چوخلاریندا
بئله بیر تصور
یارانمیشدی
کی، ایراندا
یالنیز ایکی
فوتبال تیمی نین
، یعنی
پرسپولبس
ایله استقلال
تیمی نین چوخ
سایدا و
ایرانین هر
یئرینده و هر شهرینده
طرفدارلاری
اولا بیلر ، و
بو ایکی فوتبال
تیمیندن
باشقا هئچ بیر
تیمه بو قدر
طرفدار
تاپیلا
بیلمز !
لاکین
8 ایلدن سونرا
"تراختور "
تیمی نین
"اوستون لیگه"
( لیگ برتر )ه
یوکسلیب
اینانیلماز سایدا طرفدارا
صاحیب
اولماسی
بوتون معادله
لری پوزدو !
گؤره
سن "
تراختور " تیمی
نین 8 ایلدن
سونرا بو قدر
طرفدار
تاپماسی نین
اؤزل بیر
آنلامی وارمی ؟
بو سورغونون
جاوابی نه
اولورسا
اولسون،
لاکین بیر
گئرچک وار :
" آذربایجاندا
و ایرانین
چئشیتلی
بؤلگه لرینده
یاشایان
تورکلر ، داها
اؤزلرینه و
اؤز هویت و
وارلیقلارینا
حقارت گؤزو
ایله یوخ ، افتخار
گؤزو ایله
باخیرلار "
و بو
گون، بو
هویتین بیر
پارچاسی
اولان تراختور
فوتبال
تیمیندن وار
قوه لری ایله طرفدارلیق
ائتمک بو
مسئله یه
آیدین دلیل
دیر !
حدودا ایکی هفته قاباق، تبریزین " یادگار امام " استادیوموندا و تراختور ایله استقلال آراسیندا کئچیریلن مسابیقه ده حاضیر اولان 70 مین نفردن چوخ تراختور تیمی نین قیزغین طرفدارلاری، و استادیومون بیر طرفی؛ یاشا............سین و باشقا طرفی؛ آذربا........یجان دئمکله هر شئیی آنلادیردی.