علي
رضا اردبيلي
alirza@live.se
معناسيز
هذيانلار يا معنالي
سٶزلر؟
1- ديقت
ديلنمك، ديقت
مركزينده
اولماق
آرزوسو
2-
"تبريزلي باي
بك" و معناسيز
هذيانلار
3 آذربايجان
ضيالي لارينا
قارشي
كامپانيا
4- قوزئي
آذربايجان و
توركيه
ايقتيدارلارينا قارشي
زهرلي
تبليغات
5- شوبهه لي
خبرلر و
نامعلوم خبر
قايناقلاري
6- معنالي بير
سوآل
7- آنتي
ايمپيرياليستي
شوعارلار
8- گون آذ تي وي
9- ميللي
حركاتين
سيرالاريندا
يئتگين ليك
علامتلري
10- سون سٶز
اينترنت
سايتلاريندا
اولان
ايمكانلارين
محدودلوغونو
نظره آلاراق،
بو مقاله ده،
من عرب
اليفباسيندا
تايپ ائتمكده
چوخ واختلار
تورك
ديلينده شكيل چي
لره عاييد
اولان
"يان-يانا
آمما آيري" يازماق
قايداسينا
ريعايت ائتمه
ميشم. سبب
بودور كي، بو
حالدا
اينترنت
سايتلاريندا سٶزلرين
ايملا دوزني
دوزگون عكس
ائتديريلمير.
ميثال اوچون
"موسيقيچيلريميزين" سٶزونو
"موسيقي چي
لريميزين"
كيمي تايپ
ائتميشم.
اصلينده
بيرينجي حال
دوزگون دور، آمما
چوخ اينترنت
سايتلاريندا سٶزون
گرافيكي حيصه
لري
بير-بيرينه
پاپيشير و سٶز
"موسيقيچيلريميزين"
كيمي يعني
ياپيشيق
شكيلده
نوماييش
اولونور. منيم
تايپ ائتدي ييم
حال دا ايسه
بير سيرا
حالاردا،
سٶزلرين بير
حيصه سي سطير
دن سطيره
كئچنده بٶلونوب،
اوخونماقدا
چتينليك
يارادجاقدير.
من بو ايشه
بير
ائكسپئريمنت
كيمي باخيرام
و بو تجروبه
نين نتيجه
سيني گله جك
ايشلريمده
نظره
آلاجاغام.
گتيردي ييم
سيتات لاردا،
ايملا و اينشا
سهولري
هابئله
قوندارما
سٶزلر و
ايفاده لر "تبريزلي
باي بك"دن دير.
1-
ديقت ديلنمك،
ديقت
مركزينده
اولماق
آرزوسو
بير
چوخ غرب اٶلكه
لرينده 15-44 ياش
اينترواليندا
اولانلار
اوچون،
اينتيحار، ان
عادي اٶلوم
سببي دير. آمما
ناموفق
اينتيحار،
اونون
اٶلومنن نتيجه
لنن حاللاريندان
چوخ آرتيق
دير. ميثال
اوچون 2003 جي
ايلده
ايسوئچين 15-24
ياشلي لاري
آراسيندا 2000
نفر اينتيحار
ائسه ده
اونلاردان
يالنيز 118 نفي
حياتلارينا
سون قويوب
قالاني نيجات تاپميشلار. موختليف
آراشديرمالارا
گٶروه گنجلر
آراسيندا اينتحار
اكثر
حاللاردا،
بير نٶوع اطرفداكيلاردان
ايمداد ايسته
مك رولو اوينايير.
موختليف روحي
عذابلار و
ناسازليقلارا
دٶزه بيلمه ين
بو جاوان
اينسانلار،
گويا اٶز
حياتلارينا
قصد ائتمك
كيمي بير
دراماتيك
آدديملا،
اطرافين ديقتي
ني چكمك ايسته
ييرلر. بو
سٶزلر اينسان
پسيكولوژي
سينه عاييد
اولسادا، بودا
بير فاكت دير
كي،
اينسانلاردان
عيبارت سياسي-ايجتيماعي
حركات دا، بو
اينسانلارين
شخصي احوالي
روحيه لريندن
تأثير آلير.
آذربايجان
ميللي
آزادليق
حركاتي هر
باخيمدان گنج
بير وارليق
دير.
آذربايجان ين
اسارت تاريخي
و
ميلتيميزين
آزادليق
يولوندا موجاديله
تاريخي قديم
اولسادا،
ايندي
جرياندا
اولان حركات ايشتيراكچيلاري
ان اوزاغي 20
ايلدير كي،
اٶز ميللي
منافعلري
اوغروندا
سياست و
موباريزه
مئيدانينداديرلار.
يايدا قورويان
چايلاردان،
پاييزدا آخان
ايلك سولارين
تركيبينده
چوخ چٶر-چٶب
اولدوغو
كيمي، تاريخي
وقفه لردن
سونرا مارشا
باشلاميش
دموكراتيك
حركاتيميزين
سيرالاريندا
بير ياندان
تجروبه سيز،
ساوادسيز و ضعيف
كادرلار و
باشقا طرفدن
غئيري
دموكراتيك تمايول
لي و توتاليتر
ايدئولوژيلره
آلوده اولان
شخصلر
وارديرلار و
ديگر طرفدن
ميلتيميزين
يئتيشردي
يي بوتون
ضيالي زومره
ميز، هله
ميللي حركاتين
سيرالاريندا
دئيل لر.
شرح ائتدي ييم
سببلر و بير
چوخ باشقا چاتيشمامازليقلارين
عوجوباتيندان
داخيل ده و
خاريج ده،
بٶحرانلي
شخصلرين واخت
آشيري
تظاهورونا
شاهيد
اولوروق. منجه بو
مقاله نين
ايلك
سطيرلرينده
ايشاره ائتدي
ييم گنجلر
آراسيندا
اولان
اينتيحار
قصدي فنومني
له، ميللي
حركاتين
سيرالاريندا
باش وئرن
آنلاشيلماز
"عوصيان"لارين
آراسيندا اوخشارليقلاري
گٶرمك چتين
دئيل دير. هر
ايكي حالدا
روحي و عقلي
باخيمدان
بٶحرانلي
شخصلر،
اطرافلارينداكي
لارين
ديقتيني جلب
ائتمكدن
اوميدلريني قيريلميش
حيس
ائتديكلريندن
سونرا، غيري عادي
بير ايشه ال
وورورلار.
2- "تبريزلي
باي بك" و
معناسيز
هذيانلار
يوخاريدا
دئيلن
باخيمدان بير
تأسسوف دوغوران
حئكايت،
"تبريزلي باي
بك" ايمضاسي
نين صاحيبينه
مخصوص دور. بو
بي هر
يانا ال وورور،
جوره به جوره
تشبوثلرله
چيخيش ائدير،
قوزئي
آذربايجان
حاكميتي نه قارشي
ايرنج نيفرت
كامپانياسي
آپارير و س. بوتون
بونلارلا
بئله جيدي
قبول
اولمايان بو
شخص، اٶزونو
ديقت
مركزينده
گٶره بيلمه
مكدن حيدتته
گليب،
اونا-بونا
قارشي
يامان-يوووز ياغديرماغا
باشلايير.
تكجه سون ايل
ياريم عرضينده
"تبريزلي باي
بك" يئني
بير بايراق
ياراتماق،
آذربايجان
تشكيلاتلاري
نين
فعاليتلرينه ايجازه
وئرمه مك،
"تبريزلي باي
بك"دن ايجازه
سيز تشكيلات
ياراديب و
اونا بايراق
سئچنلري
مسئوليته جلب
ائتمك،
آذربايجان سرحدلريني
موعينلشديرمك
و نهايت
اليفبا مسئله سيني
حل ائتمك كيمي
آرزولارا
صاحيب
اولدوغون
اعلان ائتمك. او
7 ايول 2008
تاريخلي بير
يازيدا او
جومله دن 5 فيتوايه
ايمضا
آتيبدير:
1.
"آذربايجان،
و اؤزلليکله
ده گونئي بؤلمه
سي بو گون او
دورومدا
دييلدير کي
چئشيتلي
تشکيلاتلارين
يارانماسينا
ايزين وئرسين...،
"
2."تشکيلات
ياراديب و
اونا بايراغ
ياراتان
شخصلر گله
جکده اؤز
ايشلري نين
مسئولييتين داشيياجاقلار."
3."بايراغ
مسئله سي
ياخين
گونلرده بير
دفعه ليک
چؤزولمه
ليدير.
4 و 5. اوندان
سونرا، سئنئر
(مرز) و اليفبا
قونولاري
گوندمه
چيخاريليب و
چؤزولمه لي
اولاجاقلار." (نٶمره
قويماق مندن
دير)
بو
آرزولاري
داشيديغيني
اعلان ائدن
"تبريزلي باي
بك"ين اونلاري
حياتا
كئچيرمكده
بٶيوك
شانسلارا
ماليك
اولماديغيني
باشا دوشمك راحات
دير. "تبريزلي
باي بك"ين يئني
بايراق
يارتماق
نيداسينا
لببيك
ديينلرين يوزده 80
فاييضيني
صاحيبي معلوم
اولمايان ايمضالار تشكيل
ائديردي:
1.آنار ائلين
2. آنيل آنار
3. آيتان ار
اوغلو
4. يوکسل
اؤزنآي
5. ائلشن
گؤنئيلي
6. اوغوز ارگین
7. اولوس
8. بابک
آذربايجانلي
9. "جمعی از
دانشجویان
دانشگاهها در
حمایت از سمبل
ملی
آذربایجان جنوبی"
(درحال تكذيب
اولدو)
10. حسين
قاراقانلي
11. خزر گؤنئیلی
12. سئزر ياشار
13. سرينگول باش
یوردلي
14. قزيلباش
بؤروسوي
5. کورشات
مرندلي
16. مارالان
تبريزلي
17. ميللي پارتي
البته
اولا بيلر كي
بو
ايمضالاردان
بعضي سي نين
صاحيبي منيم
اوچون معلوم
اولماسادا،
كيملره سه
معلومدور
آمما
بوردا، منيم
منظوروم خصوصي
بير معلومات
چئوره سي يوخ،
عمومي اوخوجو
كوتله سي دير.
رئال ليقلا
آراسيني كسن
"تبريزلي باي
بك" اٶز اوغورسوزلوغونون
سببلريني
باشقالاريندا
آختارير،
دٶزومسوزلوك
ائدير،
عصبلشير و ديقت
جلب ائتمك
اوچون
اونا-بونا
ياراماز سٶزلر
سٶيله مه يه
باشلايير. بي
31 ايول 2008
تاريخلي، "سؤز
گونئيدندير…"
باشليغي آلينداكي
يازيسيندا،
اٶز عصب لشمه
سي و
استيصاليني
عياني
نوماييش
ائتديرير.
لوطفاً او
يازيدان بير
نئچه جومله يه
ديقت ائدين:
"من
داها دوشونمک
بيله
ايستميرم کي
ندن بئلنچي
اؤنم داشييان
قونودا هامي
سوسوب و زامان
اؤلدورمه يه
مشغولدور! "
"... آما من
دئديم و ائله
منده
ائشيتديم."
" سؤز
صاحيبلري نين
سوسماسي
سونوجوندا..."
"هامينيزين
ميللي
بورجونوزدور
کي کسکين مؤوقئييتينيزي
بيلديريب و
سيمگه
سورونونون بير
دفعه ليک
چؤزولمه سينه
يارديم
ائدسيز. سسسيز
قالمانيزين
يالنيز بير آنلامي
اولاجاقدير،
ميللي
هرکاتين
ايلرله مه سين
و بيرلشمه
سينه قارشي
دورورسوز!"
" آچيقجاسينا
يا هن دئيين و
يا يوخ"
" چوخ آز شخص و
قوروم سيمگه
قونوسونا
توخوناراق
دوشونجه لرين
بيلديرينلر."
" من دئييرم کي
ساده اولاراق
بئله بير
بيانات يايينلاسينلار
کي،.."
"تبريزلي
باي بك" سانكي
اٶزونون
يازديغي
جومله لرين ده
معناسيني
باشا دوشمه
يير و ائله
همن يازيدا
بير ماراخلي
امر وئرير:
"بو سيمگه
اولماليدير،
هر نه اولورسا
اولسون"
بو
بايراغين
يارانماسي
اوچون
دوغرودان دا "هر
نه اولورسا
اولسون"
واسيطه يه
متوسل اولور.
او جومله دن
داخيل ده گويا
6 اينستيتوتون
طلبه لري
طرفيندان "جمعی
از دانشجویان
دانشگاهها در
حمایت از سمبل
ملی
آذربایجان جنوبی"
ايمضاسيلا
بير مكتوب
اويدوردولاركي،
درحال تكذيب
اولور.
يوخاريداكي
سطيرلرين
نشريندن 8 آي
كئچير و من بو
بي يين ايداره
ائتدي يي
سايتي ايزله
مه دي ييم
اوچون،
بيلميرم كي
همن 8 آي
عرضينده آيا بو
بي،
آذربايجان
سرحدلري و تورك
ديلي نين اليفيا
سيني موعين
لشديرمك
اوچون هانسي
سا عمليات
آپاريبدير يا
يوخ. آمما "تبريزلي
باي بك" 20 مارت 2009
تاريخينده
بايراق ياراتماق
دا قازاديغي
اوغورو بئله
وصف ائدير:
"گونئي
اوچون ميللي
سيمگه
لازيمدير يا
يوخ مسئله سيندن
سؤز ائديرم.
او دؤنمده بير
چوخلو شخص، گرچک
يا ساختا آد
ايله مئيدانا
چيخيب،
طرفدار يا
موخاليف
نظرلرين
وئريب و يوخ
اولدولار!" (آلما
دئسم گل،
هئيوا دئسم
يوخ!"
باشليقلي يازي
دان)
بئله
ليكله بايراق
يارداماق
سئوادسينا
دوشموش
"تبريزلي باي
بك" حقيقت له
اوزلشمه لي
اولور آمما
تأسسوفله، اٶز
اوغورسوزلوغونون
سببلريني
باشقالاريندا
آختارير و او
جومله دن بو
حئكمتلي
سٶزلري قلمه
آلير:
"بو سون
سؤزومدور کي
او ساختا
فعاللار
دئييرم.
توپارلانين و
ميلتيميزين
گله جگيله
اوينامايين. سؤزونوز،
گوجونوز و
ايسته کي نيز
يوخدورسا، يولدان
چکيلين و
مئيداني
ارلره
تاپيشيرين. بلليدير
کي اون ايللر
بويو اؤز
باشينيزا
ياراناراق
بير قازانج
الده ائتمه
ييبسيز، ان
آزيندان
اوتوزماغا
ندن اولمايين." ("سٶز
گونئيدن
گئدير" آدلي
يازيدان)
اٶزونو
"ساختا
فعاللار"
قارشي سيندا
دوران "ار" سانان
"تبريزلي باي
بك"ين ايشي
بونلارلا
بيتمير. همن
يازي دا داها
بير داهيانه
ايستيدلال
گتيريب،
ايديعا ائدير
كي، اگر بو
بايراق ايران
ايسلام
جومهوريتي
نين اطلاعات
اورقاني
طرفيندن
آرايا
آتيلميش
اولسادا، بيز،
اونو قبول
ائتمكله،
دوشمن ين
اطلاعات
اورقاني ني
ورشكست ائتمه
لي ييك! بي
ين اٶز
سوزلرينه
ديقت ائدين:
"ايندي حتّی
اگر اينانساق
کي بو سيمگه
ني ايران
ااطلاعاتي
اؤنريب، و
اونون اتکيسينه
اينانساق،
ياني کي بير
سيمگه نين گرکلي
اولدوغون
اطلاعات
بيزدن داها
تئز آنلاياراق
اوندان سو
استيفاده ائتمگه
قالخيبديرسا،
ائله قوي او
سيمگه ني منيمسه
يک! " (همن
يازيدان)
بو
بي، بو مئتودي
ايران ايسلام
جومهوريتي نين
رهبرلري نين نبوغوندان
اٶيرندي ييني
دئير. او
ايديعا
ائدير كي
گويا
ايران ايسلام
جومهوريتي
ده
واختيلا
دوشمنلرين
جعل
ائتديكلري اسكيناسلاري
حقيقي اسكيناس
كيمي قبول
ائتمكله،
دوشمن ين
ائويني
ييخميشدير!؟
سٶزو
اوزاتماق
ايستمه سم ده،
كيملرين
ميللتيميزه
بايراق،
اليفبا و سرحد
موعين
لشديرمك هوسينه
دوشدويونو
گٶسترمك
اوچون بو شيرين
جعلي اسكيناس
حئكايه سين،
مٶلفين اٶز
ديليندن نقل
ائتمك ايستيرم.
مجبورام
قئيد ايدم كي،
بو بي ين
ايملاسيندا "قلكه"
يازيلان
سٶزوو "اٶلكه"
اوخوماساز،
مطلبي آلماق
چتين اولا
بيلر:
" ساختا
پوللار چاپ
ائله ديلر و
ايران آدلانان
قلکه نين بازارينا
تؤکدولر.
گونئيده
اولانلار هر
حالده
بيليرله ندن
سؤز ائديرم.
او ۱۰۰
تومنليکلر کي
مسجد القصي-سي
يازيلماميشدي!
هر هانچي بير
دئولت
اولسايدي،
بلکي بو ساختا
پوللارا گؤره
ده اولسايدي
ايقتيصادي
اوچوروما
دوشموشدي! آما
موللالار نه
ائتديلر؟
اينانماديغينيز
شکيلده، او
ساختا
پوللاري
قانوني ائلان
ائتديلر! نئچه
ميليون
دولارا مال
اولان ساختا
پوللار،
ايران آدلانان
اولکه نين
رسمي پولو
اولدو! و او
پوللاري چاپ ائدن
گوجلرسه آغير
شکيلده
يئنيلديلر!" (همن
يازي دان)
گٶردويوز
كيمي
"تبريزلي باي
بك"
اويدورما
ناغيلين قهرماني
اولان ايران
رژيمي نين،
جعلي پول لاري،
اصيل پول كيمي
قبول ائديب
دوشمن ين
ائوين ييخديغي
كيمي (!)، ايران
اطلاعاتي نين
آريايا
آتديغي
بايراغي قبول
ائتمك، ايران
رژيميني نين
مغلوبيتي
دئمكدير!!! (آفرين،
صد مرحبا بو
نبوغا و اونون
صاحيبينه!)
3- آذربايجان
ضيالي لارينا
قارشي
كامپانيا
يوخاريدا
ايشاره اولان
داورانيشلار
و بياناتلار
اگر نورمال بير
اينسان اوچون
عاغيلدان اوزاق
نظره گليرسه،
اونلاين
مٶلفي اولان
"تبريزلي باي بك"
اوچون يقين
كي، نورمال
سسلنير و بو
بي، اٶز
داهيانه
فيكيرلرينه
آلقيشلار
ياغديرمايانلارين،
غيري ساغلام،
ساتقين، كومونيست،
ايرانچي،
دوشمن و بو
كيمي كاراكترلر
اولدوقلاريني
اعلان ائدير.
"تبريزلي باي
بك" 8 سنتيابر 2009
تاريخينده آشاغي
داكي يامان
يووزلاري،
آذربايجان
ضيالي لاري،
آذربايجان و
توركيه
دٶولتي
حاقيندا
يازير:
"سخنگوي
راسيسم٫
فاشيسم و
شوونيسم
فارس...
بلندگوهاي
خودفروخته...
مستمريهاي بي
هويتي و ترس
از قطع شدن
آنها...
فدراليستهاي
پانفارس و
مانقورت...
رژيم
ديکتاتور و
خانوادگي
اليئو...
برخي تشکلات
يکنفره و يا
محفلي
غيرفعال و ترمز
گونه
آذربايجاني...
سخنان و
حمايتها باب
طبع
استعمارگران
است که حامي
تداوم حاکميت
فارس بر
اکثريت غير
فارس ميباشند٫
...
رژيم
ديکتاتور
آذربايجان
شمالي در حال
غارت ميباشد...
نه اليئو و
دار و دسته اش
و نه آ.ک.پ ملي و
مردمي نيستند.
خيانت به حرکت
ملي و اهانت
به خون فعالان
صديقي است که
به خاطر وطن٫
جان خود را
نيز مضايقه
نکرده اند.
افرادي
را دور خود
جمع کنيد که
کارمند ادارات
استخباراتي
استعمارگران
هستند.
ارتباط با
سرويسهاي
جاسوسي...
خوديهاي خود
فروخته... " ("احمد
اوبالي و... "
آدلي يازي
دان)
آيت الله
سيد كاظم
شريعتمداري
نين يادگاري و
ضيالي ليبرال
و آزادليق
سئور سياستچي
جناب حسن
شريعتمداري
ميللتيميزين
توركچو،
سولچو و
ديندار
مٶمنلر كيمي،
گئنيش لايه
لري نين
آراسيندا
درين سايقي لا
ياد اولان
شخصيتلردن
دير. بوتون
دونيادا
اولدوغو كيمي آذربايجاندا
دا عوموم
ميلتين گئنيش
لايه لري نين
حٶرمت و
اعتماديني
قازانميش
شخصيت لر هم سايجا
آز اولورلار و
هم يئري گلنده
ميلتين طالعي
نين معين
اولماسيندا
تعيين ائديجي
رول اوينايا
بيليرلر. بو
سٶزلرين جناب
حسن شريعتمداري
يه عاييد
اولدوغونو
هامي دان ياخشي
آيت الله سيد
كاظم
شريعتمداري
يه قارشي باغيشلانماز
و
اونودوولماز
ظولم ائدن
ايران ايسلام
جومهوريتي
بيلير.
جناب حسن شريعتمداري
نين بير
شخصييت كيمي
اهميتي ني
اونون بو ايل
آوروپا
پارلامنت
ينده كي
چيخيشي نين قازانديغي
عكس صدا
سيندان دا
دويماق
اولاردي. آمما
آجيناجاقلي
دير كي ايران
ايسلام
جومهوريتي
نين حئساب
آپارديغي و
ميلتيميزين
ده سون درجه
ده ائحتياجي
اولدوغو بو
شخصيت ده
"تبريزلي باي
بك"ين زهرلي
كامپانيالاريندان
كناردا قالا بيلمه
ميشدير. "نگاهي
به نقشه مهندس
حسن شريعتمداري
و خطر تجزيه
کامل
آذربايجان" باشليغي
آلتيندا
يازيلان بير
يازيدا اوخوجو مات-معطل
قاليركي،
جناب
شريعتمداري
نين سٶزلري
نين هاراسي
آذربايجاني
تجزيه ائتمه
يه دلالت
ائدير!
14 سنتيابر 2009
تاريخلي گويا
تيراخدور فوتبال
تيمينه عاييد
يازي داكي
ايفاده لره
فيكير وئرين:
"سؤزده
فئدئرالچيليق
اؤرتوسو
آلتيندا گيزلنن
پان-ايرانچيلار...
بونونلا
ياناشي ايسه
نئچه شخصين
تام آنلاميندا
فارس
شووونيسمينه
قوللوق
ائتديکلريني و
خاريجي
اؤلکهلرين
ماراقلاريني
قورومالاريني...
مئيخانادا
آراق ايچيب
کومونيسمي
تعريف ائدنلر...
ضيا صدرولشرافي
کيمي ايرانچي
نين بوش
دانيشيقلاريني..."
4- قوزئي
آذربايجان و
توركيه
ايقتيدارلارينا
قارشي
نيفرتلي
كامپانيا
بو
كامپانيا
قيرمزي بير خط
كيمي
"تبريزلي باي
بك"ين هذيان
نامه لري
آراسيندا
سيستماتيك بير
صورتده
آپاريلير. 2009
سنتيابرين دوققوزي
تاريخي داشايان
"اثر"دن
اٶرنكلر:
" تورکيه ده
آ.ک.پ
حاکيمدير،
قوزئي
آذربايجاندا
ايسه ي.ا.پ، و،
آذربايجان
دوشمانلاري،
وطن خايينلري
و يادلارين
گلير قايناغي
نين گؤزجولري
و قوروجولاري
بللي اولدو. ايلردير
کي بو قونودا
يازيب
دانيشيرام،
آما، چوخ
زامان اؤزلريني
ميللي فعال تانيتان
ساتقينلار
اونا قارشي
چيخيب و ميلتي
بيلگيسيز
ساخلاماق
اوچون
چاباليرلار."
بو سطيرلرده
عئيني حالدا
ايكي موهوم
نٶكته واردير.
بيرينجي سي بو
شخصين آنتي
آذربايجان و آنتي
توركيه
كامپانياسي
نين اوزون
مودتلي و
سيستمانيك
آپاريلديغي و ايكنجي
ميللي فعال
لارين بو
كامپانيايا
موناسيبتي.
همن "اثر"ين
دواميندا
اوخويوروق:
" دئديم بيزه
خيانت ائدن
تورکيه
حاکيمييتيدير،
دئديلر کي بو
آدام تورک
دوشمانيدير!
دئديم اليئو
سولاله سي
بيزه
دوشماندير،
دئديلر بو
آدام
آذربايجان
دئولتي نين
ضيديدير!
دئديم بيزيم
باشيميزا
قونولان
حاکيمييتلر
هاميسي ياد
قوللاريديلار،
دئديلر بو آدام
بيزي آلداتير!
دئديم و دئديم
و دئديم، آما،
پروپاقندا
گوجو ايله
سيلاهلانان
ساتقينلارين
باغيريقلاري
بو دئييشلره
کؤلگه سالدي."
گٶردويوز
كيمي، هم اونون
بار-بار
آذربايجان و
توركيه يه
قارشي
باغيرماغي و
هم
آذربايجان ميللي
حركاتي
آراسيندا بو
ياد و خاريج
سسلرين
اٶزونه يئر
قازانماديغيني
داها آيدين
بير شكيل ده
ايفاده ائتمك
اولماز. بي ين
"اثر"ينين
دواميندا
ماراخلي بير
مقام اورتايا
چيخير. بي حيس
ائديركي
اونون زهرلي
تبليغاتي
آذربايجان ميللي
آزادليق
حركاتي نين
ادبياتيندا تام
يئرسيز و ياد
سسلنير و
چاليشير كي
اٶزونون بو معنالي
سٶزلري سٶيله
مكده، يالنيز اولماديغيني
سٶيله سين.
آمما
سئوينديرجي
حالدير كي بير
نفردن آرتيق
آد تاپا
بيلمير:
"يالنيز من
يوخ،
باشقالاريدا
دئدي، صمد نيکنام
دئدي" و اوخوجو
بوردا بير
سيلسيله
آدلارين
سادالانديغيني
گٶزله سه ده
صمد نيكنام
دان باشقا بير
آد گٶرمور.
(صمد نيكنام
بو مدعايه
البته كي اٶزو
موناسيبت
بيلديرمه لي
دير) بو
معنالي
سٶزلرين
آراسيندا بي
قيزيشيب،
قوزئي
آذربايجان
رهبرلريني
"قولدور"
آدلانديريب
و تحقير كامپانياسي
نين حيدتي و
چيركين لي نين
درجه سينده
معروف حسين
شريعتمداري
دن سيبقت
آلير:
" ايش
باشيندا
اولانلارين
هاميسي آما
هاميسي
آنالاري نين
امجييني کسن،
مقام و پول
يانقيني و
ملسف بيزيم
سويون خاراب
مؤهره
لريديرلر. "
بيلدي ييز
كيمي ايران
ايسلام
جومهوريتي
نين "سحر"
آدلي تئله
ويزيا كانالي
بو نٶوع كامپانيالارين
ان تانينميش
نومونه سي
دير. بو تبليغاتا
گٶره قوزئي
آذربايجانا
ائرمني
تجاووزو،
ائرمنستان-روسيه-ايران
نامقدس بيرليگي
يوخ، حيدر علي
يئو و ايلهام
علي يئوين
سوچلاري دير! بو
حاقدا
"تبريزلي باي
بك"ين ايداره
ائتدي يي سايت
دا تئز-تئز
ماتريال لار وئريلير.
بير يازي نين
باشليغينا
ديقت ائدين" ايلهام
اليئو مقاما
چاتماسي نين
شيرنيسي اولاراق
قاراباغي
پايلاير! "
ايران ايسلام
جومهوريتي نين
ائرمني
تجاووزونو
اٶز ميللي
منافعي نين قوللوغوندا
اولماسينا
اعتيراف
ائتدي يي حاللارين
بيرينه ديقت
ائدين. ايران
ين خاريجي
ايشلر
ناظيرليگي
نين اورقاني
اولان "فصلنامه
مطالعات
آسياي مركزي و
قفقاز"ين باش
رئداكتورو
"قاسم ملكي"
1996-جي ايلده
ائرمنستانين
كئچميش
پريزيدنتي
لئون تئر
پتراسيان ين
تشبوسوايله،
صولح
موذاكيره لري
جيددي نتيجه
لره ياخينلاشديغي
زامان يازير:
"در
مذاكراتي كه
براي استقرار
صلح و ثبات در
منطقه برگزار
ميگردد ايران
حضور ندارد.
در هر صورت
جمهوري
اسلامي به طور
حتم با هرگونه
توافقي كه بر
اساس آن
جمهوري
آذربايجان
قوي تر شود و
روسيه بالعكس
ضعيف تر شود
مخالفت ميكند" (سياستهاي
نفتي در
قفقاز،
فصلنامه
مطالعات
آسياي مركزي و
قفقاز، سال
ششم، دوره
سوم، شماره 20،
زمستان 1376، ص 19-28)
قاسم
ملكي تام
آيدينليغي
ايله ائرمني
تجاووزونون
ايران
ماراخلاريني
تأمين ائتدي
يي ني اعتيراف
ائدير. آمما
"تبريزلي باي
بك" علي يئولري
بو
تجاووزده
سوچلايير! بو
بوش مودعا ائله
"سحر" تئله
كانالي نين
دائمي ترجيع
بندلريندن
دير. نه "سحر"
تئله كاناليندا
و نه "باي
بك"نامه دن
معلوم اولمور
كي، اگر علي
يئولر
قاراباغي
ساتيب لار بس
نه دن
موناقيشه
قورتارمير؟!
قوزئي
آذربايجان
يالنيز
گونئيلي
ميللي آزادليق
وورغونلاري
اوچون قوخ
بلكه بوتون
اهالي نين
معنوي مدني
دونيالاري
نين عزيز و
ديلبر گوشه سي
دير. بو حاقدا
من ساده جه
بير ميثال
گتيريرم. 2000-جي
ايلده،
ايران سول
راديكال
تشكيلاتلاري
نين تبريزلي عاليم
نظريه چي سي،
تانينميش
اينقيلابچي
سيما،
ابولحسن بني
صدرله برابر
بئرلين ده "اتحاد
چپ
سوسياليستي"نين
دعوتيله
كئچيريلن بير
سئميناردا،
قوزئي
آذربايجانا
اٶز
موناسيبتيني
بير سوآلين
جاوابيندا
بئله شرح
ائدير:
دونيادا
يهودي هم
ليبرال اولا
بيلر هم
فاناتيك
دينچي و هم
كومونيست
آمما اونلارين
هاميسي
ايسرائيله
قارشي اوره
كلرينده بير سايقي
و سئوگي داشييارلار
(حافيظه دن
نقل ائتدي ييم
اوچون بو تبريزلي
اينقيلابچي
نين آديني
گتيرميرم) همين
موناسيبتي
بوگون بوتون
كوردلر
طرفيندن عيراقين
شيماليندا
قورولموش
موختار كورد
دٶولتنه قارشي
گٶرمك اولار.
ايران ايسلام
جومهوريتي
نين چيركين
آنتي تورك
آنتي
آذربايجان
سياستي ني
آپاران، تورك
منشألي دٶولت
مأمورلاري و
دٶولت رسمي
لري ده بو
قايدادان
موستثنا
تشكيل
ائتميرلر.
ائله كي، موختليف
سويه لي بو
ِدٶولت
آداملاري،
ايمكان
تاپاركن،
قوزئي
آذربايجانلي طرفداشلارينا
اٶز قلبي
حيسياتلاتلاريني
گٶسترمه يه
چاليشيرلار.
حتي قومون
تورك آيت الله
لاري نين دا
شيمالي
آذربايجانا
قارشي مٶوقعلري
ايران ايسلام
جومهوريتي
نين رسمي
خطيله
اوست-اوسته
دوشمور.
اونلارين چوخو،
قوزئي
آذربايجاني،
ايسرائيل و آمئريكاايله
موناسيبت ده
اولان و
قادينلاري
نين باشي آچيق
ياريم
موسلمانلار
اٶلكه سي يوخ،
ائله اتي
اتيميزدن، قانيا
قانيميزدان
اولان علي
شيعه لري نين
يوردو سانيرلار.
يادينيزا
ساليرام كي،
ايسلام عالمي
نين ان گٶزل
سسلريندن
بيرينه ماليك اولان
حاجي سليم
مٶذن زاده بير
چوخ ايللر محرم
آيي و محرم
مراسيمينده
باكي دا نٶحه
اوخوماغا
گئديردي.
مولاحيظه
ائديرسيز كي،
يوخاري سطيرلرده
ترسيم اولان
بير فون دا،
"تبريزلي باي بك"ين
آپارديغي
آنتي
آذربايجان
كامپانياسي
نئچه
قوندارما و نئچه
حئيرت
دوغوران
گٶرونور. آيا
بو خط اونون معناسيزي
هذيانلاري
نين بير قيسمي
دير يا معنالي
و سيستماتيك
آپاريلان بير
سياست ين
تركيب حيصه
لري؟
ديرلي آيدين تبريزي
نين "تبريزلي
باي بك"ين بو
مٶوضوعدا داها
آغيلا سيغماز
بير هذيانا
بنزر ايفاده
سيني نقل
ائدير. معلوم
اولان
"تبريزلي باي
بك" نه
اينكي
فدرالچي لار،
لاپ ائله
قوزئي
آذربايجانلي
لاري دا
"ايرانچي" حئساب
ائدير:
"گونئي
ايله قوزئي
آراسيندا، و
اصلینده
آذربايجانليلارلا
ايرانچيلار [یعنی
قوزئي لیلر
ایرانچی دیرلار!] آراسيندا
باشلانان بو
قالماقالين..."
(آيدين
تبريزي:"يورو وروویژن قالماقاللاری
و بای بک سیته
سی" آدلي
مقاله سيندن،
[]آراسينداكي
قئيد آيدين
تبريزي دن دير)
گٶردويوز
كيمي
"تبريزلي باي
بك" ين قوزئي
آذربايجانا
قارشي
آپارديغي
نيفرت
كامپانياسي
نين احاطه سي
گئنيش دير و
نورمال بير
دوشونجه
صاحيبي اوچون
بو اونون
فيكيرلري نه
اينكي گونئي
آذربايجان
توكچولويو،
حتي ان قاتي
آنتي آذربايجان
پروپاقانداسينا
بئله سيغمايان
زهرلي
سٶزلردير.
گٶره سن
لوندون و لوس
آنجلس ين
عيرقچي آنتي
تورك فارس
مئديالاريندا،
كيمسه قوزئي
آذربايجانين
هاليسيني
"ايرانچي"
آدلانديريب
مي؟!
بو
مٶوضوعدا ان
سون اولاراق
ايشاره ائديم
كي،
مطبوعاتيميزين
اينتياه
دٶورونون ان
گوجلو
اورقاني
اولان بير
درگي نين،
قوزئي آذربايجان حاكميتينه
قارشي نشر
ائتدي يي ايكي
قيصا نامربوط
كومنتاري، ايللر
اٶتندن سونرا و او
درگي نين
مطبوعات
تاريخيميزده
تاريخي رولو
اولماسينا
باخماياراق،
هله ده ياددان
چيخماميش دير.
بس گٶره سن
"تبريزلي
باي بك"ين آذربايجان
ميللي
ازادليق
مئديال
فضاسيندا
"سحر" تئله
كانالي نين
بير ايفراطي
شعبه سين ايداره
ائتمه سينه
موناسيبت
نئجه
اولاجاقدير؟
5- شوبهه
لي خبرلر و
نامعلوم خبر
قايناقلاري
"تبريزلي
باي بك" اٶز
سايتيندا هئچ
جينلرين بئله
آغلينا خوطور
ائتمه ين
خبرلر نشر
ائدير. بو خبرلرين
قايناقلاريني
وئرمه دي يي
اوچون، معلوم
اولمور كي بو
خبرلره نئجه
ال تاپير و
حتي خبرلرين
اونا شفاهي يا
كتبي
چاتديريلماسي
بئله معلوم
اولمور. يقين،
گويا گونئي
آذربايجان دا
باش وئرميش
فارس
كيتابلاريني
يانديرماق مراسيمي
نين اويدورما
خبر و شكيل
لري نين سكاندالي
چوخلاري نين
ياديندا دير.
بوردا من بو بي
ين نامعلوم
قايناقلاردان
الده ائديب
يايديغي اويدورمالاريندان
بير نئچه
اٶرنك وئريرم.
سلطنت
طلبلرين
كئچيردي يي
بير مراسيم
حاقيندا، بو
بي يين
بير
"اثر"ينده
آشاغيداكي
سطيرلر
واردير:
" لازم
به ذکر است که
جنبش کذائي
فوق با گردهم
آمدن برخي از
سلطنت طلبها٫
مشروطه چي ها
و فدرال
خواهان فارس
پرست ايجاد
شده است و هدف
آن منحرف کردن
موج مليگرايي
در آذزبايجان
است."
بو
بي، او
مراسيمده يا
حضورو
واريميش يادا
بو خبري بير
قايناقدان
آليب. ايكينجي
حالدا گرك قايناغين
ماهيتي حاقدا
معلومات
وئرردي. بيرده
ماراخلي دير
كي، بو بي ين
نيفرت ائتدي
يي "فدرال
خواهان فارس
پرست"،
سلطنت طلب
لرله
ايجلاس
كئچيرير آمما بو
بي اونلارين
آدلاريني آچيقلاييب
هم اٶزونو و
هم ميليي
حركاتي اونلارين
شريندن خيلاص
ائتمير.
عجبا بو
مولاحيظه نين
سببي نه دير؟ !
"تبريزلي
باي بك"
نامعلوم بير
قايناقدان، ايران
رژيمي نين
آچديغي سيته
لردن
آشاغيداكي محيرالعقول
خبري وئرير:
"ايران
حاکيمييتي
آذربايجان
آدينا چاليشان
پاسيو و خطسيز
سيته لرين
فيلتئرين
آچاراق، گونئيده
ياشايانلاري
ايستر ايسته
مز پاسيو و
ختسيز
اولماغا
سوروتليير.
باي بک-اين
ميللييتچي و
ايستيقلالچي
داورانيشلارينا
قارشي، ايرانچي و
يا فئدئرالچي
سيته لرين
آچماسييلا موباريزه
ائديلير."
بي دئمير كي ايران
حاکيمييتي
طرفيندن
آذربايجان آدينا
چاليشان هانسي
پاسيو و خطسيز
سيته لرين
فيلتئري
آچيلميشدير.
عجبا
داخيلده
چاليشان
مينلرله فعال لاريميز
باشا
دوشمورلر كي،
رژيم
بير قيسم
آذربايجان
سايتلارينا
فيلتر قويمور!
بيرده بي هله
بيزه خبر وئرمه
ييب كي ايران
حاكميتي،
سٶزو گئدن
يئني سايتلاري
آچيب يا يوخ.
"تبريزلي باي
بك" ايران
رژيمي نين
گيزلي فعاليتلريني
ايفشا ائدن
نامعلوم
قايناق دان باشقا
بير خبر ده
آلمييشدير:
"باي
بک-ه گلن
بيلگيلره
گؤره
ايرانچيلار
ياخين
آيلاردا آذربايجان
ايچيندن بير
يا ايکي قوروم
يارانيشين
بيلديره جکلر
کي ظاهيرده بو
گونکو فارس
رئژيميله
ضيد، آنجاق ماهييتجه
اونو قورويان
قوللوغچولار
اولاجاقلار.
بو واسيطه
ايله گرچک
ميلتچيلرين
داها گوجلو و
داها گئنيش
چاليشمالاري
بو گون
آذربايجان
اوچون اؤنملي
بير گرک اولماقدادير"
ماراخلي
دير بو قدر
آذربايجان
سايتلاريندان
ائله بو
حيرتلنديجي
خبرلر يالنيز
حضرت جرجيس ين
سايتينا
داخيل اولور!
6- معنالي
بير سوآل
معلوم
اولاني،
"تبريزلي باي
بك" ايران
تهلوكه
سيزليك
اورقان لاري
نين فعاليتي
حاقيندا
اينحيصاري
خبر كانالينا
ماليك دير.
منجه
اونون آشاغي
دا كي سوآلا
جاواب وئرمه
سي مارخلي
اولاردي:
سوآل: عجبا
اگر ايران
رژيمي سيزين
خبريني وئردي
ييز
سايتلاردان
بيريني آچسا،
او سايتين سياستي
نه اولابيلر؟
1. آذربايجان و
توركيه
ايقتيدارينا
قارشي نيفرت
كامپانياسي
آپارار يا
يوخ؟ توركيه و
قوزئي
آذربايجاندان
موثبت خبرلري
قاباردار يا
چاتيشمامازليقلاري؟
2. ضياء
صدرالاشرافي، حسن
شريعمداري، محمد
آزادگر، يونس
شاملي، احمد
اوبالي
وسايير
آذربايجان
ضيالي لاري و
فعال لارينا
قارشي
كامپانيا آپارار
يا يوخ؟
3. آنتي
ايمپرياليستي
اولار يا يوخ؟
4.
آمئريكانين،
قوزئي
آذربايجاندا حربي
بازا
يارادماسي
مسئله سيله
ماراخلانار
يا يوخ؟
5. يوخاريدا كي
مسئله ايله ماراخلانديغي
حالدا بو ايشه
قارشي مٶوقع
توتار يا يوخ؟
6. باكي-تيفليس-جيهان
و نابوكو
كيمي ايران و
روسيه ني
آفسايددا
قويان، دونيا
ميقياسيندا
ايستيراتژي
اهميتلي
لاييحه لرله
موافيق اولار
يا موخاليف؟
7. يوروويژين
كيمي دونيا
سويه لي مدنيت
آرئنالاريندا
قوزئي
آذربايجانين
آدي يوكسكلره
قالخماقلا و گونئي
ده بو
نائليتلرين
اهالي
آراسيندا اٶز
كيمليكلرينه
يئني
حساسليقلا
ياناشمايا
تكان وئرمه
سيني،
آلقيشلار يا
يوخ؟
8. جورج بوشون
بئابيرچي
ليغيني عكس
ائتديردي يي
حالدا احمدي
نژادين
اوخشار بئابيرچي
ليغيني
اٶرت-باسدير
ائدر يا يوخ؟
9. ايراندا و
دونيادا
گونئي
آذربايجاني،
هر تشكيلاتين
و هر اينتر
سايتي نين بير
"ميللي
بايراق"
ايبداع ايئدي
يي ميلت كيمي
گولونج بير
وضعيته
قويماق ايستر
يا يوخ؟
10- همن بايراق
معامله سيني
اليفبا و سرحد
مسئله لرينده
تكرار ائتمك
ايستر يا يوخ؟
11- آذربايجان
ميللي حركاتي
نين موختليف
قول لاري نين
بير-بيرلرينه
ياخينلاشماسيني
موثبت آدديم
كيمي
آلقيشلايار
يا اونو دا يئني
بير توطئه
كيمي قلمه
وئرر؟
12. ائله بير
سايتين،
سيزين ايندي
ايداره ائتدي
ييز سايتا
بنزري اولار
يا يوخ؟
7- آنتي
ايمپيرياليستي
شوعارلار
1357-جي
ايلين
اينقيلابينا
قدر، حاكيم
پهلوي ديكتاتور
رژيمي بير
باشا غرب
بلوكونا
دايانديغي
سبب دن، بوتون
آزادليق سئون
اينسانلار، حقلي
اولاراق،
دينچي،
ليبرال يا
ماركسيست
اولمالاريندان
آسيلي
اولماياراق،
ايمپيرياليسمه
قارشي
شوعارلار
وئريرديلر.
هامي بيليردي
كي، رژيم غربين
دسته يي له
آياق اوستونده
دوروبدور. 1357
بهمن
اينقيلاب
يندا بو دورم
دييشدي. يئني
رژيم
دونيانين ان
موستقيل
حاكميت
لريندن بيري
اولدو و هله
ده بئله دير.
ايران ايسلام
جومهوريتي
هئچ شيمالي
كره نين چين دٶولتينه
باغلي
اولدوغو قدر ده
هانسي سا
خاريجي بير
اٶلكه يه
باغلي دئيل
دير. سون 30
ايلده شاه
دٶوروندن فرقلي
اولاراق،
ايمپيرياليزم
له موباريزه
آپارماق،
اهالي نين و
اوپوزيسيونون
آزادليق
موجاديله
سينده وئردي
يي شوعار يوخ،
حاكيم ديني
ديكتاتورانين
شوعاريدير. بو
مسئله كوبا و
ويتنام دا
بئله
اولموشدور.
ائله كي
آمئريكا
ايمپيرياليسمينه
قارشي آپاريلان
موباريزه
نتيجه سينده
غربه باغلي
اولان باتيستا و گونئي
ويتنام
رژيملري نين سوقوطو
ايله
(ترتيبله 31
دكابر 1958 و 30
آپريل 1975) وضعييت
دييشير. هم فيدل
كاستروون رهبرليك
ائتدي يي كوبا
و هم هوشي مين
ين بيرلشميش و
خاريجي
ايشغالدان
آزاد
ويتناميندا،
داها آنتي
ايمپپرياليسم
آزادليق سئور
قوه لرين شوعارلاري
ساييلميردي.
هابئله بوتون
شرق بلوكوندا
آنتي
ايمپريالسيم
حاكيم كمونسيتي
ديكتاتور
رژيملرين اٶز
اهاليسينه
قارشي
آپارديقلاري
تئررور و وحشت
حاكمييتي
اعمال
ائتمكده بير
بوش شوعار
ايدي. ميثال
اوچون بوتون
جمعيت (جامعه) "ك
ق ب" و "اشتازي"
آقئنتلري نين
ايختياريندا اولان
سوئت
ايتتيفاقي و
شرقي آلمانيا
دا، ايمپرياليست
طرفداري يا
جاسوسو
دامغاسيلا،
دٶولتي
تئررور
حاكيمت
ائديردي.
ايران ايسلام
جومهوريتينده
ده
ايمپريالسيم
(و همين
معنادا
ايشلنن
استكبار ،
استعمار و س)
طرفداري يا
ايمپريالسيم جاسوسي
اولماق دينج
اهالي نين
رژيم
طرفيندن
معروض قالديغي
تئررور و وحشت
كامپانياسي
نين تركيب حيصه
سي دير و
لاغير. بو
فيكير ده من
تك دئيلم و
ايرانين
راديكال سول
تشكيلاتلاري
نين اكثري،
آنتي
ايمپرياليست
اولماق
مودعاسيندان
اوزون
تاريخدن بري
داشينميشلار.
باشقا بير
مسئله ده
دونيادا عمله
گلميش بلوكلار
دا، قوزئي
آذربايجان و
توركيه جومهوريتلري
نين غرب
بلوكوندا
اولمالاري و
ايران ايسلام
جومهوريتي
نين
ائرمنيستانلا
بيرليكده روسيه
چين بلوكونون
حيمايه سي
آلتيندا اولماسيني
قئيد ائتمك
لازيم دير.
يوخاريدا وصف
ائتدي ييم
صحنه ده
ايدئولوژي باخيميندان
دا هيستريك
آنتي غرب
ايسلام فوندامنتاليسمي
و يا ايفراطچي
كومونيستي
مراما اينانمايان
و اٶزونو توركچو،
آذربايجانچي
و حتي
ايستيقلالچي
آدلانديران
شخص ين، آنتي
ايمپرياليستي
تبليغاتيني
نئچه
قيمتلنديرمك
اولار؟
اول دستخطي
بير
چوخلارينا
تانيش اولان
جناب واهاب
تبريزلي نين
يازيلاريندا
اولان آنتي ايمپريالسيتي
ايفاده لره
بير نظر سالاق:
" مشکل برخورد
شما با طرفین
دعوا این است
که بطور
تلویحی هم که
شده از یک طرف
دعوا – طرفی که
بطور حیرت
انگیزی
اختیارات
رسانه ای دراختیار
دارد و هیئت
حاکمه ی
آمریکا را
دشمن اصلی
تمامی زحمتکشان
وازجمله زحمتکشان
آذربایجان
وآمریکا
نمیداند –
حمایت کرده
اید! بحضور
انورتان عرض کنم
که من موافقت
صد درصدی با
نظریات آقای
مددی ندارم ومعتقدم
که خطرعمده ای
که حرکت ملی
آذربایجان را
تهدید میکند ،
بلعیده شدن آن
ازطرف سران
آمریکا بوده
وافراط گریهای
موجود که به ”
پان ترکیزم”
اشتهار یافته،
یک خطر جزئی
وبمراتب کم
اهمیت تراست."
واهاب بئي
تبريزلي نين
آچيق آشكار
آنتي
ايمپرياليستي
ايفاده لري،
بير جهتدن چوخ
ماراخلي دير.
واهاب بي همين
يازيسيندا،
اعتيراف ائدير
كي، اٶز آنتي
ايمپريالسيم
ينده، ايران
ايسلام
جومهوريتي
اولان
بلوكونون
منافعيندن
دانيشير. ديقت
ائدين:
"نظر شما درمورد
وجوه اشتراک
وافتراق
جمهوری
اسلامی با
هیئت حاکمه ی
آمریکا چیست؟
اساسا آیا شما
این جمهوری
اسلامی را در
چهارچوب
وداخل وزیر
مجموعه ی نظام
سلطه ی جهانی میدانید
یانه؟ فرق بین
این دو چیست؟
سرکرده ی ارتجاع
جهانی،
آمریکایی که
من تعریف کردم
، هست یانه؟"
"تبريزلي باي
بك" ده اٶز آنتي
ايمپريالسيتي
ايفاده لريني
گئن-بول و هئچ
بير قئيد-شرط
قويمادان
آرايا قويور.
او "تورکيه-کورد-ائرمني
آنلاشماسيندا
س.ي.ا-موصاد-س.و.ر
ايزلري "
باشليغي
آلتيندا
يازيدا
دونيادا قوطب
لارين
اولماسين و بو
قارشي
دورمادا
آمئريكا ايله
روسيه نين هره
سي نين بير
قوطب دا اولماسيني
باشا
دوشدويون گٶسترير.
بو سوزون
آردينجا
ايستر-ايسته
مز اينسان
فيكيرلشير كي
اگر شاه رژيمي
كيمي
ايران
ايسلام
جومهوريتي ده
("تبريزلي باي
بك" بو رژيمي
ايشغالچي
فارس رژيمي ده
آدلانديرير)
آمئريكا
بلوكوندا
اولسا، اوندا
بيزيم طرفدن
آنتي
ايمپيرياليستي
شوعارلار تام
منطقي سسلنه
بيلر. بورا
قدر مسئله يه
ياخينلاشميش
"تبريزلي باي
بك" سانكي حساس
مقاما
توخوندوغونو
دوياركن، مسئله
دن
ناشيجاسينا
قاچماق
ايستير.
(نظرده آلين
كي بو بي يين
اٶزونه مخصوص
ايملا اينشا
طرزي وار و
آشاغي دا كي
سطيرلرده
"قوتوب"
يازاركن
منظوري "قوطب"دير!)
بي يازير:
"بير قوتوبو
باشدا
آمئريکا
اولاراق
ايسرائيل و
موتتفيقلري،
ياريم قوتوبو
ايسه روسيه و
يانداشلاري!
بو دونيادا بيزيم
يئريميز
هاردادير؟
طبیعي بيزيم
يئريميز
تورپاقين تام
ديبيدير"
دئمه لي
دونيادا ايكي
يوخ، اوچ قوطب
واريميش! بي ين
بوردا مطلب دن
قاچماسيني اونون
ناشي ليغينا
عاييد بير
ثوبوت كيمي
ديرلنديرمك
دوغروسو چتين
دير.
اونون
سايتيندا
جابجا آنتي
ايمپرياليستي
شوعارلار و
مودعالار
سسلندي يي حالدا،
اونون اوز
ديلي له دئسك
آذربايجاني
ايشغال
ائتميش فارس
رژيمي نين
هانسي بلوكدا
اولماسي تمل
اهميتلي بير
مسئله دير.
موقاييسه
اوچون تصوور
ائتمك اولار
كي، پولشادا
1980-جي ايللرده
"همرأيليك" (Solidarność) تشكيلاتي
سووئت
بلوكونا
قارشي
موباريزه آپاراركرن،
اگر اورانين
دموكراتيك
حركاتينين
منسوبلاريندان
بيريسي غرب
بلوكونا
قارشي آنتي
ايمپيرياليستي
تبليغات
آپارسايدي،
پولشا
آزادليق
حركاتي اونون
حاقيندا نئجه
قضاوت ائده
بيلردي.
ائله بو سبب
دن دير كي
"تبريزلي باي
بك" قافيه نين
دارليغيني
حيس ائدركن،
مطلبه
ياخينلاشسادا،
ايران ايسلام
جومهوريتي
نين هانسي ژئو
پوليتيك
بلوكا باغلي
اولماسيني
موعينلشديرركن
بير دخلي
اولمايان جومله
يازير: "بو
دونيادا
بيزيم يئريميز
هاردادير؟
طبیعي
بيزيم
يئريميز
تورپاقين تام
ديبيدير" بو جومله
ني يازماق هم
شامورتي
بازليق دير و
هم مٶلف ين
چوخ دا
نائيو
اولماماسينا
دايير بير
علامت. معلوم
دور كي صٶحبت
"بيز" دن
گئتمير. بوردا
هئچ معلوم
اولمور كي،
"بيز" ضميري
كيمه دلالت
ائدير.
18
مارت 2009
تارخينده نشر
اولان بير
يازي دا، قوزئي
آذربايجان دا
كئچيريلن
رئفراندوم
حاقيندا
"تبريزلي باي
بك"،
رئفراندوما
قويولان اساسي
قانوندا كي
دييشيك
ليكلرده،
آمئريكا بيرلشميش
شتاتلاري نين
قوزئي
آذربايجان دا
حربي بازالار
يارادماغين
راحاتلاشماسي
و نابوكو قاز
كمري نين چكيلمه
سي نه زمين يارادماق
كيمي فيتنه
كارليقلار
كشف ائتميشدير!
بو بي اٶزونه
مخصوص بير
يازي طرزيله سٶزلرين
بئله ايفاده
ائيمشدير:
"آرتيريم کي
آمئريکا بو
دورومدا ايلک
باخيشدا
آذربايجانا
گليب و
بازاسينا يئر
ايستيه جکدير!
...داهاسي،
نابوکو
لاييهه سي
اوچون يئني
ايشلر
ياپيلمالي
گؤرونور!
آذربايجان
طرفيندن بير
چوخلو آلان بو
ايش اوچون
قوروغا
آلينمالي اولاجاقدير!
"
عجبا
قوزئي
آذربايجان دا
آمئريكا بيرلشميش
شتاتلاري نين
حربي بازا
يارادماسي يا ايران
و روسيه يه
باغلي
اولمايان نئفت-قاز
ايخراج
كمرلري چكمك
هانسي
دٶولتين تهلوكي
سيزليك
اورقانلاريني
دائمي
نيگرانليقدا
ساخلايير؟! عجبا به
يم، "باكي
تيفليس
جئيهان" نئفت
كمري، ايران و
روسيه دن
كئچمه دي يي
اوچون، قوزئي
آذربايجانا
ايكينجي بير
ايستيقلال
قدر اهميتي
يوخدور؟
موعاصير و گله
جك دونيانين
ايپك يوللاري
ساييلان
ايستيفاده يه
وئريلميش
باكي-تفليس-جيهان
نئفت كمري و
لاييحه لشن (8
ميليارد
يوورلوق)
نابوكو Nabucco گاز كمري
آذربايجانين
هر باخيمدان آوروپا
و دونيا خريطه
سينده اٶنمي
ني آرتيران
نهنگ لاييحه
لرديرلر.
ياديميزدادير
كي
باكي-تيفليس-جئيهان
نئفت كمري
لاييحه
لشركن، نئجه
ايران ايسلام جومهوريتي
ميلونلارلا
دوللار پول و
لطايف الحيل
له، او لاييحه
نين قاباغينا
داش ديگيررتمك
ايستيردي. هم
ده ياديميزدا
دير كي ايران
رژيمي نين هم سلطنت
طلب و هم سول
اوپوزيسيونو
بو كوردا،
عئيني تاكت لا
رژيمله سس سسه
وئرميشديلر و
نهايت 2006 (28 ماي)
تاريخينده
همين كمر ايشه
باشلاياندا
بيز بوتون
آنتي آذربايجان قووه
لرين موشترك
عزا
مراسيملرينين
شاهيدي
اولدوق.
"تبريزلي
باي بك"ين
فعالتيني
مندن قات-قات
آرتيق ايزله
ميش حٶرمتلي
قلمداش،
آيدين تبريزي
نين
آراشديرمالاريندا،
بير چوخ
معنالي
مقاملارا
ايشاره ائدير.
او جومله دن
اونون ايداره
ائتدي يي "باي
بك" سايتي نين احمدي
نژادا مهربان
موناسيبتيني
بير نئچه حالدا
آچيق آيدين
گٶسترير.
اونلاردان
بيرينده، اورميه
ده احمدي
نژادا قارشي
آتيلان اياق
قابي نين
ماجراسيني"
گاردين" و بير
چوخ دونيا مئدياسيندا
عكس ائديلمه سينه
باخماياراق،
گٶز آردينا
وورماسيني گٶسترير:
"آما
بوردا بیر
مساله منیم
دیققتیمی
اوزونه چوخ چکدی.
اونوتمامیشیق
کی بای بک
سیته سی جورج
بوش-ا آیاق
قابی
آتیلاندا، نه
قدر سئویندیگینی
و های کوی
سالدیغی نی
اورتایا قویموشدو
و دفعه لرله
او خبری تحریک
ائدیجی
تیترلر ایله
یایمیشدی.
آنجاق احمدی نژادا
آیاق قابی
آتیلاندا بای
بک تام ایکی
گون
سوسموشدو!؟" (نه دن «بای
بک»
اورمونیوزون
خبرینی،
احمدی نژادا
آیاق قابی
آتیلماسی
باره ده، یایمادی؟!)
بيرداها قئيد
ائديم كي آنتي
ايمپرياليسمين
، بير قاتي كومونيست
يا بير حماسچي
طرفيندن بير
معناسي وار و بير
طرفدن گونئي
آذربايجاندا
توكچولوك
مودعاسيندا
اولان و عئيني
حالدا
احمدي
نژادين
اورمودا
بئابيرچي
وضعيته
قالماسيني
گيزلدن
"تبريزلي
باي بك"
طرفيندن
بام-باشقا
معناسي. بو
مقاله نين سونوندا
من ديرلي
آيدين تبريزي
نين اوچ مقاله
سي نين
لينكلريني
وئرميشم.
8- گون آذ تي
وي
"تبريزلي
باي بك" سون
زامانلار
احمد بي اوبالي
و گون آذ تي وي
يه قارشي
آپارديغي
كامپانيادا،
آذربايجان
ضيالي لاري
نين،
ايرانداكي توتاليتر
رژيمه قارشي
جرياندا
اولان ايجتيماعي
عوصيانلا
باغلي آرايا
قويدوقلاري
فيكيرلرله
باغلي دير.
معلوم
اولدوغو كيمي
هم سون
پريزيدنت
سئچگي لري و
هم او
سئچگي لرين
آردينجا
باشلايان
اعتيراض
آكسيالاري
آذربايجان
توركلري و اونلارا
منسوب اولان
ضيالي لار و
سياسي قووه لر
طرفيندن بير
معنالي
قارشيلانماميشدير.
سئچگي عرفه
سينده اولان موباحيثه
لره داخيل
اولمادان،
حاضيردا ايراندا
جرياندا
اولان
اعتيراض
حركاتي
حاقيندا
عومويتله
آراميزدا
ايكي فيكير
واردير:
1. آذربايجان
ائله ايندي
نين اٶزونده،
مادامكي رژيم
باشقا جبهه
لرده تضييق
آلتيندادير،
اٶز ميللي
ايستكلري و
عومومي آنتي
ديكتاتورا
شعارلاريله
اعتراضا
باشلامالي
دير. آنتي
ديكتاتورا عوصيانيندا
ايشتيراك
ائتمكله بيز
ميللت كيمي
فورمالاشيب،
داخيل ده و
دونيا سويه
سينده، گله جك
موباريزه
لريميزده
لازيم اولان
يئني سياسي
اعتيبارلار
قازانا
بيلريك.
2. ايصلاحاتچي لار
نه 8 ايل ليك
پريزيدنت
خاتمي نين
دٶورونده و نه
نه باشقا بير
واختدا،
آذربايجان
ميللي
منافعينه
دوشمنليكلرينده،
كونسرواتيولردن گئري ده
قالماميشلار.
بيزيم ميللي
منافعميز
حاضيركي
موجاديله ده
هئچ بير جبهه
نين طرفيندن
تأمين
اولمور.
بيز اٶز
پتانسيليميزي
فارسلارين
داخيلي
ساواشلاريندا
هدره وئره
بيلمريك.
سٶز يوخ كي هم
حقيقي معنادا
و هم بوش
ايدعا كيمي هر
ايكي مٶوقع ده
رژيم ين
بوتٶولويو يا
بير قانادي
نين منافعيني
تأمين ائده
بيلن مقاملار
تاپماق اولار.
بيرينجي
مٶوقع دن
چيخيش ائدنلر
اوچون ده
اونلارين
آذربايجان
ميللي
موجاديله
سيني ياشيل
لارين
حركاتينا
قاتماق و رژيم
ين داخيلي
ساواشيندا
ميللي ايمكانلاريميزي
هزينه
ائتمكده
قوصورلانديرماق
اولار. سون
گونلرده "نه
غزه نه لبنان
جانم فداي
ايران"
شعاريندا دا
آنتي عربيسم و
كور فارس
ناسيوناليسمي
نين
قوخوسونودا
دويماق
مومكوندور.
ايكينجي
مٶوقع دن بئله
نتيجه
چيخارماق
اولار كي، بيز
رژيمين
ايستيراتژي
منافعي
اساسيندا اونو بير آن
دا آنتي
توتاليتر
اعتيراض
حركاتي له برابر،
غئيري فارس
ميللتلرين
ميللي
عوصيانلاريلا
قارشي دورماق
يئرينه، بو حركاتلا
نٶبه ايله و
بير-به-بير
اوزلشيب،
هاميسني
قودرتله دارماداغين
ائتمك شانسي
وئرمك
ايستيريك.
ايراندا
حاليم اولان
ايسلام رژيمي
بوتون حاكميت
دٶورونون ان
جيدي بٶحراني
ني ياشايير و
البته
بوگونكو
گونده اونا
صرف ائتمير كي
هم غئيري فارس
ميلتللرله اوز-اوزه
دايانسن وهم
آنتي
توتاليتر
عومومي نهضتين
دالغالاريلا.
ايران ايسلام
جومهوريتي
1980-دن
باشلاياراق.
هم غئيري فارس
ميللتلري
(كرونولوژي
ترتيبيله:
كورد،، تورك،
توركمن، عرب،
قشقايي) و هم
سياسي و ديني
جريانلاري
(ترتيبله:
فرقان، آيت الله
سيد كاظم
شريعتمداري، ليبرال
لار و ميللي
مذهبي لر، بني
صدر و مجاهدين
خلق، سول
تشكيلاتلار،
توده
پارتياسي و
نهايت اكثريت)
بير-بير و
دويو آريدان بير
حٶوصله لي
قادين كيمي
دنله ميشدير.
بوگون ده
اٶزنو حياتي
بير بٶحران دا
گٶرن رژيم
اوچون
بيرداها همان
سئناريو
اساسيندا،
اول ياشيل
لاري و سونرا
غئيري فارس
ميللتلرين
عوصيانلاري
قارشي سيندا
دورماق داها
راحات
اولاردي.
آذربايجان و
سايير غئيري
فارس بٶلگه
لريني شيدتلي
كونترول
آلتيندا ساخلاماق
تصادوفو دئيل
و ائله بو
مصلحت
اساسيندا باش
وئرير.
آيدين دير كه
آذربايجان
ميللي
آزادليق موجاديله
سي نين هر
ائتاپيندا
يئني-يئني
موركب مقاملار
آرايا چيخيب،
و حركاتين
ايشتيراكچيلاريندان
سون درجه ده
آييق ليق –ساييق
ليق طلب ائدن
حاديثه لر باش
وئره جكدير. بو
فيكير
آيريليغي 2006
ماي
حركاتيندا
باش وئرمه دي
چونكي
ماهيتجه او
بير اعتيراض
آكسياسي ايدي.
او زامان
بوتون ميللت،
ميللي فعال
لار دا داخيل
اولماقلا
اياغا
قالخميشدي.
آمما
ائله سون
آيلارين
تجروبه سي بو
باخيمدان چوخ
ديرلي دير.
اولجه ميلليي
حركات سئچگي
لره قاتيليب-قاتيلماماق
و بيرنجي
حالدا كيمين
خئيرينه
موداخيله
ائتمك كونوسو
اساسيندا،
فيكير
آيريليقلارينا
شاهيد اولدو.
سئچگي لردن درحال
سونرا يئني
پارچالانما
آرايا چيخدي
كي، هله ده
دوامي واردير.
بو فيكير
آيريليغي
سببلريندن و
كيمين
حاقلي-حاقسيز
اولماسيندان
آسيلي اولماياراق،
بير رئال ليق
دير. البته كي
هم بو و هم هر
هانسي ديگر
مقاملاردا
ايچيميزده هم
دوشمن آداملاري
نين اولماسي
مٶحتمل دير و
هم بيزدن اولانلارين
سهولري
اساسيندا،
دوشمنه خيدمت
ائدن تاكتيك
لر و فيكيرلر
مٶوجود اولا بيلر.
بو هر حالدا
بير ائحتيمال
دير و
ائحتيمال
لارين يقين
اولماسي و
خصوصيله
كونكرت حال
تاپماسي ني
ايدعا ائتمك
اوچون گرك
الده كيفايت
قدر
ثوبوتوموز
اولسون.
9-
ميللي
حركاتين
سيرالاريندا
يئتگين ليك
علامتلري
2006
ماي قيامي نين
بركتلي
تأثيرلريندان
بيري، ميللي
آزادليق
حركاتيميزين
سيرالاريندا ياخينليغي
آرتيرماق
ايدي. بيلدي
يينيز كيمي او
حاديثه لرده
ميللتيميز
بٶيوك سياسي
شعور سويه سي
نوماييش
ائتديريب، و
ميللتيميزي
پارچالايان
هئچ بير احساسي،
آشيري يا
غئيري سياسي
شوعار وئرمه
دي. او گونلرده
بوتون ميللت
مئيداندا
اولدوغو
حالدا، كوچه
لر و
مئيدانلارين
تام ميللت ين
ايختياريندا
اولماسينا
باخماياراق،
ميللتيميز
تمكينلي و
آغيل لي حركت ائتدي.
معروف بير
سٶزدور كي
دئيبلر،
اينقيلاب نه
اينكي اهالي
ني، بلكه ائله
فعال لاري و
سياسي
جريانلاري دا
پيشيرير. بو
تاريخي
گونلرين ده
بيزيم اوچون
بٶيوك درسلري
واريدي.
اونلاردان
بيري يالنيز بوتون
ميللتين
عئيني
زاماندا
مئيدانا
چيخماسي نين،
سياسي ده
ييشيكليكلره
قادير اولماماسي
و بو ايش
اوچون سياسي
لشمك و ميللت
لشمك و بير
سياسي شعور،
سياسي ايراده
و سياسي پلاتفورم
صاحيبي اولان
ميللت كيمي
سياست مئيدانينا
داخيل
اولمانين
ضرورتيني
گٶستردي. بو
سيقنال لاري
آنلايان
بوتون سياسي قووه
لر، اٶتن اوچ
ايل عرضينده
اٶز آرالاريندا
ديالوقو
آرتيريب،
بير-بيرلريله
اورتاق مخرج
تاپماغا
چاليشميشلار.
بو پراسئس ده
ان ديرلي رولو
اويناماق
ائله احمد بي
اوبالي يه
قيسمت
اولموشدور. ائله
كي اونو
ايداره ائتدي
يي گون آذ تي
وي دن، ماشاالله
رزمي، ضيا
صدرالاشرافي،
عليرضا اصغرزاده،
صديقه
عدالتي،
هدايت
سلطانزاده، رضا
براهني، حسن
شريعمداري،
محمد آزادگر،
هادي سلطان
القرائي،
يونس شاملي و
بير چوخ ضيالي
لارين
فيكيرلري
سسلنيير.
قئيد ائتمه لي
يم كي بو
ياخينللاشما
هر طرفلي
اولموشدور.
ائله كي سابيق
ده سويوق
موناسييبتلريله
تانينان "ايستقلالچي"
و "فئدرالچي"
دوشرگه لري هر
ايكي طرفدن
اورتايا و ان
اساسي
بير-بيرلريله
ايش بيرلي يي
آپارماغا
مئيل
ائتميشلر. بو
پراسئس ايكي
قوروپون اوروه
يينجه
اولماميشدير:
بيرينجي سي
ايران ايسلام
جومهوريتي و
ايكينجي سي يالنيز
ايختيلافلي و
زهرلي
موحيطلرده
نشوي نوما ائدن
بير سيرا سويه
سيز و خسته
آداملار.
10- سون سٶز
"تبريزلي باي
بك"
بير طرفدن
"سحر" تئله
كانالي
ساياقي،
قوزئي
آذربايجانين
رهبرلي يينه
قارشي چيركين
بير كامپانيا
آپارير،
اوردا
كئچيريلن آنا
ياسا
رئفراندومون
آمئريكايا
حربي باز
وئريلمكله
باغلايير و
اوردا نابوكو
قاز كمري نين
چكيلمه سيني
(بير نقاتيو
حال كيمي) كشف
و اعلان
ائدير، واهاب
تبريزلي نين
يازيلارينا
گئن بول يئر
وئرير و دفعه
لرله اونو ن
"اثر"لريني
آكتوئل
ماتريال كيمي
دوباره اوزه
چيخارير.
باشقا طرفدن،
گون آذ تي وي و
اونون
آپاريجي
هئيئتي و
هابئله بير
چوخ آذربايجان
ضيالي لارينا
قارشي نيفرت
كامپانيالاري
يولا سالير.
دوغروسو بو بي
يين ايشينده
هم روحي
ناسازليقدان
عذاب چكنلرين.
اٶزلرينه
قارشي قصد
ائتمكله
اطرافين
ديقتيني چكمك
جهدي نين
شاهيدي
اولوروق و هم بو
هذيانلارين
الوان رنگري
آراسيندا
معنالي رنگلر
تاپماق
موموكوندور.
او صاحيبلري
نين هوييتي و ماهيتي
معلوم
اولمايان
نئچه تاخما آد
و ايمضا ايله
بير ميلته
بايراق، اليفبيا
و دٶولت
سرحدلري معين
ائتمك ايستير
و بو يولدا
اونا لببيك
دئمه ينلري
ايتتيهام
كامپانياسينا
معروض قويور. كاش
بونلار ساده
جه بٶحرانلي
بير شخص دن
باش وئرميش
عمل لر
اولسون.
سبب سيز دئيل
كي بير چوخ
آذربايجانلي
قلم صاحيبلري
اٶز
يازيلاريني
"تبريزلي باي
بك"ين ايداره
ائتدي يي
سايتا
يوللاماقدان
ايمتيناع
ائديرلر. بو
مسئله يه
بوگونه كيمي
ديقت ائتمه ين
دوستلارن دا
بو حاقدا
ديقتلي
اولمالاريني
آرزو ائتمك
اولار. مقاله
مي، همين گون
آذ تي وي
حاقيندا،
ديرلي دوكتور
علي رضا
اصغرزاده نين
سوزلريله
بيتيريرم.
طبيعي كي سون
قضاوت
اوخوجونون
دور. كيمي سه
"تبريزلي باي
بك"ين و كيمي
سه دوكتور اصغرزاد نين
فيكيرلريله
راضيلاشاجاقدير:
"...بو ايکي
موبارک حاديثه
نين بيري
گوناز تي وي (GunAz TV) نين
آچيليشي، و
ايکينجيسي
ايسه آداپ (ADAPP) آدلي
تشکيلاتين
قورولوشو
اولموش. شوبهه
سيز کي
گونازين
آچيليشي،
گونئي آذربايجان تاريخينده
يئني بير
حاديثه کيمي
ديئرلنديريلمه
ليدير. ايلک
اولاراق،
خالقين اوز ديلينده
24 ساعاتليق
بير
تئلئويزييا
آچيلميش کي
سورولاري
آذربايجان
پرئسپئکتيويندن آچيقلايير
و آذربايجان
آچيسيندان
دونيايا باخير.
خالقيميزين
تاريخينده بو
ميثالسيز بير
فئنومئندير." (اوينجي
سايتي نين
دوكتور
عليرضا اصغرزاده
ايله
موصاحيبه
سيندن)
-------------------------------------------------------------
آيدين
بي تبريزي دن
بو حاقدا اوچ
مقاله نين لينك
لري:
نه
دن «بای بک»
اورمونیوزون
خبرینی،
احمدی نژادا آیاق
قابی
آتیلماسی
باره ده، یایمادی؟!
ایفراط
چی لیغی کیملر
بیزیم حرکته
داخیل ائتمک
ایسته ییرلر؟!
یوروویژن
قالماقاللاری
و بای بک سیته
سی